Doktrin na ol Kavanen 60–63

Hau na testimoni bilong yu long gospel i olsem wanpela “talent,” o tresa i kam long God? Long wanem wei yumi sampela taim save “haitim ol talent [bilong] yumi”? (Doktrin na ol Kavanen 60:2; lukim tu Matthew 25:14–30).

Wanem ol gutpela toktok i kam long Bikpela yu painim long seksen 60 na 62? Hau na ol dispela toktok i bildim save and strong bilong yu long serim gospel? Taim yu tingting long ol dispela kwesten, tingting long singsing o ritim ol toktok long “I Want to Be a Missionary Now” (Children’s Songbook, 168). Wanem samting yu lainim long ol dispela singsing long wei bilong serim gospel?

Lukim tu “Sharing the Gospel” koleksen insait long Gospel Librari.

Olsem Em i instraktim ol misinarim Bikpela i autim ol impoten tok tru long Em yet. Painim ol dispela tok tru long Doktrin na ol Kavanen 60:2–4; 61:1–2, 20, 36–38; 62:1, 6. Wanem ol stori long ol skripsa i soim ol wok na pasin bilong Seivia yu painim? (lukim, olsem eksampel, John 8:1–11; Ita 2:14–15).

Bikpela i givim daireksen long ol tok tru bilong oltaim na ol prinsipel, tasol Em bai sampela taim lusim long yumi long mekim ol dispela samting na hau long ekt long ol prinsipel. Hau bai yu lukim dispela prinsipel i stap long Doktrin na ol Kavanen 62? (lukim tu Doktrin na ol Kavanen 60:5; 61:22). Hau yu bin lukim dispela prinsipel long laip bilong yu? Wai na em i gutpela long yumi mekim sampela disisen na yumi no ekspektim God long tokim yumi wanem tru bai yumi mekim?

Lukim tu Ita 2:18–25; Doktrin na ol Kavanen 58:27–28.

Long pinis bilong dispela autlain, i gat ilastresen bilong wanpela mirakel we i bin holim tru bel bilong Ezra Booth: han bilong Elsa Johnson i bin hil wantaim mirakel. Bihain long em i lukim dispela, Ezra i bin baptais hariap. Tasol, insait long sampela mun, Ezra i lusim feit bilong em na i no wanbel wantaim Profet. Hau dispela i kamap, taim em i bin witnesim mirakel?

Tingting long dispela taim yu ritim Doktrin na ol Kavanen 63 7–12. Wanem ol tok tru yu lainim long ol sain na feit?

Lukim tu Matthew 16:1–4; John 12:37; Momon 9:10–21; Ita 12:12, 18.

Long Doktrin na ol Kavanen 63:16, Seivia i bin tok strong long wanem Em i tisim long Niu Testamen—olsem lo bilong stap klin i mas bosim i no eksen bilong yumi tasol ol tingting bilong yumi tu Matthew 5:27–28). Taim yu ritim Doktrin na ol Kavanen 63:16, raitim daun ol tok lukaut Seivia i givim long ol tingting i no klin. Yu bai tingting tu long narapela sait bilong wanwan tok lukaut. Eksampel, wanem ol toktok o hap tok i oposit long pret? Wanem ol narapela blesing i kam long i gat ol klinpela tingting na eksen?

Planti pipol i ting olsem ol stended bilong klin pasin bilong Bikpela long tingting na eksen i olpela o stopim yumi. Wanem bai narakain sapos olgeta pikinini bilong God i traim long stap bihainim dispela lo? Yu bai painim ol ansa long dispela kwesten long toktok bilong Elda David A. Bednar “We Believe in Being Chaste” (Liahona, May 2013, 41–44) or “Your body is sacred” (For the Strength of Youth: A Guide for Making Choices, 23–26). Wanem ol toktok bilong hop yu painim?

Maski yumi save long ol blesing bilong klin pasin long ol tingting na eksen bilong yumi, i no min em i isi. Yu bai kisim sampela taim long tingting gut long wanem i mekim hat long yu kipim stended bilong Seivia long klin pasin—na wanem i mekim isi. Wanem ol samting yu ken serim wantaim ol narapela long wanem yu mekim taim yu kisim temtesen wantaim ol tingting i no woti?

Lukim tu Doktrin na ol Kavanen 121:45; Ol Topik na ol Kwesten, “Virtue,” Gospel Library; “Standards: Sexual Purity and Modesty—True Confidence” (video), Gospel Library; AddressingPornography.ChurchofJesusChrist.org.

3:58

Ol prinsipel long Doktrin na ol Kavanen 63:58–64 i go moa yet long kolim nem bilong Bikpela nating. Wanem ol narapela holi samting i kam “long antap,” o long God? Em min wanem long yu long toktok long ol dispela samting “wantaim kea”?

• Ating yu ken raitim sampela toktok long Seivia i stap long Doktrin na ol Kavanen 60–62 long ol liklik hap pepa. Ol pikinini bilong yu bai metsim ol dispela toktok long ol piksa bilong Jisas long taim bilong ministri bilong Em long graun (lukim Gospel Art Buk, nos. 34–61) i soim ol dispela samting. Hau na Em i mekim Em yet save long yumi tede?

  

• Taim yu ritim Doktrin na ol Kavanen 60:7–5; 61:2 wantaim ol pikinini, helpim ol painim ol wot ol dispela ves i gat. Rimainim ol olsem dispela ol revelesen i bin kam long Joseph Smith na ol narapela Sios lida. Wanem samting Bikpela i laikim ol long save? Yu ken toktok tu long hau Seivia i pilim taim yumi mekim ol mistek na wanem em i min long tanim bel. Long Doktrin na ol Kavanen 62:1, hau bai Jisas helpim yumi taim yumi kisim temtesen?

• Askim ol pikinini wanem ol bai tok sapos wanpela i askim ol wanem ol i laikim long Jisas Krais na Sios bilong Em. Singsing wantaim wanpela singsing long serim gospel, olsem “I Want to Be a Missionary Now” (Singsing buk bilong ol Pikinini, 168), ken givim ol aidia. Yu ken ritim Doktrin na ol Kavanen 62:3 na askim ol pikinini long harim long wanem bai kamap taim yumi serim testimoni bilong yumi. Hau na promis long ves 9 bai helpim sapos yumi pilim skin guria?

• Long introdusim Doktrin na ol Kavanen 63:64, you ken singim wanpela singsing long reverens wantaim ol pikinini, olsem “Reverence Is Love” (Singsing buk bilong ol Pikinini, no. 31). Bihain bai yu toktok long ol wei long soim reverens long Papa long Heven na Jisas Krais.

• Yu ken helpim ol pikinini klia gut wanem mining bilong reverens taim yu toktok long ol long wanpela sampela em i spesel long ol, olsem feveret toi, buk o blanket. Askim ol hau ol save lukautim ol samting i spesel long ol. Yu ken ritim wantaim Doktrin na ol Kavanen 63:64. Wanem ol samting i spesel—o holi—long Papa long Heven? (lukim, eksampel, ves 61 na dispela wik ektiviti pes). Hau bai yumi tritim ol dispela samting—wantaim ol toktok na ol eksen?