Doktrin na ol Kavanen 67–70

Dispela disisen long pablisim ol revelesen Joseph Smith i kisim i luk olsem i isi, tasol sampela ol Sios lida bilong dispela taim i no bin tin em i gutpela tingting. Wanpela wari i kam wantaim ol wei Joseph Smith i raitim ol dispela revelesen i no luk orait. Revelesen insait long seksen 67 i kam olsem bekim bilong dispela wari. Yu lainim wanem long profet bilong Bikpela na revelesen i kam long ol ves 1–9? Wanem ol sampela moa save na tingting yu kisim long 68:3–6?

Hau na yu bai save long yu yet olsem ol revelsen God i givim long ol wokman bilong Em i tru? Yu bai tingting long ol ekspiriens taim yu pilim Bikpela i toktok long yu thru long ol wokman bilong Em (lukim Doktrin na ol Kavanen 68:4). Wanem taim yu pilim “Holi Gos i muv” (ves 3) long tok wanpela samting? Hau na Bikpela i “sanap klostu long yu”? (ves 6).

Pastaim long ol i printim dispela Buk bilong ol Komanmen, sampela Sios lida i sainim wanpela testimoni olsem ol revelesen insait long buk i tru. josephsmithpapers.orgLong lukim kopi bilong testimoni bilong ol, lukim “Testimony, circa 2 November 1831,” Revelation Book 1, 121, .

Hau na pasin jelesi, pret, na praid i stopim yumi long gro klostu long Bikpela? Olsem wanem bai yumi winim dispela “man i nogat Holi Spirit” o “tingting bilong man bilong graun” bai yumi ken “lukim [Em] na save olsem [Em i stap]”? (verse 12; lukim tu Mosaia 3:19). Yu painim wanem long ol dispela ves i givim yu gutpela tingting “go het wantaim isi pasin inap yu kamap stret”? (ves 13).

Ol tok bilong Bikpela long Doktrin na ol Kavanen 68:25–31 i toktok long ol papamama, tasol maski yu papamama o nogat, yu ken yusim kaunsel bilong Em long mekim wok bilong yu long putim hom bilong yu namel tru long doktrin bilong Jisas Krais. Long hia i gat ol sampela prinsipel Bikpela i tok yumi mas tisim insait long hom. Tingim hau yu ken mekim wanwan long ol dispela olsem faundesen bilong Krais-i stap namel long hom—dispela hom yu stap long em nau o long bihain taim. Ol dispela risoses na ol kwesten bai helpim yu.

• Tanim bel: Stadim Alma 36:17–20, na lukim hau Alma i kisim blesing long hat taim bikos papa bilong em i tisim em long dai na kirap bilong Seivia. Hai bai yu helpim na givim gutpela tingting long famili long tanim i go long Jisas Krais na tanim bel? (lukim tu 2 Nifai 25:26).

• Feit insait long Krais: Ritim ol faipela tingting bilong Presiden Russell M. Nelson bilong kirapim feit long “Christ Is Risen; Faith in Him Will Move Mountains” (Liahona, Mei 2021, 103). Tingting long hau dispela ol tingting i ken kamapim pasin bilong feit insait long famili.

• Baptisim: Lukluk bek long baptismal kavanen i stap insait long Mosaih 18:8–10, 13. Hau na ol wok bilong yu long kipim dispela kavanen i strongim famili bilong yu?

• Presen bilong Holi Gos: Stadim ol invitesen long pages 17–19 bilong Bilong strong bilong ol Yut: Wanpela Gaid bilong Mekim ol Sois. Wanem samting yu pilim i kirapim bel bilong yu long invaitim pawa bilong Holi Gos insait long hom bilong yu?

• Prea: Yu lainim wanem long pawa bilong prea insait long hom long “Love Is Spoken Here”? (Singsing bilong ol Pikinini, 190–91). Seivia i promisim ol wanem blesing insait long 3 Nephi 18:15–21?

• Ol narapela prinsipel yu painim long Doktrin na ol Kavenen 68:25–31:

Wanem kaunsel bai yu givim long wanpela husat famili memba i no sapotim long bildim feit long Krais?

Lukim tu “Family: Tokaut I go Long Wol,” Gospel Librari; Ol Topik na ol Kwesten, “Parenting,” Gospel Library; Dieter F. Uchtdorf, “Jesus Christ Is the Strength of Parents,” Liahona, Mei 2023, 55–59.

Wai na yu ting em i bin “wisdom long [Bikpela]” bilong wanpela “trupela na feitful” long go wantaim Oliver Cowdery long dispela asainmen i stap long dispela ves? Hau bai dispela prinsipel aplai long yu?

Bikpela i givim ol sampela lida ol wok long lukluk long pablisim ol dispela revelesen. Maski yu nogat dispela wok, wanem em wok bilong yu “long ol dispela revelesen na komanmen”? (ves 3).

• Tokim ol pikinini bilong yu hau Joseph Smith na ol revelesen i print long buk (lukim “Sapta 23: Dispela Doktrin na ol Kavanen,” insait long Doktrin na ol Kavanen Stori, 90–92, o dispela vidio long Gospel Librari). Helpim ol long tingim sampela ol dispela samting yu lainim long Jisas Krais long Doktrin na ol Kavanen long dispela yia. Yu ken tu serim wantaim wanpela narapela ol feveret ves i kam long Doktrin na ol Kavanen.

  

  2:2

• Yu ken tu soim ol pikinini bilong yu dispela Baibel, Buk Momon, Doktrin na ol Kavanen, na Pel bilong Bikpela Prais na toktok wantaim ol long hau ol i narakain na hau ol i wankain (lukim ol diskripsen bilong ol dispela buk insait long Guide to the Scriptures). Hau na yumi bai save olsem ol skripsa i tru? Wanem yumi lainim long Doktrin na ol Kavanen 67:4, 9 long ol revelesen Bikpela i givim long Joseph Smith?

• Long Doktrin na ol Kavanen 68:27, Bikpela i givim toktok long krismas bilong wanpela long kisim baptais. Helpim ol pikinini painim wanem Em i tok. Wai na Jisas i laik yumi mas baptais? Wanpela singsing olsem: “Baptism” (Children’s Songbook, 100–101) i ken helpim. Yusim ol piksa o veses 25–31 (o tupela wantaim), long helpim ol pikinini painim ol samting Bikpela i laikim ol long lainim.

• Ritim wantaim ol pikinini dispela asainment Bikpela i givim Oliver Cowdery insait long seksen heding bilong Doktrin na ol Kavanen 69. Wanem kaunsel Bikpela i givim long ves 1? Wai na em i impoten long stap wantaim ol pipol “husat i stap trupela na feitful”? Ating ol pikinini i ken toktok long wanpela husat ol i save em i “trupela na feitful.” Singsing wantaim wanpela singsing i enkarisim ol pikinini long stap tru na feitful olsem Seivia, olsem “I’m Trying to Be like Jesus“ (Children’s Songbook, 78–79). Hau bai yumi mekim sua olsem yumi stap tru na feitful long Bikpela? Hau bai Em i yusim yumi long blesim ol narapela taim yumi stap tru na feitful?