Doktrin na ol Kavanen 51–57

Sapos yu bin Sios memba long 1831, yu bai gat invitesen long stap aninit long dispela lo bilong konsekresen taim yu sainim olgeta propati bilong yu i go long Sios thru long bisop. Em bai givim kam bek long yu, planti taim, samting yu givim, wantaim moa. Tasol i bin moa long samting bilong yu tasol—em bin stiwotsip bilong yu.

Tede dispela ol rot i no moa wankain, tasol ol prinspel i inpoten yet long wok bilong Bikpela. Taim yu ritim seksen 51, tingting long wanem God i givim long lukaut bilong yu. Ol dispela tok “stiwot” (ves 19) na “konsekretet” (ves 5) i tok wanem long wanem God i askim yumi long mekim?

Presiden Spencer W. Kimball i tok klia: “Insait long Sios, wanpela stiwotsip em i holi na i gat spirit o tras bai i gat akauntabiliti. Bikos olgeta samting em bilong Bikpela, yumi ol stiwot long bodi, tingting, famili na ol propati bilong yumi. (Lukim Doktrin na ol Kavanen 104:11–15.) Wanpela feitful stiwot em wanpela husat i eksasaisim ol stretpela lukaut, i laikim ol lain bilong em, na lukluk long ol tarangu lain” (“Welfare Services: The Gospel in Action,” Ensign, Nov. 1977, 78).

Lukim tu “The Law of Consecration” (video), Gospel Library.

5:1

Taim Bikpela i salim ol sampela Sios lida i go long Missouri, em i tokim ol long yusim dispela taim bilong wokabaut long “autim tok long rot” (verses 25–27). Hau bai yu serim dispela “long rot,” o long taim ol samting i kamap long laip bilong yu?

Wantaim planti lain pipol i tok ol i gat tokaut bilong spirit, ol Seint i bin wari nogut ol i giamanim ol. Wanem tok lukaut Bikpela i givim ol long Doktrin na ol Kavanen 52:14? Wanem i bin rot bilong stretim? (lukim verses 14–19).

Paten em i samting i save kamap long wanpela wei i wankain. Ol eksampel bai inkludim kaunt wantaim ol iven namba o san i kamap na i go daun. Wanem ol narapela eksampel yu ken tingim? Taim yu painim long Doktrin na ol Kavanen 52:14–19, luksave long paten bilong Bikpela long abrusim pasin bilong giaman. Em bai helpim long save olsem “kontrait” em i min daun pasin na tanim bel; “isi pasin” em olsem isi na i gat kontrol; na “edifai” i min long givim save, mekim gut, o bildim. Wai na yu pilim paten bilong Bikpela i inkludim ol dispela kwaliti, na tu pasin bilong harim tok? Hau na yu ken aplaim dispela paten long abrusim giaman pasin?

Wanem ol sampela eksampel bilong pasin giaman long de bilong yumi? Hau bai yumi save ol i giamanim yumi?

Kain olsem, yu bai skelim ol sois bilong yu long ol piksa, musik, na sosel midia beis long ol stended insait long “Walk in God’s light” insait long Bilong Strong bilong ol Yut: Wanpela Gaid bilong Mekim ol Sois, 16–21.

Lukim tu Gary E. Stevenson, “Deceive Me Not,” Liahona, Nov. 2019, 93–96; “Guide Me to Thee,” Hymns, no. 101; Ol Topik na ol Kwesten, “Seeking Truth and Avoiding Deception,” Gospel Library.

Yu bin pilim hevi taim wanpela yu dipen long em i no kipim ol komitmen bilong em? Dispela i kamap long ol Seint i kam long Colesville, New York, husat i bin ting ol bai sindaun long graun bilong Leman Copley long Ohio. Long lainim long dispela ekspiriens, tingting long lukluk bek long heding long dispela seksen 54 (lukim tu Saints, 1:125–28; “A Bishop unto the Church,” insait long Revelations in Context, 78–79). Sapos yu gat wanpela poro i stap namel long ol Seint long Colesville, wanem kaunsel bai yu painim long seksen 54 long serim wantaim ol?

Long ol dispela ves, Bikpela i toktok long ol moni lain na ol tarangu lain, em bai nais long komperim kaunsel Em i givim long dispela tupela grup. Wanem insait long ol dispela ves yu pilim i kam stret long yu?

• Long helpim ol piknini bilong yu save em i min wanem long noken giaman, yu ken ritim wantaim Doktrin na ol Kavanen 51:9 na serim ol stori bilong ol pikinini husat i pesim ol disisen long kamap ol lain bilong tok tru. Yu ken yusim ol piksa, ol papet, o ol pepa dol long mekim o stori i gat interes. Hau na Bikpela bai blesim yumi taim yumi traim hat long noken giaman?

• Tingting long pilai wanpela gem wantaim ol pikinini. Bihain, diskas hau dispela gem bai narakain sapos wanpela i bin giaman. Wai na em i inpoten long “mekim ol samting i tru” wantaim wanpela narapela?

• Kisim Holi Gos wantaim ol han i kam antap long mi i stap insait long Doktrin na ol Kavanen 51–57. Dispela bai gutpela opotuniti long tisim ol pikinini long dispela odinens. Eksampel, ol i ken lukluk long piksa bilong wanpela pikinini i kisim konpemesen na toktok long wanem samting i kamap long piksa. Askim ol long paitim han taim ol i harim “putim ol dispela han” o “putim han” taim yu ritim Doktrin na ol Kavanen 52:10; 53:3; 55:1.

• Yu ken tu singsing “The Holy Ghost” (Children’s Songbook, 105) o wanpela singsing i wankain. Helpim ol pikinini long painim ol wot na ol hap tok insait long singsing we i tis long presen bilong Holi Gos.

  

• Long tisim paten bilong Bikpela long abrusim pasin giaman, yu ken stat long helpim ol pikinini painim ol eksampel bilong ol paten—long hap yumi stap, long ol blenket i gat kala, o kolos, o long wanwan de long laip. Helpim ol painim dispela paten Bikpela i givim long Doktrin na ol Kavanen 52:14–15. Mekim sua ol i klia gut long ol wot i narakain long ol dispela ves. Hau bai yumi yusim dispela paten long luksave long pasin bilong tok tru?

• Yusim ol wot bilong yu yet, se wantaim ol pikinini wanem samting i kamap long ol Seint husat i kam stap long graun bilong Leman Copley (lukim heding long seksen 54). Ol pikinini bilong yu inap giaman pilai o kamap olsem ol memba bilong Sios husat i kamap long Ohio. Hau ol bin pilim bihain long Leman i brukim kavanen bilong em? Dispela i tisim yumi wanem long pasin bilong kipim ol kavanen o promis? Ritim wantaim Doktrin na ol Kavanen 54:6 long painim ol blesing bilong ol lain husat i kipim ol kavanen bilong ol.

• Long introdusim seksen 55, yu ken laik long tok klia olsem William W. Phelps i bin wanpela niuspepa pablisa husat i lainim gospel na joinim Sios. Ritim wantaim ol pikinini bilong yu Doktrin na ol Kavanen 55:1–4, na helpim ol painim aut wanem God i laikim William long mekim. Hau na Em i plen long yusim ol talent bilong William? Dispela i ken lid i go long diskasen long hau God bai invaitim yumi long yusim ol talent bilong yumi long blesim ol piknini bilong Em.