მოძღვრება და აღთქმები 84

როდესაც ფიქრობ სიტყვაზე მღვდლობარა მოგდის აზრად? რა გავლენას ახდენს შენსცხოვრებაზე ღმერთის მღვდლობის ძალა ?

ამ კითხვებზე მსჯელობის შემდეგ შეგიძლია შეისწავლო მოძღვრება და აღთქმები 84:17–32და ეძიო ის, რაც ღმერთს სურს, მისი მღვდლობის ძალის შესახებ იცოდე. იფიქრე, როგორ შეიძლება გამოიყენო ეს მუხლები მღვდლობისა და მისი დანიშნულების აღსაწერად.

ერთი რამ, რასაც ნახავ არის ის, რომ მღვდლობის წეს-ჩვეულებების საშუალებით „გამოვლინდა ღვთისმოსაობის ძალა“ (იხილე მუხლები 19–21). იქნებ ჩამოთვალო მღვდლობის წეს-ჩვეულებები, რომლებშიც მონაწილეობა მიგიღია (შეიძლება დაგეხმაროს სიები ზოგადი მითითებების სახელმძღვანელოდან, 18.1, 18.2). როგორ მოიტანა ღმერთის ძალა შენს ცხოვრებაში ამ წეს-ჩვეულებებმა და მასთან დაკავშირებულმა აღთქმებმა? როგორი იქნებოდა შენი ცხოვრება მათ გარეშე?

პრეზიდენტი რასელ მ. ნელსონი ასწავლიდა: „ყოველ ქალს და კაცს, რომელიც აღთქმებს დებს უფალთან, იცავს ამ აღთქმებს და რომელიც ღირსეულად მონაწილეობს მღვდლობის წეს-ჩვეულებებში, აქვს პირდაპირი წვდომა ღმერთის ძალაზე“ (“Spiritual Treasures,” Liahona, ნოემბერი, 2019, 77). გაითვალისწინე პრეზიდენტ ნელსონის გზავნილი და ეძიე გზები, თუ როგორ „მოიზიდო მხსნელის ძალა შენს ცხოვრებაში“.

ასევე იხილე მოძღვრება და აღთქმები 25:10, 13, 15; 121:34–37, 41–46; თემები და კითხვები, “Priesthood” “Joseph Smith’s Teachings about Priesthood, Temples, and Women,” სახარების ბიბლიოთეკა; ზოგადი მითითებების სახელმძღვანელო, 3.6, სახარების ბიბლიოთეკა.

მღვდლობის ფიცსა და აღთქმას (იხილე მოძღვრება და აღთქმები 84:31–44) აქვს სპეციალური გამოყენება ზეციური მამის ვაჟებისთვის, რომლებიც აკურთხეს მღვდელოების თანამდებობაზე, თუმცა მრავალი აღთქმული კურთხევა ამ მუხლებიდან ხელმისაწვდომია ღმერთის ყველა შვილისათვის. რა არის ეს აღთქმები და რის გაკეთებას გვთხოვს ღმერთი მათ მისაღებად?

უხუცესი პოლ ბ. პაიპერი ასწავლიდა: „საინტერესოა, რომ მღვდლობის ფიცსა და აღთქმაში [იხილე მოძღვრება და აღთქმები 84:31–44], უფალი იყენებს ზმნას მიღება. ის არ იყენებს სიტყვას ხელდასხმა. ტაძარში მამაკაცები და ქალები — ერთად — იღებენ აარონისა და მელქიცედეკის მღვდლობის კურთხევებსა და ძალას“ (“Revealed Realities of Mortality,” Ensigh, იანვარი, 2016, 21).

მოძღვრება და აღთქმები 84:31–44-ს შესწავლისას იმსჯელე, თუ რას შეიძლება ნიშნავდეს მღვდლობის „მიღება“. როგორ განსხვავდება ეს მღვდლობის წოდებაზე ხელდასხმისგან? სხვა რის მიღებას გთავაზობს უფალი ამ მუხლებში? როგორ აკეთებ ამას?

რა შთაგაგონებს, იყო უფრო ერთგული მხსნელის, მისი მამის, მის მსახურთა და მღვდლობის ძალის მისაღებად?

ასევე იხილე მოძღვრება და აღთქმები 121:36–46.

