“Julai 28–Ogas 3: ‘Dispela Pawa bilong Kamap Olsem God’: Doktrin na ol Kavanen 84,” Kam, Bihainim Mi—Bilong Hom na Sios: Doktrin na ol Kavanen 2025 (2025)
“Doktrin na ol Kavanen 84,” Kam, Bihainim Mi—Bilong Hom na Sios: 2025
Ol tingting i kam long Restoresen bilong Melkisedek Prishud, Liz Lemon Swindle i mekim
Julai 28–Ogas 3: “Dispela Pawa bilong Kamap Olsem God”
Doktrin na ol Kavanen 84
Stat long taim prishud i kam bek long 1829, ol Seints bilong dispela taim i kisim blesing bilong sekred pawa bilong Bikpela. Ol bin baptais, konpem, na kisim koling long sev wantaim dispela prishud atoriti, wankain olsem tede. Tasol long gat prishud pawa i no wankain olsem yu bai save gut long en, na God i gat moa Em i laik bai ol Seints bilong Em long klia gut—moa yet wantaim restoresen bilong ol temple odinens i wok long kam. Revelesen long prishud long 1832, nau Doktrin na ol Kavanen 84, i mekim bikpela visin bilong ol Seint long wanem tru em i prishud. Na em i ken mekim wankain long yumi tede. Long wanem, i gat moa long lainim long divain pawa we i holim “dispela ki bilong save bilong God,” i soim “dispela pawa bilong kamap olsem God,” na redim yumi long “lukim pes bilong God, em dispela Papa, na stap” (ol ves 19–22).
Ol aidia bilong Lainim long Hom na long Sios
Doktrin na ol Kavanen 84:27–32
Mi gat rot i go long prishud pawa na blesing bilong God.
Taim yu tingting long dispela wot prishud, wanem samting kam long tingting bilong yu? Hau na prishud pawa bilong God i senisim laip bilong yu?
Bihain long yu tingting long ol dispela kwesten, yu bai stadim Doktrin na ol Kavanen 84:17–32, lukluk long wanem God i laikim yu long save long prishud pawa bilong Em. Tingting long hau yu ken yusim ol dispela ves long tok klia long prishud na ol wok bilong em long wanpela.
Wanpela samting yu painim em olsem thru long prishud odinens “dispela pawa bilong godlines bai kamap ples klia” (lukim ol ves 19–21). Ating yu ken listim ol prishud odinens yu tek pat long ol (dispela lis long Jeneral Henbuk, 18.1, 18.2, i ken helpim). Hau na ol dispela odinens—na ol arapela kavanen i kam wantaim—bringim pawa bilong God long laip bilong yu? Laip bilong yu bai olsem wanem sapos dispela pawa i nogat?
Presiden Russell M. Nelson i tis: “Olgeta meri na olgeta man husat i mekim kavanen wantaim God na kipim ol dispela kavanen, na husat i woti na tek pat long ol dispela prishud odinens, i gat rot i go stret long kisim dispela pawa bilong God” (“Spiritual Treasures,” Liahona, Nov. 2019, 77). Tingting long stadim toksave bilong Presiden Nelson, na lukluk long wei yu ken “kisim pawa bilong Seivia kam insait long laip bilong [yu].”
Lukim tu Doktrin na ol Kavanen 25:10, 13, 15; 121:34–37, 41–46; Ol Topik na ol Kwesten , “Priesthood,” “Joseph Smith’s Teachings about Priesthood, Temples, and Women,” Gospel Library; General Hanbuk, 3.6, Gospel Library.
Doktrin na ol Kavanen 84:31–44
Prishud em bai yu kisim wantaim tok promis na kavanen.
Dispela tok promis na kavanen bilong prishud (lukim Doktrin na ol Kavanen 84:31–44) i gat spesel aplikesen bilong ol pikinini man bilong Papa long Heven husat i odein long wanpela prishud opis, tasol planti ol dispela blesing i stap long olgeta pikinini bilong God. Wanem em ol dispela promis, na God i askim yumi long mekim wanem long kisim ol?
Elda Paul B. Pieper i tis: “Em i naispela olsem long tok promis na kavanen bilong prishud [lukim Doktrin na ol Kavanen 84:31–44], Bikpela i yusim ol dispela tok obteinim na risivim. Em i no yusim dispela tok odeinim. Em long temple ol man na meri—wantaim—i kisim ol blesing na pawa bilong Aronik na Melkisedek Prishud” (“Revealed Realities of Mortality,” Ensign, Jan. 2016, 21).
Taim yu stadim Doktrin na ol Kavanen 84:31–44, tingting long wanem em i min long “obteinim” na “risivim” dispela prishud. Hau na em i narapela kain long odein long prishud opis? Wanem gen Bikpela i invaitim yu long kisim long ol dispela ves? Hau na yu wokim dispela?
Wanem yu painim i kirapim bel bilong yu long kamap moa feitful long kisim Seivia, Papa bilong Em, ol wokman bilong Em na prishud pawa bilong Em?
Lukim Doktrin na ol Kavanen 121:36–46.
