Reirei ao Berita aika Tabu 81–83

I nanon koroboki tabeua n Reirei ao Berita aika Tabu 81–83, e kaoira te Uea bwa ti na buokiia aomata ake a kainanoa te ibuobuoki ni katobibira. Iangoa mwakenakin koroboki ngkana ko kunei. Teuana te katooto ae kabwarabwaraaki man katooto e kuneaki n Reirei ao Berita aika Tabu 81:4–5. Aikai tabeua titiraki aika a na buokiko n iango kiibu aikai:

• Tera tabeua kawai are te aomata e kona n “mamaara”? Tera ae nanonaki n “buokiia? N ningai ae e a tia ni buokai aia mwakuri ni ibuobuoki tabeman n ai aron Kristo ngkana I namakina te mamaara?

• Tera ae kona n karika bain te aomata bwa a na “tine”? N na kanga n “tabekii rake” baai akanne?

• Tera nanon n ae “bubuaniwae aika a aki konamaki? A kangaa ni kakorakoraaki?

E kanga te tia Kamaiu ni karaoi bwaai aikai ibukim?

Tao kamatebwaian te kibu aei e na uotia tabeman nakon ami iango ake ko kona ni “buokiia,” “tabekiia rake,” ke n “kakorakoraia.” Tera ae ko na karaoia n tobwa kainnanon te aomata anne?

Tera riki ae ti reiakinna ibukin te mwakuri ni ibuobuoki n Reirei ao Berita aika Tabu 82:18–19? Ko kona naba n matakuakina te witeo “Teachings of Thomas S. Monson: Rescuing Those in Need” (Gospel Library). A kangaa aroia kaain ana uoote Bitiobi Monson n kamataata raoi aika a reireia kiibu aikai?

5:1

Taraa naba Iakoba 2:17–19; Motiaea 18:8–9; “Works of God” (witeo), ChurchofJesusChrist.org.

4:21

Carl Heinrich Bloch (1834–1890), Christ Healing the Sick at Bethesda, 1883, oil on canvas, 100 ¾ x 125 ½ inches. Brigham Young Iuniwetiri Miutiem ibukin Korobanna, e kabooaki n te mwane ae katauraoaki iroun Jack R. ao Mary Lois Wheatley, 2001.

E kona n kairiko warekan te kibu aei n manga rinanon are e a tia n anganiko te Atua—kakabwaia n rabwata ao n tamnei. Kawakina aio n am iango n warekan kabanean te mwakoro 82. Tera ae ko namakinna bwa e tangiria te Atua mairoum?

Taraa naba “Because I Have Been Given Much,” Boki n Anene n Taromauri, nambwa 219.

Ngkana ngkoe ke temanna ae ko kina e a tia n titiraki bwa bukin tera e anga tuua aika a mwaiti te Uea, Reirei ao Berita aika Tabu 82:8–10 e kona n ibuobuoki. Tera nonoori n kiibu aikai are e kona n buokiko n kabwarabwara nakon temanna bwa bukin tera ko rineia bwa ko na tou mwiin tuua nako? Tera ae ko kona n kabotaua ma tuua ae kona n ibuobuoki? Ko kona n kunea n taainako nonori i nanon Reirei ao Berita aika Tabu 1:37–38; 130:20–21 ao n te witeo ae “Blessed and Happy Are Those Who Keep the Commandments of God” (Gospel Library). Tera taneiai ae e a tia n reiakiniko bwa ko na noori tuua bwa ai aron kakabwaia?

5:41

Iangoi tabeua ana tua te Atua are e a tia n anganiko. Tera ae a tia n reiakiniko tuua aikai i Bukina ao Ana kantaninga? (taraa kibu 8). E kanga n tia n rootaki maium man kawakinan tuua aikai?

Tera ae ko reiakinna ibukin te Uea man te kibu 10? Tera n am iango ae nanonaki bwa te Uea n “kabaeaki”? (taraa naba kibu 15).

E kanga te Uea ni kakoroi bukin Ana berita i nanon maium? Tera ae tao ko kona n taekinna nakon temanna are akea namakinan te unga n nano n kawakina te tua ibukina bwa a tuai karekei kakabwaia are a kaantaninga ibukina? Iai iango n ibuobuoki aika Ko kunei n ana rongorongo Unimwaane D. Todd Christofferson “Our Relationship with God”? (Riaona,, Meei 2022, 78–80).

Taraa naba Topics and Questions, “Commandments,” Gospel Library.

Titita Virginia H. Pearce, kaain ngkoa te Beretitenti n te Bootaki n Ataeinaine, e karakina taekan te aine ae e rangi n raraoma ibukiia natina aike a karaoi rinerine aika aki raoiroi. Ma te nako n nano ae korakora, e karaoi bwaai ni kabane ake e konaa n iangoi n ukora ana kakabwaia te Uea ibukiia. N ikotaki ma te tataro ae reitinako, e katea ana kouru n kamwaita kakawaran te tembora ao n e namakinna raoi bwa e na karineaki raoi te anganano aei iroun te Uea man bitakin nanoia natina. E kaotia te aine:

“I mwiin tebwiina te ririki ni karekea nanakou nakon te tembora ao te tataro ae teimatoa, I taekinna ma te rawawata bwa aia rinerine natiu a bon aki bitaki. …

“Ma I bitaki ngai. Bon te aine ngai ae e a kaokoro. … “E kakai marau nanou. I kaonaki n te nanoanga. I kona ni karaoa ae bati riki ao n aki maaku, te tabeaianga, namakinan te kairua, te bukinaki, ao te maroaa. I a kabwara nanou man tianakin au tai ao ni kona ngkai ni kaantaninga te Uea. Ao I rinanon mwaakan te Uea ni kaokaoti koaua n taainako. E anga te nanoanga, rongorongo aika a kimototo n ataakin ana tangira ibukiu ao natiu. A bitaki aron bwaai ake I kantaningai. N onea mwiin are I kantaningaia natiu bwa a na bitaki, I kaantaninga mwaitin nanoanga aikai ao n onrake n te kakaitau ibukiia. …

“A bitaki au tataro. I a kakaota riki te tangira ao n rangi n kakaitau riki. … E mwakuri te Uea i nanon kawai aika moan te kamiimi, ao I kaonaki n te rau are e uota te atatai ni kabane” (inanon “Prayer: A Small and Simple Thing,” N te Tabo n Taetae [2017], 288–89).

