Reirei ao Berita aika Tabu 71–75

E kona n karekea te kangaanga ngkana a kabuakaka aomata ke a bwainataea am onimaki iroun te Tia Kamaiu, Ana euangkerio, ke Ana Ekaretia. Ngkana e riki anne, tera ae ko karaoia? E riki ae ai aron anne i Ohio n 1831 (taraa atuun te mwakoro Reirei ao Berita aika Tabu 71). Tera ae tua te Uea nakon Iotebwa Timiti ao Sidney Rigdon bwa a na karaoia ibukin anne n Reirei ao Berita aika Tabu 71? Tao ko kona n karinanii kaetieti ake E anganiia te Uea ao kakabwaia ake E beritanna.

N ikotaki ma kamatebwaian mwakoro 71, ko kona naba n kunea bwa e kanga ana kaeka te Tia Kamaiu nakon kabuakaakana i nanon Ana tai ni mwakuri i aon te aba. Aikai tabeua katooto: Mataio 22:15–22; 26:59–64; Ioane 10:37–38. Tera ae ko reiakinna mai Irouna? Tera atatai aika ko karekea man Mataio 18:15; I-Ebeto 4:31–32; 2 Timoteo 3:12; Iakoba 1:19?

A na kanga n karaoaki nanon Ana reirei nakon bwaai aika a riki aika ko kaitarai n boong aikai? Ko kona n baairei kawai n kaetii kairua aikai ma te karaurau n oin am taeka. Te katooto, ko kona n moanna man kaotakin te karinerine nakon aia nonoori tabeman, ao i mwiina ko kona n tibwai ake ko kakoauai ma te nanorinano ibukin Iesu Kristo ao Ana anga reirei. Bwa ko aonga n tauraoi nakon taai aikai, tao ko kona n kataneiai n karaoa aron aei ma raoraom ke kaain am utu.

Taraa naba Topics and Questions, “Helping Others with Questions,” Gospel Library; Dallin H. Oaks, “Loving Others and Living with Differences,” Riaona, Nobembwa. 2014, 25–28; Jörg Klebingat, “Valiant Discipleship in the Latter Days,” Riaona, Meei 2022, 107–10.

Ngke e weteaki Newel K. Whitney bwa e na beku bwa te bitiobi, e kaokoro teutana tabena ma tabeia bitiobi n taai aikai. Te katooto, e tararuaa katabuan bwaai ao kariaia n maekanakin aaba i Tion Missouri. Ma ngkai ko wareka riki rongorongon weteakina n Reirei ao Berita aika Tabu 72, ko kona n noori tabeua rekerekena nakon ae a kakaraoia bitiobi ni boong aikai—ae mwakuri ma te Tamnei, ngkana n tiaki n aekana raoi, n katabeaia.

Te katooto, baikara kawai ake ko “anga rongorongon am mwakuri” nakon am bitiobi? (kibu 5). N boong aikai, “ana auti n kaikobwai te Uea” kanoana bon anganano, ibuobuoki, ao aia taarena kaain te uoote (taraa kiibu 10, 12). Ko na kanga n ibuobuoki nakon kanoan te auti ni kaikobwai anne?

E kanga te Uea n kakabwaiako ao am utu rinanon ana mwakuri n ibuobuoki te bitiobi?

Taraa naba Quentin L. Cook, “Bitiobi—Taan Kawakin Tiibu i aoia Ana Nanai te Uea,” Riaona, Meei 2021, 56–60.

Ngke a oki man katabeaia n aia mwakuri ni mitinare Iotebwa Timiti ao Sidney Rigdon (taraa Reirei ao Berita aika TAbu 71), e tuangiia te Uea bwa a na reitaanako rairan te Bwaibwara (taraa Guide to the Scriptures, “Joseph Smith Translation (JST),” Gospel Library). Ma tiaki nanona anne bwa E tangiria bwa a na katoka tibwaan te euangkerio. N kabaneana, bon mwakoron maiun te reirei.

