Doktrin na ol Kavanen 64–66

Tingting long dispela taim yu stadim Doktrin na ol Kavanen 64 1–11:

• Tingting long wanpela taim Bikpela i pogivim yu. Hau yu bin pilim?

• I gat wanpela yu nid long pogivim? Wai na em i hat long pogivim ol narapela? Wanem bai helpim yu long winim ol dispela hatpela samting?

• Wanem ol tok tru long pogivnes insait long Doktrin na ol Kavanen 64:1–11 i impoten long yu? Wai yu ting Bikpela i tok strong long yumi “long pogivim olgeta”? (verse 10).

Sapos yu hat long pogiv, tingting long stadim toktok bilong Elda Jeffrey R. Holland “The Ministry of Reconciliation” (Liahona, Nov. 2018, 77–79) o toktok bilong Kristin M. Yee “Beauty for Ashes: The Healing Path of Forgiveness” (Liahona, Nov. 2022, 36–38). Wanem samting yu lainim long hau Krais i ken helpim yu pogiv?

Sindaun bilong famili i ken givim yu planti opotuniti long pogiv. Tingting long ol famili memba bilong yu. Husat yu nid long pogivim? Hau na yumi “pilim pen” (ves 8) taim yumi no pogivim wanpela narapela? Pogivnes bai mekim wanem long sindaun bilong famili?

Lukim tu ol Topik na ol Kwesten, “Forgiveness,” Gospel Library; “Pogivnes: Wari bilong Mi i kamap Isi” (video), Gospel Librari.

8:24

Yu save pilim “hevi” wantaim olgeta “gutpela samting” yu wok long mekim? Painim toktok bilong Bikpela long yu insait long Doktrin na ol Kavanen 64: 31–34. Wanem samting Bikpela i laikim yu long mekim long bringim kam ol “bikpela wok” bilong Em?

Tingting long wanpela leson bai soim vee 33—samting i bikpela i kamap long ol liklik samting, olsem wanpela mosaik o brik bilding. Wanem ol “liklik samting” yu ken mekim olgeta de long “[putim] dispela faundesen bilong bikpela wok bilong God? Wanem ol sampela eksampel bilong ol “bikpela wok” Bikpela i givim long yu?

Elda Donald L. Hallstrom i tok dispela mining long hap tok “bel na wanbel tingting”:

“Bel em i simbol bilong lav na komitmen. Yumi mekim ol sakripais na karim ol hevi bilong ol lain yumi lavim we yumi no inap long karim long narapela as. Sapos lav i no stap, komitmen bilong yumi bai nogat. …

“Taim yumi ‘gat wanbel em i soim yumi givim olgeta bilong yumi na ol gutpela tingting long painim save bilong God. Em i soim olsem ol samting yumi mas stadim em ol samting bai stap oltaim. Em i min olsem i mas gat sindaun we i no inap long seperetim long harim tok bilong God na bihainim” (“The Heart and a Willing Mind,” Ensain, Jun 2011, 31–32).

Ensain em i “wanpela pilak o stended ol pipol bai raunim na bung long wanpela tingting” (Guide to the Scriptures, “Ensign,” Gospel Library). Hau na Saion—o Sios bilong Bikpela—i olsem ensain long yu? Tingting long ol dispela eksampel long ol samting bilong holim antap, olsem ensain, long blesim ol pipol: Numbers 21:6–9; Matthew 5:14–16; Alma 46:11–20. Painim ol narapela wei Bikpela i toktok long Saion long Doktrin na ol Kavanen 64:41–43.

Lukim tu “Let Zion in Her Beauty Rise,” Hymns, no. 41.

Doktrin na ol Kavanen 65 i givim wanpela gutpela tingting long misin bilong Sios bilong Bikpela long ol Las de. Tingting long painim long dispela seksen, ol ansa long ol kwesten olsem, Wanem bai Bikpela i laikim long kingdom bilong Em i mas inapim long ples graun? Wanem Em laikim mi long mekim long helpim?

