Doktrin na ol Kavanen 71–75

Em i ken bikpela wari taim ol man i bagarapim o mekim fani long feit bilong yu long Seivia, gospel bilong Em o Sios bilong Em. Taim dispela i kamap, bai yu mekim wanem? Samting olsem i bin kamap long Ohio long 1831 (lukim seksen heding i go long Doktrin na ol Kavanen 71). Bikpela i tokim Joseph Smith na Sidney Rigdon long mekim wanem long Doktrin na ol Kavanen 71? Ating yu ken mekim lis long ol instraksen Bikpela i givim ol na ol blesing Em i promisim.

Antap long stadim seksen 71, yu ken painim aut tu hau Seivia i bekim long lain i bagarapim Em long ministri bilong Em long ples graun. Hia em ol sampela eksampel: Matthew 22:15–22; 26:59–64; John 10:37–38. Wanem samting yu lainim long Em? Wanem ol sampela moa save na tingting yu kisim long Matthew 18:15; Ephesians 4:31–32; 2 Timothy 3:12; James 1:19?

Hau na ol kaunsel bilong bilong Em i aplai long ol situesen yu pesim tede? Yu bai tingting long ol wei long stretim ol giaman pasin wantaim bel isi na ol toktok bilong yu yet. Eksampel. yu bai stat taim yu soim rispek long tingting bilong narapela, na bihain yu ken serim long daun pasin wanem yu bilipim long Jisas Krais na ol tising bilong Em. Long redi long ol dispela samting, ating yu ken prektisim dispela rot wantaim ol poro ba ol famili.

Lukim tu ol Topik na ol Kwesten, “Helping Others with Questions,” Gospel Library; Dallin H. Oaks, “Loving Others and Living with Differences,” Liahona, Nov. 2014, 25–28; Jörg Klebingat, “Valiant Discipleship in the Latter Days,” Liahona, May 2022, 107–10.

Taim Newel K. Whitney ol i kolim em long kamap bisop, ol wok bilong em i narakain liklik long ol wok bilong ol bisop bilong tede. Eksampel, Bisop Whitney i lukautim dispela konsekresen bilong ol propati na tok orait long stretim ol graun long Saion long Missouri. Tasol taim yu ritim long dispela koling long Doktrin na ol Kavaven 72, yu bai lukim sampela koneksen i go long ol bisop bilong tede—long sait bilong spirit, ol liklik, wok bilong ol.

Eksampel, long wanem wei yu bai “givim wanpela akaun” long bisop bilong yu? (verse 5). Long dei bilong yumi, “sto hau bilong Bikpela” i ken ol saming olsem ol donesen, sevis, na ol talen bilong ol wod memba (lukim verses 10, 12). Hau bai yu kontribiut i go long stohaus?

Hau na Bikpela i blesim yu na famili thru long sevis bilong bisop?

Lukim tu Quentin L. Cook, “Bishops—Shepherds over the Lord’s Flock,” Liahona, May 2021, 56–60.

Taim Joseph Smith na Sidney Rigdon i kam bek long misinari asainmen bilong tupela (lukim Doktrin na ol Kavanen 71), Bikpela i tokim tupela long go het wantaim tanim tok bilong Baibel (lukim Guide to the Scriptures, “Joseph Smith Translation (JST),” Gospel Library). Tasol i no min Em i laikim ol long stop serim gospel. Long wanem, em i laip bilong disaipel.

Taim yu ritim Doktrin na ol Kavanen 73, tingting hau yu ken mekim pasin bilong serim gospel i go yet, “prektikebel” (verse 4)—o kamap tru—em stap long laip bilong yu olsem ol narapela wok bilong yu.

Revelesen long seksen 75 i bin go long ol pipol husat i “givim ol nem [bilong ol] long go aut na tokaut long gospel bilong [Seivia]” (verse 2). Wanpela wei long stadim dispela revelsen em long mekim tupela lis: (1) hau long serim gospel gut stret na (2) hau Bikpela i blesim na sapotim yumi taim yumi mekim.

Yu ting em i min wanem long “stap weit” o “stap nating” long serim gospel? Em i luk olsem wanem long “wok hat wantaim strong bilong yu”? (verse 3).

Lukim tu: “I’ll Go Where You Want Me to Go,” Hymnsno. 270.

• Yu ken yusim seksen heding bilong Doktrin na ol Kavanen 71 o “Chapter 25: Joseph Smith and Sidney Rigdon Go on a Mission” (long Doktrin na ol Kavanen Stori, 96, o vidio long Gospel Library) long tisim ol pikinini long hau dispela i bin kamap seksen 71. Helpim ol long painim long verse 1 wanem Bikpela i laikim Joseph na Sidney long mekim long ol dispela “piling i no gutpela ” i kam long Sios. Hau na Em i tok Em bai helpim ol? Hau na yumi ken kamap olsem Joseph na Sidney?

  

  0:45

• Yu ken tu singim wanpela song i givim gutpela tingting long ol pikinini long kamap tru long Seivia, olsem “Stand for the Right” (Children’s Songbook, 159). Helpim ol pikinini prektisim hau long serim wanem ol i save long Jisas Krais.

• Ritim Doktrin na ol Kavanen 72:2 wantaim i ken kamapim dispela opotuniti long diskas wai na Bikpela i givim yumi ol bisops (lukim tu “Chapter 17: The First Bishops of the Church,” long Doktrin na ol Kavanen Stori, 64–66, o vidio long Gospel Library). Yu na ol pikinini i ken painim ol piksa o samting i makim ol wok bilong bisop. Piksa na ektiviti pes long pinis bilong dispela autlain i giim sampela aidia. Bihain yupela i ken toktok long ol bisop yupela i save long ol na hau Bikpela i blesim ol famili bilong ol thru long sevis bilong ol.

  

  1:45

• Long toktok long narakain bilong “stap nating” na “wok hat[tru] wantaim strong bilong [yumi],” ating yu ken selektim sampela ol sevis wok o haus wok na invaitim ol pikinini bilong yu long soim ol i wok nating na bihain wantaim olgeta strong biong ol. Taim yu ritim “i no stap nating” long Doktrin na ol Kavanen 75:3, ol pikinini bilong yu bai soim hau ol bai mekim wok wantaim les. Taim yu ritim “tasol wok hat wantaim strong bilong yu,” ol i ken soim ol i save wok hat. Wai em impoten long yumi mekim gutpela wok taim yumi sevim Bikpela?

• Long toktok bilong em “Two Principles for Any Economy” (Liahona, Nov. 2009, 55–58), President Dieter F. Uchtdorf i tokim tupela stori long wok. Ating yu ken serim wantaim ol pikinini bilong yu na toktok long hau em i pil long save yumi wok hat na mekim gutpela wok bilong yumi.