Doktrin na ol kavanen 49–50

Pastaim long joinim Sios, Leman Copley i bin stap long wanpela lotu grup ol i kolim olsem United Society of Believers in Christ’s Second Appearing, ol i bin save long ol tu olsem ol Shakers. Bihain long wanpela toktok wantaim Leman, Joseph Smith i kisim klia tingting i kam long Bikpela long ol sampela tising bilong ol Shakers. Bikpela i bekim wantaim revelesen i stap long seksen 49. Sampela ol bilip bilong ol Shakers i stap long heding bilong seksen.

Bikpela i tisim wanem long seksen 49 long stretim ol bilip bilong ol Shakers? Wanem evidens yu lukim long dispela revelesen long lav bilong Em na konsen long ol lain i nogat olgeta fulnes bilong tok tru bilong Em? Hau na yu i ken putim han i go aut long ol wantaim lav na konsen?

Wanem tingting i kam strong long lukluk bilong Bikpela long ves 2? Yu ken komperim dispela long wanem bai kamap sapos yu lukim liklik hap bilong piksa, lukim wanpela hap pazel, o harim wanpela sait bilong tokpait. Hau na tok lukaut bilong Bikpela i pas long Doktrin na ol Kavanen 50:24? Skelim samting yu mekim long kisim moa lait i kam long Bikpela.

Lukim tu “Leman Copley and the Shakers,” long Revelation in Context, 117–21.

Long bagarapim plen bilong Papa long Heven, Satan i save painim wei long kamapim paul tingting long marit. Tasol, Bikpela i go het long autim ol tok tru long marit long ol profet bilong Em. Yu ken painim sampela tok tru long Doktrin na ol Kavanen 49:15–17; Genesis 2:20–24; 1 Corinthians 11:11; and “Famili: Tokaut i go long Wol.” Mekim wanpela lis long ol tok tru yu painim. Wai na marit i impoten tru long plen bilong God?

Elda Ulisses Soares i tis olsem “dispela ristod gospel bilong Jisas Krais i tokaut long ol prinsipel bilong patnasip namel long man na meri, long dispela laip na long laip oltaim” (“In Partnership with the Lord,” Liahona, Nov. 2022, 42). Yu bai stadim dispela toktok , painim ol prinsipel “i strongim dispela patnasip namel long man na meri.” Hau bai yu aplaim ol dispela prinsipel long laip bilong yu? Sapos wanpela bilong narapela lotu i askim yu wai marit i impoten, hau bai yu bekim? Wai na yu amamas long dispela luksave?

Lukim tu ol Topik na Kwesten, “Marriage,” “Family,” Gospel Library; David A. Bednar, “Marriage Is Essential to His Eternal Plan,” Ensign, June 2006, 83–84; “Renaissance of Marriage” (video), Gospel Library.

2:36

Ol nupela memba bilong Sios long Ohio i bin amamas long kisim ol tokaut bilong spirit i gat promis long skripsa. Tasol, Satan, i laik tru long giamanim ol. Sapos ol i askim yu long helpim ol dispela memba klia gut hau long luksave long trupela tokaut bilong Holi Gos, wanem ol prinsipel insait long Doktrin na ol Kavanen 50 bai yu serim? (moa yet lukim verses 22–25, 29–34, 40–46). Hau na Seivia i helpim yu save long narakain namel long tok tru na rong?

Lukim tu 1 Corinthians 14:1–28; 2 Timothy 3:13–17.

Stap long gospel bilong Jisas Krais i givim planti opotuniti long kamap tisa na tu long lainim, long hom na tu long Sios. Wanpela wei yu ken stadim Doktrin na Kavanen 50:13–24 em long drowim piksa bilong tisa na wanpela i lainim. Arere long wanwan, mekim lis long ol toktok na hap tok long ol dispela ves i tisim yu samting long lainim na tisim gospel. Wanem taim yu gat ol ekspiriens i tisim yu em i impoten long dispela Spirit long tising na lainim? Tingting long wanem yu ken mekim long mekim gut ol wok bilong yu olsem wanpela i lainim na tisa.

Taim yu tingting long ol toktok bilong Seivia long Doktrin na ol Kavanen 50:23–25, tingting long hau yu bai kisim lait bilong God long laip bilong yu “long rausim tudak” i go. Eksampel. hau ol dispela ves i gaidim ol sois bilong yu long spendim taim bilong yu? wanem kain entatenmen yu painim? wanem kain ol samting yu save toktok wantaim ol narapela? Wanem ol narapela disisen ol dispela ves helpim yu wantaim? Wanpela singsing olsem “The Lord Is My Light” (Hymns, no. 89) bai givim ol gutpela tingting.

(Lukim tu “Truth Will Make You Free,” For the Strength of Youth: A Guide for Making Choices, 16-21.)

• Long tisim ol pikinini bilong yu ol prinsipel insait long ol dispela ves, yu ken redim ol fopela pepa lek mak na fopela piksa i makim feit long Jisas Krais, tanim bel, baptisim, na kisim Holi Gos (lukim ol piksa long dispela wik activity page). Ol pikinini bai putim ol lek mak long floa wantaim ol piksa long sait bilong ol. Bihain ol bai gat taim long wokabaut antap long ol lek mak taim yu ritim Doktrin na ol Kavanen 49:12–14. Helpim ol klia gut olsem taim yumi mekim ol samting long ol piksa, yumi bihainim Jisas Krais.

• Yu ken tu invaitim ol pikinini long komperim Doktrin na ol Kavanen 49:12–14 wantaim Acts 2:38 na wantaim fourth article of faith. Wanem ol wankain samting yu painim? Wai na ol dispela tok tru i impoten?

• Long introdusim ol dispela ves, yu ken tok klia olsem ol Shakers bin wanpela lotu grup i bilip ol man meri i mas noken marit (lukim heding long seksen Doktrin na ol Kavanen 49). Invaitim ol pikinini long painim ol samting Bikpela i tisim long marit long Doktrin na ol Kavanen 49:15–17. Em i minim wanem olsem “marit em God i odeinim”? Ating yu ken rit wantaim dispela ol namba wan tripela hap bilong “Famili: Tokaut i go long Wol.” Bihain toktok long wai na marit na famili i impoten long Papa long Heven.

• Long introdusim Doktrin na ol Kavanen 50:23–25, toktok long ol pikinini long narakain samting namel long lait na tudak. Wai yumi nidim lait? Yu ken rit wantaim ol nambawan hap tok long “Walk in God’s light” insait long For the Strength of Youth: A Guide for Making Choices (pes 17) na tu Doktrin na ol Kavanen 50:23–25. Toktok long ol wei yumi kisim ol lait na ol wei bilong God long rausim tudak. Yupela i ken tu singsing wantaim wanpela singsing long ol lait bilong spirit olsem “Shine On” (Singsing bilong ol Pikinini, 144).

• Bihain long yu ritim Doktrin na ol Kavanen 50:40–46 wantaim, yu ken soim piksa bilong Seivia long arere long dispela autlain na askim ol dispela kwesten olsem: Hau na wasman bilong sipsip i pil long sipsip bilong Em? Hau na Seivia i olsem wasman bilong sipsip long yumi?