Lukim tu “Redi tede long Nambatu Kambek” (vidio), ChurchofJesusChrist.org.

1:7

I no long taim bihain long joinim Sios, William E. McLellin askim Joseph Smith long soim laik bilong God bilong em. Joseph i no bin save, tasol William i bin gat faivpela kwesten em i laikim Bikpela long givim ansa thru long Profet bilong Em. Yumi no save long ol kwesten bilong William, tasol revelesen bilong em i stap nau, long Doktrin na ol Kavanen 66, i bekim wanwan kwesten bilong William “gut stret” (“William McLellin’s Five Questions,” long Revelations in Context, 138).

Taim yu ritim seksen 66, tingting long wanem Bikpela i bin save long ol wari na tingting bilong William McLellint. Hau na Bikpela i soim yu Em i save long yu? Sapos yu gat patriakel blesing, tingting long stadim. Taim yu mekim olsem, Holi Gos i helpim yu long save long wanem God i laikim yu bai mekim?

Nout: Taim yu tisim ol pikinini bilong yu long tokok bilong Bikpela long “pogivim olgeta,” yu bai laik long tok klia olsem pogivnes i no min yu ken larim ol pipol i mekim nogut long yu. Sapotim ol long tokim wanpela ol i ken trastim sapos wanpela bikpela man o meri i holim ol o mekim nogut long ol.

• Bihain long yu ritim Doktrin na ol Kavanen 64:10 toktok wantaim ol pikinini bilong yu em i min wanem long pogivim wanpela. Yu bai serim ol sampela eksampel. Ating ol i ken mekim rol-plei long ol dispela eksampel long prektisim pasin bilong pogiv.

• Yu bai askim ol pikinini long plenim hau long tisim wanpela—olsem yangpela susa o brata—long pogivim ol narapela. Helpim ol pikinini painim ol hap tok long Doktrin na ol Kavanen 64:7–10 ol i ken yusim taim ol i tis.

• Singim wanpela singsing long pogivnes, olsem “Help Me, Dear Father” (Singsing buk bilong ol Pikinini, 99). Dispela singsing i tisim yu wanem long pogivim ol narapela?

• Yu ken soim ol pikinini sampela samting i kamap long ol liklik samting, olsem pasel o wanpela rag. Bihain yu ken ritim wantaim Doktrin na ol Kavanen 64:33. Wanem em “bikpela wok” bilong God? Wanem ol “liklik samting” yumi ken mekim long helpim?

• Taim yu rit long ol pikinini long Doktrin na ol Kavanen 64:34, yu ken point i go long bel na het taim yu rit “bel” na “tingting,” na invaitim ol pikinini long mekim wantaim yu. Hau bai yumi givim ol bel bilong yumi (ol laik) na ol tingting (tingting) i go long Seivia?

• Helpim ol pikinini save gut olsem William E. McLellin i bin gat faipela kwesten bilong Bikpela. Joseph Smith i kisim ol ansa long ol dispela kwesten maski em i no save wanem William i askim. Tokim ol pikinini long wanpela taim Bikpela i soim yu wanem Em i laikim yu long mekim, na toktok long ol blesing i kam long bihainim daireksen bilong Em. Yu ken ritim Doktrin na ol Kavanen 66:4 wantaim na invaitim ol pikinini long painim ol opotuniti long save gut long wanem Bikpela i laikim yumi long mekim.

• Taim ol pikinini bilong yu i lukim dispela piksa bilong Nambatu Kambek bilong Seivia, askim ol long toktok long wanem ol i lukim na save long dispela samting. Yu ken tu givim ol pikinini bilong yu ol wot na hap tok long Nambatu kam bek long painim long Doktrin na ol Kavanen 65. Wanem dispela ol wot na hap tok i tisim yumi? Hau yumi ken redi long namba tu kam bek bilong Seivia?