“Julai 21–27: We ‘Planti Mi Givim Mi Askim Em long Planti’: Doktrin na ol Kavanen 81–83,” Kam BIhainim Mi—Bilong Hom na Sios: Doktrin na ol Kavanen 2025 (2025)
“Doktrin na ol Kavanen 81-83,” Kam, Bihainim Mi—Bilong Hom na Sios: 2025
Ol diteil i kam long Krais na Yangpela Bikman i Gat Planti Moni, Heinrich Hofmann i mekim
Julai 21–27 We “Planti Mi Givim Mi Askim Em long Planti”
Doktrin na ol Kavanen 81–83
Long Mas 1832, Bikpela i singautim Jesse Gause long kamap kaunsela bilong Joseph Smith insait long Presidensi bilong Hai Prishud (nau Nambawan Presidensi). Doktrin na ol Kavanen 81 em i revelesen long Brata Gause long nupela koling bilong em. Tasol Jesse Gause i no bin sev gut tumas, olsem na Frederick G. Williams ol i singautim long kisim ples bilong em. Nem bilong Brata William i kisim ples bilong Brata Gause long dispela revelesen.
Dispela bai luk olsem liklik samting, tasol em i soim bikpela toktru: planti ol revelesen long Doktrin na ol Kavanen em ol adres long ol wanwan pipol, tasol yumi ken aplaim long yumi yet tu (lukim 1 Nifai 19:23). Taim yumi ritim kaunsel bilong Bikpela long Frederick G. Williams long “strongim ol sikuru i no strong yet,” yumi ken tingting long ol lain yumi ken strongim (Doktrin na ol Kavanen 81:5). Taim yumi ritim invitesen bilong Bikpela i go long ol memba bilong United Firm long “pasim ol yet wantaim dispela kavanen,” yumi ken tingim ol kavanen bilong yumi yet. Na yumi ken ritim promis bilong Em, “Mi … em mi pas taim yupela i mekim wanem Mi tok,” olsem Em i toktok long yumi (Doktrin na ol Kavanen 82:10, 15). Yumi ken wokim dispela bikos, olsem Bikpela i tokaut, “Wanem Mi tok long wanpela Mi tok long olgeta” (ves 5).
Lukim “Newel K. Whitney and the United Firm,” “Jesse Gause: Counselor to the Prophet,” long Revelations in Context, 142–47, 155–57.
Ol Aidia bilong Lainim long Hom na long Sios
Doktrin na ol Kavanen 81:4–5; 82:18–19
“Yu bai wokim ol bikpela gutpela samting long olgeta lain bilong yu.”
Insait long ol sampela hap long Doktrin na ol Kavanen 81–83, Bikpela i invaitim yumi long helpim ol pipol i gat nid i stap namel long yumi. Tingting long makim ol dispela hap tok taim yu painim ol. Wanpela eksampel bilong ol hap tok i klia gut tru i stap long Doktrin na ol Kavanen 81:4–5. Hia em sampela ol askim long helpim yu tingting long ol dispela ves:
-
Wanem sampela wei wanpela man i ken “wik”? Em i minim wanem long “sapotim” ol? Wanem taim sevis i gat pasin bilong Krais i kam long ol narapela i helpim mi taim mi wik?
-
Wanem bai mekim ol han bilong wanpela man “hangamap go daun”? Hau na mi ken “liptim ap” ol dispela han?
-
Wanem mining bilong ol “sikuru i no strong? Hau bai ol i strong?
Hau na Seivia bai mekim ol dispela samting bilong yu?
Ating stadim dispela ves i helpim yu tingim wanpela yu ken “sapotim,” “liptim ap,” o “strongim.” Wanem samting yu ken mekim long minista long dispela man o meri?
Wanem moa yu lainim long sevis i go long ol narapela long Doktrin na ol Kavanen 82:18–19? Yu ken tu lukim vidio “Teachings of Thomas S. Monson: Rescuing Those in Need” (Gospel Library). Hau na ol memba long wod bilong Bisop Monson i soim tising long ol dispela ves?
Teachings of Thomas S. Monson: Rescuing Those in Need
Lukim tu Jekop 2:17–19; Mosaia 18:8–9; “Works of God” (video), ChurchofJesusChrist.org.
Works of God
Doktrin na ol Kavanen 82:3
Seivia i givim mi moa na i askim mi long mi givim moa.
Taim yu ritim dispela ves em bai mekim yu tingting long ol samting God i givim long yu—long pisikel na long spirit tu. Tingting long dispela taim yu ritim seksen 82. Wanem samting yu pilim God i laikim long yu?
