Doktrin na ol Kavanen 58–59

Ol Seint i bin hop olsem long taim bilong ol, Jackson County bai kamap olsem wanpela Saion, ples we olgeta seint bai kam bung. Tasol, taim bilong ol long Jackson County bin pulap long hevi. Long sampela yias, ol i fosim ol long lusim na “wet long liklik taim long ridemsen bilong Saion” (Doktrin na ol Kavanen 105:9).

Yu lainim wanem long ol hevi o salens i kam long toktok bilong Bikpela long Doktrin na ol Kavanen 58:1–5? Wai na yu ting sampela blesing i save kam bihain tasol long hevi? Wanem ol blesing yu kisim bihain long taim bilong hevi?

Yu lainim wanem long Doktrin na ol Kavanen 59:23 we i givim yu hop?

Long stadi bilong yu long ol dispela ves, yu ken mekim wanpela lis long ol samting yu “laik long mekim”. Olgeta dispela wok “i gutpela ol wok”? Tingting long wanem yu ken mekim long “bringim kamap planti stretpela pasin”—na tingting long setim ol gol long mekim.

Wai yu ting Bikpela i laikim yu long mekim “planti samting long laik bilong [yu] yet”? Yu ting wanem bai kamap sapos yu mas “mekim olgeta samting”? Wanem tingting 2 Nifai 2:27 i givim long save bilong yu long dispela prinsipel?

Lukim tu Dale G. Renlund, “Choose You This Day,” Liahona, Nov. 2018, 104–6.

Promis bilong Bikpela long Doktrin na ol Kavanen 58:42 long tru tru pogivim ol lain husat i tanim bel i gutpela, maski em i kamapim ol sampela kwesten: Wanem em i min long tanim bel? Hau mi save mi tanim bel? Gutpela tru, Bikpela i go het, “Long dispela yupela bai save…” (ves 43).

Hia em ol sampela kwesten ol lain sampela taim i gat long tanim bel. Wanem samting Spirit i tisim yu taim yu stadim ol dispela risoses i stap daunbilo?

Hau na konpesim ol sin bilong mi helpim mi long tanim bel? Lukim Psalm 32:1–5; Proverbs 28:13; Mosaia 27:34–37; Alma 39:12–13.

Mi traim long lusim ol sin bilong mi, tasol mi wok long mekim ol mistek yet. Tanim bel bilong mi i orait yet? Lukim Bradley R. Wilcox, “Worthiness Is Not Flawlessness,” Liahona, Nov. 2021, 61–67; “Daily Restoration” (video), Gospel Library.

5:27

Hau mi ken save Seivia i pogivim mi? Lukim Tad R. Callister, “The Atonement of Jesus Christ,” Liahona, May 2019, 85–87, moa yet seksen i gat taitel “2. Sin.”

Yu ken painim moa tingting insait long “Questions and Answers” long tanim bel long Bilong Strong bilong ol Yut: Wanpela Gaid bilong Sois (pages 8–9).

Lukim tu ol Topik na ol Kwesten, “Tanim Bel,” Gospel Library.

Polly Knight na man bilong em, Joseph Knight Sr., i bin sampela ol nambawan bilip man meri long koling bilong Joseph Smith olsem profet. Polly na Joseph i givim bikpela sapot i go long Profet long wok bilong tanim tok bilong Buk Momon. Knight famili i lusim Colesville, New York, long bungim ol Seint long Ohio na bihain i bin kisim komanmen long muv i go long Jackson County, Missouri. Taim ol i go, helt bilong Polly i bagarap, tasol em bin strong long lukim Saion pastaim long em i dai. Em i stap long Missouri sampela de tasol taim em i dai (lukim Saints, 1:127–28, 132–33). Doktrin na ol Kavanen 59 ol i bin kisim long de em i bin dai, na ol ves 1 na 2 i toktok long em.

Yu ting em i min wanem long “kisim kraun … wantaim ol komanmen”? (ves 4). Tingim hau Bikpela i blesim yu taim yu traim long bihainim ol wanwan komanmen long ol ves 5–19.

Bihain long em i promis long blesim ol Seint long Saion “wantaim ol komanmen i no liklik,” Bikpela i givim spesel toktok long wanpela komanmen long onarim dispela “holi de” bilong Em (Doktrin na ol Kavanen 59:4, 9). Taim yu stadim Doktrin na ol Kavanen 59:9–19, tingting long wai onarim Sabat em i inpoten long ol Seint taim ol i bildim Saion. Wai em i impoten long yu?

Yu ken tu tingting sapos yu yusim Sabat de long wei Bikpela i laikim. Hau na kipim Sabat de holi helpim yu stap “klin long wol”? (ves 9). Wanem yu ken mekim long peim ol “divosen i go long Bikpela Antap Tru”? (ves 10).

Yu bai lukim olsem Bikpela i yusim ol toktok olsem “amamas,” long tis long sabat de. Wanem i mekim sakramen gutpela long yu? Hau bai yu tok klia long wanpela wai yu sus long onarim de bilong Bikpela?

Yu lainim wanem long dispela singsing “Gently Raise the Sacred Strain” (Hymns, no. 146) long ol wok na blesing bilong Sabat?

Lukim tu Genesis 2:2–3; Isaiah 58:13–14; Russell M. Nelson, “The Sabbath Is a Delight,” Liahona, Mei 2015, 129–32.

• Ritim wantaim Doktrin na ol Kavanen 58:26–28 ken givim yu na ol pikinini opotuniti long toktok long pawa Papa long Heven i givim yumi long sus long mekim gutpela wok. Yu bai tokim wanpela narapela long ol sois yu bin mekim na wanem samting i kamap. Ating ol pikinini bilong yu i ken drowim piksa long ekspiriens bilong ol.

• Yu ken raitim sois long wanpela sait bilong hap pepa na Konsikwens long narapela sait na yusim dispela pepa long soim olsem ol sois bilong yumi na ol samting bai kamap i save kam wantaim. Ating ol pikinini bilong yu i ken listim sampela sois na toktok long ol samting bai kamap long ol. Bihain yu ken rit wantaim Doktrin na ol Kavanen 58:27–28 na toktok long ol sois i “bringim kam ol stretpela pasin” o gutpela samting. Hau na Papa long Heven “i peim” o blesim yumi taim yumi traim long mekim gutpela? (ves 28).

• Tingting long ritim ol dispela ves taim yu na ol pikinini go long wokabaut o lukluk long ol piksa bilong ol samting i stap raunim yumi, luksave long ol samting i “gutpela long ai na … amamasim bel” (ves 18). Yu ken tu luksave long wankain samting long singsing olsem “My Heavenly Father Loves Me” (Singsing buk bilong Pikinini, 228–29). O yu bai invaitim ol pikinini bilong yu long drowim ol piksa bilong ol samting ol i gat tenkyu long ol na larim ol i toktok long ol piksa. Hau na yumi ken soim tenkyu bilong yumi long ol dispela samting?

• Yumi ken mekim wanem long Sande long lotu long Bikpela na painim amamas? Helpim ol pikinini painim ol aidia long Doktrin na ol Kavanen 59:9–12 na wok bilong dispela wik ektiviti pes. Ating ol ken painim tu piksa o samting long makim ol samting olsem Sabat (olsem ol piksa long dispela autlain). Hau na ol dispela samting bai bringim yu klostu long Papa long Heven na Jisas Krais?