Doktrin na ol Kavanen 77–80

Taim Joseph Smith na Sidney Rigdon i wok long tanim tok bilong Baibel, ol i bin gat ol kwesten long buk bilong Revelesen, olsem planti pipol i save wokim. Na taim Joseph i save moa, taim em i nogat wisdom, em i ken askim God. Ol dispela tingting em i bin kisim i stap long Doktrin na ol Kavanen 77. Taim yu ritim dispela seksen, tingting long rekotim ol tingting insait long ol sapta long buk bilong Revelesen. Yu lainim wanem long stadi bilong yu long kisim revelesen?

United Firm em ol bin kamapim long lukautim ol pablising na bisnis wok bilong Sios long Ohio na Missouri. Joseph Smith, Newel K. Whitney, na ol narapela Sios lida i bin bingim ol risoses bilong ol long helpim wantaim ol nid bilong sios i gro long dispela taim. Sore tru olsem, United Firm i bin gat planti dinau na ol i bin rausim long 1834 taim ol dinau i go bikpela tumas long menesim.

Lukim tu “Newel K. Whitney and the United Firm,” long Revelations in Context, 142–47; Church History Topics, “United Firm (‘United Order’),” Gospel Library.

Bikpela i tokim Joseph Smith na ol narapela Sios lida olsem long kamapim na lukautim wanpela stohaus na printing pes bai helpim long “go hetim wok, we yu sapotm” (Doktrin na ol Kavanen 78:4). Wanem yu bai tok em “wok” bilong Sios bilong Seivia? Tingting long dispela taim yu ritim Doktrin na ol Kavanen 78:1–7. Wanem em ol sampela wei yu ken helpim long mekim dispela wok i go het—insait long famili bilong yu?

Lukim tu Jeneral Henbuk, 1.2.

Wai yu ting Bikpela sampela taim i kolim ol lain i bihainim Em ol “liklik pikinini”? (Doktrin na ol Kavanen 78:17). Wanem taim yu pilim olsem liklik pikinini, ating bikos long samting yu “i no yet klia long en” o “i no inap long harim.”? (ol ves 17–18). Yu painim wanem long ol dispela ves i helpim yu “kamap amamas” (ves 18) long ol dispela taim? Tingting long painim wanpela piksa long yu yet taim yu bin pikinini, na tingting hau yu gro long spirit kam inap nau. O tingting long samting i bin hat long yu taim yu yangpela tasol em i isi nau. Long wanem wei Papa long Heven i laikim yu long kamap olsem pikinini? (lukim Mosaia 3:19). Hau na Em i “[lidim] yu i go”?

Long redi long stadi Doktrin na ol Kavanen 78:19, yu ken mekim wanpela lis long ol samting i kamap long yu tede. Bihain mekim lis long ol samting i no luk olsem blesing long yu. Tingting long ol dispela samting long lis taim yu rit Doktrin na ol Kavanen 78:19. Wanem narakain samting i mekim long laip bilong yu sapos yu kisim “olgeta samting ” wantaim tenkyu—ol samting i no luk olsem blesing?

Long lainim moa long hau God i ken mekim long laip bilong yu, painim ol dispela skripsa na mekim lis long ol toktru yu painim: Psalm 107:8–9; Luke 17:11–19; Philippians 4:6–7; Mosaia 2:19–24; Alma 34:38; 37:37; Doktrin na ol Kavanen 46:32; 59:7, 15–21.

Tingting long painim toktok bilong Presiden Dieter F. Uchtdorf’s “Grateful in Any Circumstances” (Liahona, Mei 2014, 70–77) long kisim kaunsel long gat pasin bilong tenkyu. Yu ken painim wankain kaunsel long vidio bilong “Presiden Russell M. Nelson on the Healing Power of Gratitude” (Gospel Library). Hau na pasin bilong gat tenkyu i afektim relesensip bilong yu wantaim Jisas Krais?

11:38

Lukim tu “Count Your Blessings,” Hymns, no. 241; Topics and Questions, “Gratitude,” Gospel Library.

Long Doktrin na ol Kavanen 80, Elda David A. Bednar taught, “Ating wanpela ol leson Seivia i tisim yumi long dispela revelesen em long asainmen long wok long wanpela hap i moa impoten long kol long wok” (“Called to the Work,” Liahona, Mei 2017, 68). Wanem ol ekspiriens i helpim yu lainim olsem ol tok bilong Elda Bednar i tru? Wanem moa ol leson yu ken painim long Doktrin na ol Kavanen 79–80 bai ken helpim wanpela husat i kisim kol nau tasol?

• Taim yu na ol pikinini i ritim Doktrin na ol Kavanen 77:2 wantaim, yu bai lukluk long ol piksa bilong ol animal, ol binatang na ol pisin. Ol pikinini bilong yu i ken pointim ol piksa taim yu ritim ol dispela wot “ol wel animal,” “ol samting i ron long graun,” na “ol pisin o paul i plai.” Serim wantaim wanpela narapela hau ol samting God i kamapim helpim yu pilim lav bilong Em.

• Long helpim ol pikinini tingting long wok bilong ol long wok bilong Bikpela, tingting long ritim wantaim ol Doktrin na ol Kavanen 78:4 long luksave long dispela “wok” yumi “sapotim” (akseptim o sus long sapotim) taim yumi baptais. Helpim ol lukluk insait long ol hap skripsa olsem long ol samting ansa: Mosaia 18:8–10; Doktrin na ol Kavanen 20:37; Moses 1:39. Ol pikinini bai amamas long mekim rol-pilai hau ol ken helpim wantaim wok bilong Bikpela. Eksampel, em i luk olsem wanem long “karim hevi bilong wanpela narapela” o “kisim long [yumi yet] nem bilong Jisas Krais”? Hau dispela i “go hetim wok” bilong Krais?

• Long tisim wanem em i min long kamap “wankain long ol samting bilong graun” (ves 6), yu ken givim ol pikinini ol piksa bilong ol lain pipol i gat nid (hangre, kisim bagarap, o kol) na ol samting i ken helpim (olsem ol kaikai, wanpela banis, wanpela blanket). Bihain ol pikinini bai metsim ol piksa wantaim ol samting. Yumi ken serim wanem long helpim ol pipol i gat nid?

• Long kisim sampela piksa long seksen 78, ritim wantaim ol pikinini ol sentens aninit long tupela piksa bilong “Chapter 28: The Prophet Joseph Goes to Missouri Again” (long Doktrin na ol Kavanen Stori, 108, o dispela vidio long Gospel Library). Ol pikinini bilong yu inap giaman pilai olsem ol i helpim wanpela long bildim haus, serim kaikai, o mekim sevis wok long wanpela wei.

  

  2:39

• Em bai mekim ol pikinini i amamas long toktok long em i min wanem long kamap lida na lidim wanpela ektiviti. Bihain long yu ritim wantaim Doktrin na ol Kavanen 78:18, yu ken diskasim ol taim yumi save nidim Jisas long lidim yumi. Tingting na singim wanpela song olsem “I Will Walk with Jesus” (Gospel Library).

• Ritim wantaim ol pikinini Doktrin na ol Kavanen 78:19 long painim aut Bikpela i promisim wanem long ol pipol husat i gat bikpela tenkyu. Helpim ol pikinini bilong yu klia gut long wanem “wanpela handret fold” i min, ating yu ken soim ol wanpela liklik samting na 100 pela long ol. Ating ol i ken droim ol piksa bilong ol samting ol i kisim long God “wantaim bikpela tenkyu.”