N Eberi 1832, n aron are kairaki iroun te Uea, e mwananga Iotebwa Timiti i nanon ae e kaania 800 te maire n kawariia Aomata aika Itiaki ake a ikotaki i Missouri(taraaReirei ao Berita aika Tabu 78:9). I nanon ana tai ni mena ikekei, e kawara te komiunite ike a mwaiti iai aine aika a tia ni mate buuia ao n kaikawaia natiia n ti ngaiia. I buakoia aine aikai bon Phebe Peck ao Anna Rogers, ake a bon kinaaki raoi iroun te Burabeti. I Missouri n 1830 tabun, tuan te aba e anganiia aine ake a tia ni mate buuia te bwaibwai ae memeere nakon aia bwai kainnabaia ake a tia n motirawa. Tera ae ko reiakinna man mwakoro 83 n ana namakin te Uea ibukiia aine ake a tia n mate buuia ao ataei ake akea aia karo? Iai ae ko kina ae rinanon aei are e kona n kakabwaiaaki man am tangira ao am tobwa? Tera kawai tabeua aika ko kona n tibwaia ma aine ake a tia ni mate buuia, ataei ake akea aia karo, aine ake a kariki n akea buuia, ao tabeman ake a kainanoa buokaia?

Taraa naba Itaia 1:17; Iakobo 1:27.

• N warekan Reirei ao Berita aika Tabu 81:3 ma am ataei, buokiia ni iangoa ae kakaokoro “ibuakoia aomata” ao “n bon irouia” n taabo aika a kona n tataro iai. Tao ko kona naba n kakauongo nakon ke n anene ma ngaiia te anene ae taekan te tataro, n aron “Secret Prayer” (Te Boki n Anene n Taromauri, nambwa. 144). Tibwaia i marenami te bwai ae reiakinaki man te anene n taromauri ae te koaua ae kakawaki ibukin te tataro. Ko kona naba n marooroa taekan te marooro n karinerine nakon Tamara are i Karawa.

• N kaungakiia am ataei n tataro i nanoia, ko kona n anganiia te beebwa te aati ao n kaoiia bwa a na korea te tamnei ke n korea te bwai ae a tangira n tataro ibukina nakon Tamara are i Karawa. Kaota am kakoaua bwa e atai ara iango ao ara namakin Tamara are i Karawa ao E kona n ongo ara tataro e ngae ngkana ti aki taekinna n kabaibati. Ko kona n tibwaia ma ngaia te taneiei ngke ko tataro i nanom ao e ongo iroum Tamam are i Karawa.

• Korei tamnein baai ao bubuani wae, ma an ataei, ao tuangiia bwa a na kakaei tamnein bwain rabwta aikai i nanon Reirei ao Berita aika Tabu 81:5. Tera ae e tuangiira te Uea bwa ti na karaoia n te kibu aei? Kam kona n tibwaia i marenami tabeua kawai ake a kakorakorai ngkami iai aomata ngke ko namakina te “mamaara” ke te “aki konamaki.” Te witeo ae “Pass It On” (ChurchofJesusChrist.org) e kona n anganiia am ataei iango bwa a na kangaa n buokiia tabeman. Kam kona naba n anenea te anene ibukin te mwakuri n ibuobuoki, n aron “Have I Done Any Good?” (Anene n taromauri, nambwa. 223). Bairea buokaia am ataei n karaoa te babaire n buoka tao temanna naba ae tangira buokana n te wiiki aei.

  

  2:18

• Ko kona naba n kabongai tamnei ke witeo n kaotii karakinan Iesu Kristo n buokia tabeman (tara te tamnei ae kaotaki ikai; Gospel Art Book, nambwa. 41, 42, 46, 47, 55; ke teuana man Bible Videos n te Gospel Library). Ti na kanga n ira ana banna ni katooto te Tia Kamaiu ni buokiia tabeman?

  

• Kam kona n taraa Reirei ao Berita aika Tabu 82:8–10 ngke ma am ataei ibukin kaeka nakon te titiraki “Bukin tera e anganiira tuua Tamara are i Karawa?” Ko na tangiria n buokiia am ataei n iangoi katooton Ana tua (taraa, ibukin te katooto, Te Otinako 20:4–17; Mataio 22:37–39; Reirei ao Berita aika Tabu 89:5–17). E na ibuobuoki ngkana ngke ma am atei kam kunei ke n korei tamnei n tei ibukiia tabeman. A kanga n kaotaki ana tua Tamara are i karawa n kaotia bwa Ana tangira ibukira?

• Tao te takakaro ae bebete e na buokiia am ataei n noora ana tua te Atua bwa kakabwaia, tiaki karawawata. Temanna te aomata e kona n anga te kaetieti n buoka te aomata temanna, are e kamatakiiaki, bwa e na karaoa te bwai teuana n aron te kabuki ke n korea te tamnei. Iangoa te waaki ae kakukurei ao ae kaunga! I mwina marooroakinna bwa a kanga a na tua nako te Atua n titebo ma kaetieti n te takakaro aei.