Doktrin na ol Kavanen 84:43–61
Stap insait long tok bilong God bai bringim lait na tok tru long laip bilong mi.
Wanem tok tru yu painim long Doktrin na ol Kavanen 84:43–61 i ken helpim yu klia gut wai yu nid long olgeta taim stadim tok bilong God? Luksave long narakain bilong lait na tudak long ol dispela ves, hau na “gutpela lukluk bilong yu long ol toktok long laip oltaim” i bringim lait, tok tru na “dispela Spirit bilong Jisas Krais” kam insait long laip bilong yu? (ol ves 43, 45).
(Lukim tu 2 Nephi 32:3.
Komperim ol gospel prinsipel wantaim ol samting yu klia long ol. Yu ken tingim wanpela stori bai soim ol dispela tok tru long ol ves 43–44? Eksampel, hau long bihainim olgeta step bilong resipi i olsem stap “long olgeta tok … bilong God”?
Doktrin na ol Kavanen 84:62–91
Bikpela bai stap wantaim mi taim mi stap long sevis bilong Em.
Taim yu ridim ol dispela ves, yu ken painim ol wei Bikpela i tok Em bai sapotim ol wokman bilong Em. Hau na ol dispela promis i stap wantaim wok Em i askim yu long wokim? Eksampel: Hau na ol promis long ves 88 i inapim laip bilong yu?
Doktrin na ol Kavanen 84:106–110
Olgeta i ken kontribiut long wok bilong God.
Wanem samting yu lainim long ol dispela ves long hau Bikpela i pinisim olwok bilong Em? Wanem ol kaunsel na blesing yu painim? Yu bai tingting tu long hau yu bin “pilim gut” bikos yu sev wantaim wanpela husat i “strong long Spirit,” wantaim tu ol lain long famili bilong yu.
Long ol moa aidia, lukim ol isu bilong dispela mun Liahona na For the Strength of Youth ol megesin.
Ol aidia bilong Tisim ol Pikinini
Doktrin na ol Kavanen 84, 4–5
Ol temple odinens i helpim mi redi long stap wantaim Papa long Heven gen.
-
Long helpim ol pikinini luk fowod long go long temple, yu ken kamapim wanpela pazel long piksa bilong temple. Long baksait bilong wanwan hap, yu ken raitim samting yumi mekim long temple, olsem wokim baptisim bilong ol tumbuna bilong yumi i dai, wokim siling i go long ol famili, na wokim kavanen wantaim God. Ritim Doktrin na ol Kavanen 84:4–5 wantaim ol pikinini, na askim ol long harim gut wanem Bikpela i komandim ol Seints long bildim. Taim yu na ol pikinini putim ol pazel hap wantaim, serim wantaim wanpela narapela ol samting yumi ken wokim long redi long go insait long temple.
Doktrin na ol Kavanen 84:19–22
Mi ken kisim pawa long Papa long Heven thru long ol prishud odinens.
-
Long helpim ol pikinini klia gut long wanem em odinens, tingting long lukim ol piksa bilong ol sampela prishud odinens wantaim ol, olsem Gospel Art Book, nos. 103–8, o dispela wik activity page. Askim ol long toktok long samting i kamap long wanwan piksa. Yu ken ritim wantaim Doktrin na ol Kavanen 84:19–22. Wai na Papa long Heven i laikim yumi long kisim ol dispela odinens? Tokim ol pikinini hau yu pilim pawa bilong God bikos long ol odinens yu kisim na ol kavanen yu wokim. (Lukim tu “Priesthood Power, Authority, and Keys” in appendix A o appendix B.)
Doktrin na ol Kavanen 84:77
Mi poro bilong Jisas long wanem mi bihainim Em.
-
Bihain long yu ritim Doktrin na ol Kavanen 84:77 askim ol pikinini bilong yu em i min wanem long kamap poro. Yu bai toktok long ol gutpela poro yu i gat. Hau Jisas i soim yumi Em i laik poro wantaim Em? Hau na yumi ken soim yumi laikim dispela tu? Wanpela singsing olsem “I’m Trying to Be like Jesus” (Children’s Songbook, 78–79) ken helpim wantaim dispela toktok.
Doktrin na ol Kavanens 84:88
Papa long Heven i ken helpim ol wokman bilong Em.
-
Ol pikinini bilong yu bai amamas long harim hau ol misinari i helpim yu, famili bilong yu, o ol tumbuna bilong yu kisim gospel. Bihain yu ken ritim wanpela spesel promis Bikpela i mekim long ol misinari long Doktrin na ol Kavanen 84:88. Ating ol pikinini bilong yu i ken tingim ol eksen bai go wantaim dispela ves. Tingting long serim long wanpela taim yu sevim Bikpela na pilim olsem Em i stap wantaim yu,olsem i stap long ves 88. Yu bai helpim ol pikinini tingim ol wei ol i ken kamap misinari nau. Testifai olsem papa long Heven i save helpim yumi save wanem long tok taim yumi toktok long ol narapela long Jisas Krais.
Long moa ol aidia, lukim isu bilong dispela mun Friend megesin.