Lukim tu “Because I Have Been Given Much,” Hymns, no. 219.
Doktrin na ol Kavanen 82:8–10
Ol komanmen i soim lav bilong God long yumi.
Sapos yu o wanpela yu save long en i tingting wai na Bkpela i givim planti komanmen, Doktrin na ol Kavanen 82:8–10 i ken helpim. Wanem ol tingting long dispela ol ves i ken helpim yu tok klia long wanpela wai yu susim long bihainim komanmen bilong Bikpela? Yu ken komperim ol komanmen long wanem bai i ken helpim? Yu ken painim moa gutpela tingting long Doktrin na ol Kavanen 1:37–38; 130:20–21 na vidio “Blessed and Happy Are Those Who Keep the Commandments of God” (Gospel Library). Wanem ol ekspiriens i lainim yu long lukim ol komanmen olsem ol blesing?
Blessed and Happy Are Those Who Keep the Commandments of God
Tingting long ol sampela komanmen God i givim yu. Ol dispela komanmen i tisim yu wanem long Em na wil bilong Em? (lukim ves 8). Laip bilong yu i olsem wanem taim yu kipim ol komanmen?
Yu lainim wanem long Bikpela long ves 10? Yu ting em i min wanem long Bikpela i “bai pas”? (lukim tu ves 15).
Hau na Bikpela i holim ol promis bilong yu long laip? Yu bai tok wanem long wanpela husat i no pilim long kipim ol komanmen bikos ol i no kisim ol blesing ol i wetim stap? Yu painim sampela gutpela tingting long toktok bilong Elda D. Todd Christofferson “Our Relationship with God”? (Liahona, Mei 2022, 78–80).
Lukim tu ol Topik na ol Kwesten, “Commandments,” Gospel Library.
Doktrin na ol Kavanen 82:10
Bikpela bai blesim yumi long gutpela wei bilong Em yet.
Sista Virginia H. Pearce, olpela memba bilong Yang Women Jeneral Presidensi, i toktok long wanpela meri husat i wari nogut tru long ol pikinini bilong em husat i mekim ol sois i no rait. Wantaim bikpela wari, em i traim olgeta samting em i tingim long painim blesing bilong Bikpela bilong ol. Wantaim prea, em i putim gol long go long temple na pilim olsem Bikpela bai onarim dispela sakripais bilong em na senisim bel bilong ol pikinini bilong em. Meri i tok olsem:
“Bihain long tenpela yias mi go kam long temple na pre olgeta taim, mi sori long tok olsem ol sois bilong ol pikinini bilong mi i no senis . …
“Tasol mi senis. Mi narapela kain meri. … Bel bilong mi i malumalu. Mi pulap long sore. Mi ken mekim moa na mi nogat pret, wari, sem, asua na bagarap. Mi givim ap ol taim bilong mi na mi wet long Bikpela. Na mi ekspiriensim planti samting long pawa bilong Bikpela. Em i salim marimari bilong Em, ol liklik toksave i soim lav bilong em long mi na ol pikinini. Ol samting mi laikim i senis. Maski long laikim ol pikinini bilong mi long senis, mi laikim ol dispela liklik marimari na mi pulap long tenkyu long ol. …
“Ol prea bilong mi i senis. Mi soim moa lav na mi gat moa tenkyu. … Bikpela i wok long planti gutpela wei, na tru mi pulap long bel isi i winim olgeta klia tingting” (long “Prayer: A Small and Simple Thing,” Long Pulpit [2017], 288–89).
Doktrin na ol Kavanen 83
“Ol meri ol man bilong ol i dai na ol wanpis pikinini bai kisim ol samting.”
Long Epril 1832, olsem Bikpela i tokim em, Joseph Smith i trevol klostu 800 mails i go long ol Seint husat i bung long Missouri (lukim Doktrin na ol Kavanen 78:9). Taim em bin stap long hap, em i visitim wanpela komuniti we sampela ol meri ol man bilong ol i dai i lukautim ol pikinini bilong ol yet. Namel long ol em Phebe Peck na Anna Rogers, husat Profet i bin save long ol gut. Long Missouri long ol dispela yia 1830s, lo bilong gavman i givim ol meri man bilong ol i dai rait long ol propati bilong ol man bilong ol. Wanem samting yu lainim long seksen 83 long hau Bikpela i pilim long ol meri man bilong ol i dai na ol pikinini i nogat papamama? Yu save long wanpela i stap olsem yu ken soim lav na kea long em? Wanem sampela wei yumi ken serim wanem yu gat wantaim ol meri man bilong ol i dai, ol wanpis pikinini, ol singel mama, na ol narapela i gat nid?
