“Mei 12–18: ‘Painim Gut ol, Gutpela Presen’: Doktrin na ol Kavanen 46–48,” Kam, Bihainim Mi—Bilong Hom na Sios: Doktrin na ol Kavanen 2025 (2025)
“Doktrin na ol Kavanen 46–48,” Kam, Bihainim Mi—Bilong Hom na Sios: 2025
Dispela Kamp Miting, Worthington Whittredge i mekim
Mei 12–18: “Painim Gut ol Presen i Gutpela Stret”
Doktrin na ol Kavanen 46–48
Taim Parley P. Pratt, Oliver Cowdery, Ziba Peterson, and Peter Whitmer Jr. i lusim Kirtland na suruk long go het long tokaut long gospel, ol i lusim moa long 100 nupela memba bilong Sios husat i gat planti strong tasol liklik ekspiriens o daireksen. Ol i nogat henbuk i gat ol instraksen, nogat lidasip treining miting, nogat brodkas bilong ol jeneral konferens—tru tumas, ol i nogat inap kopi bilong Buk Momon long go raun. Planti ol dispela nupela bilip lain i kam long dispela gospel i kam bek bikos long ol promis bilong Spirit, moa yet ol dispela i stap insait long Nupela Testamen (lukim, eksampel, 1 Corinthians 12:1–11). Tasol planti i painim hat long luksave long ol dispela trupela menifestesen bilong Spirit. Taim em i lukim ol lain i no klia, Joseph Smith i pre long helpim. Ansa bilong Bikpela i gutpela moa tede, taim ol pipol i save les long ol samting bilong Spirit. Em i strongim olsem ol toktok bilong spirit i tru. Em i tok klia tu long wanem: ol presen i kam long Papa long Heven i laikim yumi tumas, “i givim long gutpela bilong ol lain i lavim [Em] na kipim ol komanmen bilong [Em], na husat i painim long mekim olsem” (Doktrin na ol Kavanen 46:9).
Ol Aidia bilong Lainim long Hom na long Sios.
Doktrin na ol Kavanen 46:1–7
Seivia bai welkamim olgeta husat i laik lotu long Sios bilong Em.
Yu pilim olsem ol poro na pipol long hap yu stap i save pilim welkam long kam lotu long wod bilong yu? Yu mekim wanem long mekim ol Sios miting hap ol ples ol lain bai laik long kam bek long en? Tingting long hau yu bai aplaim kaunsel bilong Bikpela insait long Doktrin na ol Kavanen 46:1–7 (lukim tu 2 Nifai 26:24–28; 3 Nifai 18:22–23).
Yu bai tingim tu taim yu bin kam long Sios sevis—o wanpela miting bilong narapela grup—long nambawan taim. Wanem samting ol pipol i mekim long helpim yu pil welkam?
Lukim tu Moronai 6:5–9; “’Tis Sweet to Sing the Matchless Love,” Hymns, no. 177; “Welcome” (video), Gospel Library.
Welcome Comeuntochrist.org
Doktrin na ol Kavanen 46:7–33
Papa long Heven givim mi ol presen bilong spirit long blesim ol narapela.
Ol Seints bilong bipo i bilip long ol presen bilong spirit tasol i bin nidim sampela helpim long luksave na klia gut long wok bilong ol. Taim yu stadim ol presen bilong Spirit long Doktrin na ol Kavanen 46:7–33, tingting long wok “bilong [ol] we ol i givim” (ves 8). Yu lainim wanem long God—husat i givim ol dispela presen?
Yu ken tingim ol eksampel bilong ol pipol i yusim ol dispela o ol narapela presen bilong spirit? Hau na ol “mekim gut long … ol pikinini bilong God”? (ves 26). Yu bai lukim tu sapos yu ken luksave long ol presen bilong spirit long ol dispela skripsa long hia: 1 Kings 3:5–15; Daniel 2:26–30; Acts 3:1–8; Hilaman 5:17–19; Momon 1:1–5; Ita 3:1–15; Doktrin na ol Kavanen 6:10–12; Moses 7:13.
Ol stadi bilong yu long ol presen bilong spirit bai lidim yu long tingting wanem ol presen God i givim yu. Hau bai yu yusim ol dispela presen long blesim laip bilong ol pikinini bilong Em? Sapos yu gat patriakel blesing, em bai soim ol presen yu i gat. Ritim toktok bilong Elda John C. Pingree Jr.’s “I Have a Work for Thee” ken opim tingting bilong yu long ol presen yu no tingim yet (Liahona, Nov. 2017, 32–35).
Sapos yu laik lainim hau long divelopim ol presen bilong spirit, dispela stori long stat bilong toktok bilong Elda Juan Pablo Villar “Exercising Our Spiritual Muscles” ken helpim (Liahona, Mei 2019, 95). Wanem ol “eksasais” ken helpim yu divelopim ol presen bilong spirit bilong yu?
Lukim tu ol Topik na ol Kwesten, “Holy Ghost,” Gospel.
Doktrin na ol Kavanen 47
Bikpela i laikim Sios bilong Em long kipim histori.
