“Mei 5–11: ‘Ol Promis … Bai Kamap’: Doktrin na ol Kavanen 45,’ Kam, Bihainim Mi—Bilong Hom na Sios: Doktrin na ol Kavanen 2025 (2025)
“Doktrin na ol Kavanen 45,” Kam, Bihainim Mi—Bilong Hom na Sios: 2025
Mei 5–11: “Ol Promis … Bai Kamap”
Doktrin na ol Kavanen 45
Dispela revelesen insait long seksen 45 ol i bin kisim, olsem i stap long seksen heding, “long amamas bilong ol Seint.” Na i gat planti moa long amamas long en long dispela revelesen. Insait long en Seivia i givim promis bilong Em long plid long yumi long ai bilong Papa (lukim ol ves 3–5). Em i toktok long oltaim oltaim kavanen bilong Em i go aut long olgeta wol, olsem “wanpela i karim toktok … long redim wei pastaim long [Em]” (ves 9). Na Em i profesai long Nambatu Kam Bek bilong Em. Seivia i mekim olgeta dispela na tu toktok long ol dispela hatpela taim (lukim ves 34), bikos long ol taim nogut bai kamap pastaim long Em bai kam. Tasol dispela taim nogut, dispela tudak i no strong tumas long kilim dai dispela lait bilong hop. “Long wanem tru mi tokim yupela, ”Bikpela i tok, “olsem Mi em … wanpela lait i sain long tudak” (ves 7). Dispela tasol em i as bilong kisim dispela revelesen—wantaim wanem kain ol kaunsel na tok lukaut na tok tru Em i laik long givim—wantaim amamas.
Ol Aidia bilong Lainim long Hom na long Sios
Doktrin na ol Kavanen 45:1–5
Jisas Krais em i Namel man bilong mi wantaim Papa.
Taim yumi pilim i no inap na i no woti long ai bilong God, yumi ken painim gutpela toktok i kam long toktok bilong Seivia insait long Doktrin na ol Kavanen 45:1–5. Taim yupela stadim ol dispela ves, tingim ol askim olsem dispela:
-
Wanem ol toktok na ol hap tok insait long hia i gat mining long yu?
-
Namel man em wanpela husat bai sapotim yu long pablik o rekomendim wanpela man long sampela wok. Long ol dispela ves, hau na Jisas Krais i wokim dispela bilong yu? Wanem i mekim Em i nap long mekim dispela?
-
Wanem tingting yu kisim long ol toktok bilong Seivia long Papa? (ol ves 4–5).
Yu ken stadim tu wanem Elda Dale G. Renlund i tis long Jisas Krais, Namel man bilong yumi, insait long “Choose You This Day” (Liahona, Nov. 2018, 104–5). Bihainim tok bilong Elda Renlund, hau bai yumi komperim pepos bilong Seivia wantaim bilong Lusifa?
Ol dispela hap tok bai helpim yu klia gut long wok bilong Seivia olsem Namel man. Taim yu stadim, tingting long raitim daun ol hap tok o tok tru yu ken serim wantaim ol narapela: 2 Nifai 2:8–9; Mosaia 15:7–9; Moronai 7:27–28; Doktrin na ol Kavanen 29:5; 62:1. Bilong wanem dispela ol hap tok i gat mining long yumi?
Lukim tu “I Stand All Amazed,” Hymns, no. 193; Ol Topik na Kwesten, “Atonement of Jesus Christ,” Gospel Library; “The Mediator” (video), Gospel Library.
The Mediator
Doktrin na ol Kavanen 45:9–10
Dispela gospel em i wanpela stended long ol nesen.
Bipo taim, stended em i bena ol i karim go long pait long kirapim na bungim ol trup bilong pait. Stended em i eksampel o rul we yu ken mesarim ol samting wantaim. Taim yu ritim Doktrin na ol Kavanen 45:9–10, tingting hau ol kavanen wantaim yu na Bikpela i olsem stended bilong yu.
Doktrin na ol Kavanen 45:11–75
Jisas Krais bai kam bek long glori.
Nambatu Kam bek bilong Bikpela ol i tok em bai “bikpela” na “nogut tru” (Malachi 4:5). Insait long Doktrin na ol Kavanen 45, tupela wantaim i wankain. Dispela revelesen i inkludim ol tok lukaut na ol promis bilong hop long kam bek bilong Bikpela. Taim yu stadim veses 11–75, tingting long hau yu ken redi long Nambatu Kam bek wantaim feit na i no pret. Rekotim wanem yu painim long wanpela tebol olsem dispela:
|
Profesi o promis |
Wanem Mi ken wokim |
|---|---|
Profesi o promis Wanpela lait (gospel) bai kam long ol husat i sindaun long tudak (ves 28) | Wanem Mi ken wokim Kisim dispela lait —na serim (ves 29) |
Profesi o promis | Wanem Mi ken wokim |
Profesi o promis | Wanem Mi ken wokim |
Profesi o promis | Wanem Mi ken wokim |
Insait long vidio “Men’s Hearts Shall Fail Them” (Gospel Library), wanem kaunsel Presiden Russell M. Nelson i givim long helpim yumi pesim ol situesen i pret wantaim bel isi?