Ngkai ko wareka Reirei ao Berita aika Tabu 73, iangoia bwa ko na kanga ni karika tataekinan te euangkerio bwa e na teimatoa n, “angaraoi” (te kibu 4)—n ae koaua—iteran maium ibuakon tabem ake tabeua.

Te kaotioti n mwakoro 75 e taekinaki nakoia aomata ake a tia n “anga ara[ia] bwa a na waaki nako n katanoata ana [euangkerio te tia Kamaiu]” (kibu 2). Teuana te kawai n kamatebwaia te kaotioti aei bon man karaoan uoua bwaai aika a karinanaki: (1) aron tibwaan raoi te euangkerio ao (2) e kanga te Uea n kakabwaiara ao n boutokaira ngke ti karaoia.

Tera n am iango ae nanonaki n “tai tiku” ke n “taningaroti n tibwaan te euangkerio? Tera ae nanonaki n “mwakuri ma te korakora”? (te kibu 3).

Taraa naba “I’ll Go Where You Want Me to Go,” Boki n Anene n Taromauri, nambwa. 270.

• Ko kona n kabongana atuun te mwakoro ibukin Reirei ao Berita aika Tabu 71 ke “Mwakoro 25: Joseph Smith and Sidney Rigdon Go on a Mission” (n Karaki man Reirei ao Berita, 96, or the corresponding video in Gospel Library) n reireiniia am ataei taekan aaro ake a kaunaaki n mwakoro 71. I mwiina buokii n kunea n te kibu 1 bwa tera are e tangiria te Uea mairouia Iotebwa ao Sidney bwa a na karaoia ibukin “te namakin n aki iraorao” nakon te Ekaretia. Tera ae E taekinna ae E na buokiia? Ti na kanga n riki n ai aron Iotebwa ao Sideny?

  

  0:45

• Ko kona naba n anenea te anene are e kaungaia am ataei n kokoaua nakon te Tia Kamaiu, n aron “Stand for the Right” (Aia Boki n Anene Ataei, 159). Buokiia am ataei n kamatenikuna bwa a na kanga n tibwai ake a ataia ibukin Iesu Kristo.

• Warekan Reirei ao Berita aika Tabu 72:2 n bootaki e kona n karekea te tai n marooroakinna bwa bukin tera e anganiira bitiobi te Uea (taraa naba“Chapter 17: The First Bishops of the Church,” Karaki n Reirei ao Berita aika Tabu, 64–66, ke te witeo ae irekereke n Gospel Library). Kam kona ngkoe ma am ataei ni kakaei tamnei ke bwaai ake a tei ibukin katabean te bitiobi. Te tamnei ao te iteraniba ni kakukurei n tokin ae kaotaki ikai e katauraoi tabeua iango. I mwiina ko kona n marooro ni bootaki ibukiia bitiobi ake kam kinaia ao e kanga n kakabwaiaa am utu te Uea rinanon aia mwakuri n ibuobuoki.

  

  1:45

• N marooroa te kaokoro i marenan te “taningaroti” ao te mwakuri[ra] ma korakora[ra],” tao ko kona n rinei tabeua mwakuri n ibuobuoki ke mwakuri n te mweenga ao n kaoiia am ataei bwa a na katea tamnein karaoakina irouia ma te taningaroti ao i mwiina ma korakoraia. N warekan “tai taningaroti” n Reirei ao Berita aika Tabu 75:3, a kona am ataei ni kaota karaoan te mwakuri ma te taningaroti. Ngkana ko wareka “mwakuri ma korakoram,” a kona n kaota aroia n mwakuri korakora. Bukin tera e kakawaki bwa ti na karaoa ara kabanea n tamaroa ngkana ti beku ibukin te Uea?

• N ana rongorongo “Two Principles for Any Economy” (Riaona, Nobembwa 2009, 55–58), E karakini uoua karaki ibukin te mwakuri Beretitenti Dieter F. Uchtdorf. Tao ko kona n tibwaia ma am ataei ao n marooroia bwa tera te namakin n ataakina bwa ti a tia ni mwakuri korakora ao ni karaoa ara kabanea n konaa.