Koling bilong John Whitmer long kipim histori bilong Sios i go het long pasin bilong kipim ol rekot bilong ol pikinini bilong God. Wai na yu ting wok bilong kipim histori i impoten tru long Bikpela? Tingting long dispela taim yu ritim seksen 47 olsem tu ol instraksen insait long 2 Nifai 29:11–12; Moses 6:5; Abraham 1:28, 31. Wanem samting yu pilim Bikpela i laikim yu long rekotim long laip bilong yu?
Long FamilySearch, yu ken rekotim ol memori na ol ekspiriens bilong laip bilong yu—na ol laip bilong ol bilong yu (lukim FamilySearch.org).
Lukim Henry B. Eyring, “O Remember, Remember,” Liahona, Nov. 2007, 66–69.
Doktrin na ol Kavanen 47
Holi Gos ken dairektim mi taim mi mekim koling bilong mi.
Ating yu ken pilim wanem John Whitmer i bin pilim taim em i laikim sapot olsem koling bilong em i kam long God. Bikpela i tok wanem insait long Doktrin na ol Kavanen 47 long John Whitmer—na long yu—long givim gutpela tingting mekim olgeta koling Em i givim?
Wok bilong tisa. Wok tisa em i moa long presentim inpomesen tasol. I gat wok bilong kamapim dispela envaironmen we ol klas memba bai lainim na painim aut ol tok tru long ol yet na serim wanem ol i lainim wantaim wanpela narapela (lukim Tis long Wei bilong Seivia, 26).
Ol Aidia bilong Tisim ol Pikinini
Doktrin na ol Kavenen 46:2–6
Mi ken helpim ol narapela pil welkam long sios.
-
Bihain long yu ritim Doktrin na ol Kavanen 46:5 wantaim ol pikinini bilong yu, toktok long hau Seivia i laikim ol pipol long pil taim ol i kam long Sios bilong Em. Invaitim ol pikinini long tingim olsem ol i lukim wanpela long sios nambawan taim. Helpim ol prektisim ol wei long helpim dispela man o meri long pilim welkam.
Doktrin na Ol Kavanen 46:7–26
Papa long Heven givim mi ol presen bilong spirit long blesim ol narapela.
-
Long helpim ol pikinini lainim long ol presen bilong spirit i stap long Doktrin na ol Kavanen 46:13–26, skelim dispela tingting. Yu ken raitim ol presen long hap pepa na haitim ol nabaut long rum. Taim ol pikinini i painim wanwan hap pepe, helpim ol painim we dispela presen i stap insait long seksen 46. Long wanwan presen, toktok wantaim ol long wei bilong yusim long blesim ol narapela (ol dispela i stap insait long “Chapter 20: Gifts of the Spirit,” in Doktrin na ol Kavanen Stori, 77–80, i ken helpim).
2:19Chapter 20: Gifts of the Spirit: 8•March 1831
-
Tokim ol pikinini bilong yu long ol presen yu pilim olsem Papa long Heven i givim yu, na larim ol toktok long ol dispela presen ol i lukim long ol yet. Long Doktrin na ol Kavanen 46:8–9, 26, wai na Papa long Heven i givim yumi ol presen bilong spirit? Hau bai yumi yusim ol presen long blesim ol narapela?
Doktrin na ol Kavanen 47:1, 3
Mi ken rekotim histori bilong mi.
-
Larim ol pikinini i painim wanem Bikpela i laikim John Whitmer long mekim insait long Doktrin na ol Kavanen 47:1, 3. Yu ken serim wantaim wanpela narapela ol feveret stori i kam long ol skripsa. Mekim dispela point olsem yumi save long ol dispela stori bikos wanpela i bin rekotim ol.
-
Tingting long hau yu bai mekim ol pikinini bilong yu i gat laik long rekotim ol histori bilong ol wanwan. Yu ken serim sampela stori long jenol bilong yu long wanpela tumbuna (lukim FamilySearch.org o dispela Memoris epp). Yu bai givim sampela tingting, olsem “Wanem i kamap dispela wik yu laikim bai ol bubu bilong yu i save long en?” o “Hau na yu lukim han bilong Bikpela long laip bilong yu dispela wik?” Ol yangpela pikinini i ken drowim ol piksa long ol ekspiriens bilong ol, o yu ken rekotim ol taim ol i stori. Wanem kain ol blesing i save kam long holim “gutpela ol histori”? (Doktrin na ol Kavanen 47:1).
Doktrin na ol Kavenen 48:2–3
Mi ken helpim ol narapela na serim wanem mi gat.
-
Taim yu ritim Doktrin na ol Kavanen 48:2–3 wantaim ol pikinini bilong yu, yu bai nid long tok klia olsem ol pipol i bin kam long Ohio long Is, na ol no bin gat ples long stap. Bikpela i askim ol Seints long mekim wanem na helpim? Helpim ol pikinini bilong yu tingim ol samting God i givim ol na ol i ken serim wanpela ol narapela. Yupela ken singim tu singsing “‘Give,’ Said the Little Stream” (Children’s Songbook, 236).
Long moa aidia, lukim dispela isu bilong dispela mun Friend megesin.