Men's Hearts Shall Fail Them
Doktrin na ol Kavanen 45:31–32, 56–57
Mi ken “sanap long ol holi ples” na no inap suruk.
Wanem yu lainim long Doktrin na ol Kavanen 45:31–32, 56–57 long redi long kam bek bilong Bikpela? Wanem em ol “holi ples” bilong yu? Em i minim wanem long “noken suruk”? Hau bai yu mekim hap yu stap moa holi?
Tingim Bikpela i bin tok long tok piksa bilong ol tenpela yangpela meri, komperim wel insait long tok piksa olsem tok tru na dispela Holi Spirit. Traim ritim dispela tok piksa long Matthew 25:1–13 wantaim dispela long tingting. Wanem ol tingting yu kisim?
Lukim tu David A. Bednar, “If Ye Had Known Me,” Liahona, Nov. 2016, 102–5.
Doktrin na ol Kavanen 45:11–15, 66–71
Saion em i ples bilong seifti bilong ol Seint bilong God.
Ol Seint long taim bilong Joseph Smith i bin skin kirap tru long kirapim Saion, dispela Nupela Jerusalem (lukim Ita 13:2–9; Moses 7:18, 62–64). Yu lainim wanem long Saion—dispela long bipo taim siti bilong Enoch na dispela las-de siti—long Doktrin na ol Kavanen 45:11–15, 66–71? Tede dispela strongpela tok long kirapim Saion i kam long kirapim kingdom bilong God long wanem hap yumi stap. Yu ken mekim wanem long helpim na bildim Saion long hap yu stap?
Ol Aidia bilong Tisim ol Pikinini
Doktrin na ol Kavanen 45:3–5
Jisas Krais em i Namel man bilong mi wantaim Papa.
-
Yu bai laik helpim ol pikinini bilong yu klia olsem namel man em i man husat i save sapotim narapela man. Bihain bai yu toktok long ol eksampel bilong kamap (olsem sanap long banisim wanpela poro long birua). Taim yu ritim Doktrin na ol Kavanen 45:3–5 wantaim, helpim ol pikinini painim aut husat em i namel man bilong yumi na hau Em i save helpim yumi.
Doktrin na ol Kavanen 45:32
Mi ken “sanap long ol holi ples.”
-
Em bai gutpela long putim ol piksa bilong haus, wanpela Sios bilding, na wanpela temple long rum. Yu ken givim long ol pikinini ol klu long ol dispela ples na invaitim ol long sanap arere long piksa yu toktok long em. Askim ol long sanap isi taim yu ritim nambawan lain long Doktrin na ol Kavanen 45:32. Wanem ol sampela holi ples God i givim yumi? Helpim ol pikinini klia gut olsem long “sanap long ol holi ples, na … noken suruk” i min long susim rait olgeta taim, maski wanem samting i kamap. Hau bai yumi mekim haus bilong yumi i kamap moa holi ples?
Doktrin na ol Kavanen 45:9
Gospel bilong Jisas Krais em i stended long dispela wol.
-
Yu bai tok klia long ol pikinini olsem stended em i wanpela bena o pilak ol i save karim i go long pait. Em i helpim ol soldia save we long bung na wanem long mekim. Ritim wantaim Doktrin na ol Kavanen 45:9, na diskasim ol wei gospel i olsem stended. Ol pikinini bai amamas long mekim ol stended bilong ol o pilak, wantaim ol piksa o toktok i soim ol piling bilong ol long Seivia.
Doktrin na ol Kavanen 45:44–45
Jisas Krais bai kam gen.
-
Dispela bagarap bai kamap pastaim long Nambatu Kam bek i ken mekim ol pikinini i pret. Soim ol long Jisas Krais ken helpim ol luk fowod wantaim feit! Invaitim ol long tingting long hau ol i pilim taim wanpela spesel lain bai kam visit, olsem bubu o poro. Hau ol bai redi long dispela visit? Bihain yu ken soim wanpela piksa bilong Seivia na ritim Doktrin na ol Kavanen 45:44–45. Serim wantaim wanpela narapela hau yu pil long kam bilong Seivia.
-
Long helpim ol pikinini pilim bikpela amamas long Nambatu Kam bek bilong Seivia, yu ken raitim long ol hap pepa sampela ol hop na promis i kam long seksen 45 (lukim, eksampel, veses 44–45, 51–52, 55, 58–59, 66–71). Givim ol pikinini ol pepa na askim ol long putim han i go antap taim promis ol i holim wanpela i kolim taim dispela ves ol i ritim. Diskas long mining bilong ol dispela promis. Yupela i ken singsing tu wantaim ol pikinini wanpela singsing long Nambatu Kam bek bilong Seivia olsem “When He Comes Again” (Children’s Songbook, 82–83).
Helpim ol pikinini luksave long Spirit. Taim yu tisim ol pikini, tokim ol taim yu pilim Holi Gos. Toktok long ol hau yu bai pilim Em. Eksampel, yu bai pilim bel isi o amamas taim yu singim wanpela singsing long Seivia.
Long moa aidia, lukim isu bilong dispela mun bilong Friend megesin.