რა ჭეშმარიტებას პოულობ მოძღვრება და აღთქმები 84:43–61 -ში, რომელიც გეხმარება გაიგო, რატომ უნდა სწავლობდე უფლის სიტყვას მუდამ? აღნიშნე კონტრასტი ნათელსა და წყვდიადს შორის ამ მუხლებში; ბრძანებამ „ბეჯითად ყური დუგდ[ე]თ მარადიული სიცოცხლის სიტყვებს“ როგორ მოიტანა ნათელი, ჭეშმარიტება და „სული იესო ქრისტესი“ შენს ცხოვრებაში? (მუხლები 43, 45).

ასევე იხილე 2 ნეფი 32:3.

ამ მუხლების წაკითხვისას აღნიშნე, თუ რა საშუალებით დაუდგება უფალი მხარში თავის მსახურებს. როგორ აისახება ეს დაპირებები იმ საქმეზე, რომლის აღსრულებაც მან გთხოვა? მაგალითად, როგორ აღსრულდა შენს ცხოვრებაში დაპირებები მუხლი 88 -დან?

რას სწავლობ ამ მუხლებიდან იმის შესახებ, თუ როგორ აღასრულებს უფალი თავის საქმეს? რა დარიგებასა და კურთხევებს პოულობ? ასევე შეგიძლია იფიქრო იმაზე, თუ როგორ მიიღე „ცოდნა თვინიერებით“, რადგან შენ მსახურობდი ადამიანთან ერთად, რომელიც იყო „სულით ძლიერი“ (შენი ოჯახის წევრების ჩათვლით).

• იმისათვის, რომ ბავშვებს დაეხმარო გაიგონ, თუ რა არის წეს-ჩვეულება, შეგიძლია მათთან ერთად შეხედო მღვდლობის წეს-ჩვეულების რამდენიმე სურათს: Gospel Art Book, N. 103–8ან ამ კვირის გასართობი გვერდი. ჰკითხე მათ, რა ხდება თითოეულ სურათზე. შემდეგ შეგიძლიათ ერთად წაიკითხოთ მოძღვრება და აღთქმები 84:19–22. რატომ სურს ზეციურ მამას, რომ ჩვენ მივიღოთ ეს წეს-ჩვეულებები? უთხარი ბავშვებს, როგორ იგრძენი ღვთის ძალა წეს-ჩვეულებების მიღებითა და აღთქმების დადებით. (ასევე იხილე „Priesthood Power, Authority, and Keys“ დანართში A ან დანართში B.)

• მოძღვრება და აღთქმები 84:77 -ს ერთად წაკითხვის შემდეგ შეეკითხე ბავშვებს, რას ნიშნავს, იყო მეგობარი. თქვენ შეგიძლიათ ისაუბროთ კარგ მეგობრებზე. როგორ გვიჩვენებს იესო, რომ მას სურს, ვიყოთ მისი მეგობარი? როგორ შეგვიძლია ვაჩვენოთ, რომ ეს ჩვენც გვინდა? „I’m Trying to Be like [ვცდილობ, ვიყო მსგავსი იესოსი]“ -ს მსგავსი სიმღერა (ბავშვების სიმღერების კრებულიდან, 78-79) შეიძლება დაგეხმაროთ ამ საუბრის წარმართვაში.

• ბავშვებმა შეიძლება ისიამოვნონ იმის მოსმენით, თუ როგორ დაგეხმარნენ მისიონერები შენ, შენს ოჯახს ან შენს წინაპრებს სახარების მიღებაში. შემდეგ შენ შეგიძლია წაიკითხო განსაკუთრებული აღთქმა, რომელიც უფალმა დაუდო მისიონერებს მოძღვრება და აღთქმები 84:88-ში. შეიძლება ბავშვებმა იფიქრონ იმ ქმედებებზე, რომლებიც ამ მუხლს შეესაბამება. შეგიძლია გაუზიარო მათ იმ დროის შესახებ, როდესაც შენ ემსახურებოდი უფალს და იგრძენი, რომ ის შენთან იყო, როგორც ეს აღწერილი იყო მუხლი 88-ში. ასევე შეგიძლია დაეხმარო ბავშვებს იფიქრონ იმაზე, თუ როგორ შეუძლიათ ახლა იყვნენ მისიონერები. დაამოწმე, რომ ზეციური მამა გვეხმარება ვიცოდეთ, რა უნდა ვთქვათ, როდესაც სხვებთან იესო ქრისტეზე ვსაუბრობთ.