Lukim tu Isaiah 1:17; James 1:27.
Long ol moa aidia, lukim ol isu bilong dispela mun Liahona na For the Strength of Youth ol megesin.
Ol Aidia bilong Tisim ol Pikinini
Doktrin na ol Kavanen 81:3
Mi ken pre long God “taim mi toktok na long bel bilong [mi] .”
-
Taim yu ritim Doktrin na ol Kavanen 81:3 wantaim ol pikinini, helpim ol tingting long ol “pablik” na “praivet” hap ol i ken pre. Yu ken tu harim o singsing wantaim ol wanpela singsing long prea olsem “Secret Prayer“ (Hymns, no 144). Serim wantaim wanpela narapela samting dispela singsing i tisim long impoten toktru long prea. Yu ken tu toktok long pasin bilong toktok wantaim rispek long Papa long Heven.
-
Long enkarisim ol pikinini long pre insait long bel, yu ken givim ol piksa bilong hat na invaitim ol long drowim o raitim samting ol i laik pre long en long Papa long Heven. Testifai olsem Papa long Heven i save long wanem yumi tingting long en na pilim na Em i ken harim ol prea bilong yumi maski yumi no tok bikpela. Yu bai serim wantaim ol wanpela ekspiriens taim yu bin pre long bel bilong yu na Papa long Heven i harim yu.
Doktrin and Ol Kavanen 81:5
Bikpela i laikim mi long helpim ol pipol i gat nid.
-
Wantaim ol pikinini, drowim ol piksa bilong ol han na sikuru na askim ol pikinini long painim ol dispela hap bilong bodi long Doktrin na ol Kavanen 81:5. Wanem samting Bikpela i askim yumi long mekim long dispela ves? Yu bai laik serim wantaim wanpela narapela sampela wei ol pipol i strongim yu taim yu pilim “wik” o “i no strong.” Dispela vidio “Pass It On” (ChurchofJesusChrist.org) iken givim ol aidia long hau ol sevim ol narapela. Yu ken tu singim wanpela singsing long sevis olsem “Have I Done Any Good?“ (Hymns, no. 223). Tingting long helpim ol pikinini mekim wanpela plen long helpim wanpela man o meri dispela wik.
2:18Pass It On
-
Yu ken tu yusim ol dispela piksa o vidio long tokim ol isipela stori bilong Jisas Krais i sevim ol narapela (lukim ol piksa long dispela autlain; Gospel Art Book, nos. 41, 42, 46, 47, 55; o wanpela long dispela Bible Videos long Gospel Library). Hau bai yumi bihainim eksampel bilong Seivia long helpim ol narapela?
Helpim ol pikinini bilong yupela kisim gutpela tingting bilong ol yet. Tising i min moa long serim toktru—em i min long helpim ol pipol i kamap ol lain bilong lainim ol yet. Long tokim ol pikinini hau ol i ken sevim ol narapela, olsem eksampel, sapotim ol long painim gaidens bilong Bikpela long save husat ol i ken helpim.
Doktrin na ol Kavanen 82:10
Papa long Heven i promisim ol blesing taim mi traim long bihainim Em.
-
Yu na ol pikinini i ken lukluk long Doktrin na ol Kavanen 82:8–10 long ol ansa bilong ol kwesten “Wai na Papa long Heven i givim yumi ol komanmen?” Yu bai laik helpim ol pikinini tingim ol eksampel bilong ol komanen bilong Em,(lukim, olsem eksampel, Exodus 20:4–17; Matthew 22:37–39; Doktrin na ol Kavanen 89:5–17). Em bai helpim sapos yu na ol pikinini i painim o drowim ol piksa long makim sampela bilong ol. Hau ol komanmen bilong Papa long Heven i soim lav bilong Em long yumi?
-
Ating wanpela liklik gem bai helpim ol pikinini lukim ol komanmen bilong God olsem blesing na i no hevi. Wanpela bai givim ol instraksen long helpim narapela husat i pasim ai wantaim laplap, long mekim samting olsem senwis o drowim piksa. Tingting long samting ol i ken mekim long save bilong ol yet na pilai na amamas! Bihain toktok long hau ol komanmen bilong God i olsem ol instraksen long dispela gem.
Long moa aidia, lukim isu bilong dispela mun Friend megesin.