Reirei ao Berita aika Tabu 77–80

Ngkai Iotebwa Timiti ao Sidney Rigdon a mwakuri i aon te rairairi n te Baibara ae kairaki iroun te tamnei, iai aia titiraki i aon te boki ae te Kaotioti, n aron ae a karaoia aomata aika a mwaiti. Ao n aron ae e ataia raoi Iotebwa, ngkana akea ana rabakau, e kona ni butiia te Atua. Nonoori ake e karekei a mena n Reirei ao Berita aika Tabu 77. Ngkai ko wareka te mwakoro aio, iangoia ni korea am nonoori i nanon mwakoro ake a irekereke n te boki ae Te Kaotioti. Tera ae ko reiakinna man am kamatebwai i aon karekean te kaotioti?

E kateaki te United Firm bwa e na tararuai baike e boretii te Ekaretia ao waaki n bitineti i Ohio ao Missouri. Kaaina bon Iotebwa Timiti, Newel K. Whitney, ao tabeman taan kairiiri n te Ekaretia ake a booti aia bwai n tobwai kainnanon te Ekaretia ae rikirake. Ma te kananokawaki, e korakora ana taarau te United Firm ao e kamaunaaki n 1834 ngke e a kangaanga tararuakina.

Taraa naba “Newel K. Whitney and the United Firm,” inanon Revelations in Context, 142–47; Church History Topics, “United Firm (‘United Order’),” Gospel Library.

E tuanga Iotebwa Timiti ao taan kairiiri n te Ekaretia ake tabeman te Uea bwa tararuaan te auti ni kaikobwai ao te tabo ni boreeti e na ibuobuoki n “karikirakea te waaki, are kam a tia n anga nanomi nako iai” (Reirei ao Berita aika Tabu 78:4). Tera ae ko na taekinna bwa bon te “waaki” n ana Ekaretia te Tia Kamaiu? Iangoa aei ngkai ko wareka Reirei ao Berita aika Tabu 78:1–7. Tera tabeua kawai ae ko kona iai ni buoka kabirimwakaan te waaki anne—ni kaairaki i nanon am utu?

Taraa naba Aeniboki ni Kabuta, 1.2.

Bukin tera n am iango ae te Uea n tabetai e araniia Ana taan iriiria bwa “ataei aika a uarereke”? (Reirei ao Berita aika Tabu 78:17). N ningai ae ko a tia n namakinna ae titebo ngkoe ma te ataei ae uarereke, tao ibukin te bwai ae ko “tuai moa n oota iai” ke n “aki kona n uotii”? (kiibu 17–18). Tera ae ko kunea i nanon kiibu aikai ae e kona ni buokiko ni “kukurei” (te kibu 18) n taai akanne? Kataia kakaea tamneim ngke ko uarereke, ao iangoia bwa ko kanga n tia n rikirake ni maiun tamneim man te tai anne. Ke iangoa te bwai teuana ae e matoatoa iroum ngke ko uarereke ma ngkai e a aki kangaanga. N te anga raa ae Tamara are i Karawa e bon tangiria ibukim bwa ko na riki n ai aron te ataei? (taraa Motiaea 3:19). E kanga te Uea ni “[kairiko] i nanon maium”?

Ni katauraoi ni kamatebwaia Reirei ao Berita aika Tabu 78:19, ko kona ni korei ni karinanii bwaai aika tamaroa aika a tia n riki nakoim n te bong aei. I mwiina korei bwaai aika a taraa n ae bon tiaki kakabwaia nakoim. Iangoi aika a karinanaki aikai ngkai ko wareka Reirei ao Berita aika Tabu 78:19. Tera te kaokoro ae e na riki i nanon maium ngkana ko karekei “bwaai ni kabane” ma te kakaitau—irarikin naba bwaai ake a taraa n tiaki taian kakabwaia?

N reiakinna riki bwa e kanga te kakaitau nakon te Atua ni iai kairoroana inanon maium, wareki kiibu aikai ao koroi koaua ake ko kunei: Taian Areru 107:8–9; Ruka 17:11–19; I-Biribi 4:6–7; Motiaea 2:19–24; Aramwa 34:38; 37:37; Reirei ao Berita aika Tabu 46:32; 59:7, 15–21.

Iangoia ni kakaea n ana rongorongo Beretitenti Dieter F. Uchtdorf “Grateful in Any Circumstances” (Riaona, Meei 2014, 70–77) ibukin taeka n ibuobuoki i aon aron te kakaitau. Ko kona n kakaei taeka n ibuobuoki ae ai aron aio n te witeo “President Russell M. Nelson on the Healing Power of Gratitude” (Gospel Library). E kanga te kakaitau n roota am reitaki ma Iesu Kristo?

11:38

Taraa naba “Count Your Blessings,” Anene n Taromauri, nambwa. 241; Topics and Questions, “Gratitude,” Gospel Library.

Ni kaeineti ma Reirei ao Berita aika Tabu 80, e reirei Unimwaane David A. Bednar, “Tao teuana te reirei ae E reireiniira te Tia Kamaiu n te kaotioti aio bwa te wewete ni beku n te tabo teuana e bon riai ao ni kakaawaki ma e moanibwai riki te wewete nakon te mwakuri” (“Called to the Work,” Riaona, Meei 2017, 68). Tera baika a riki ake a buokiko n reiakinna bwa a koaua ana taeka Unimwaane Bednar? Tera riki reirei aika ko kona n kunei n Reirei ao Berita aika Tabu 79–80 ae kona ni buoka temanna are e a tibwa karekea weteana?

• Ngkai ngkoe ao am ataei kam uaia ni wareka Reirei ao Berita aika Tabu 77:2 kam na bae n tarai tamneia maan, ni ikotaki ma maan aika uarereke ao manikiba. A kona am ataei ni kotea te tamnei ngkana ko wareka te taeka ae “maan,” ao “maan aika kawakawa,” ao “manin aan nang.” Tibwaia imarenami bwa e kanga Ana karikibwai te Atua ni buokiko n namakina Ana tangira.

• Ni buokiia am ataei ni iangoi tabeia n ana mwakuri te Uea, iangoia ni wareka ma ngaiia Reirei ao Berita aika Tabu 78:4 ni katebenakoa te “waaki” are ti “a tia n anga nano nako iai” (butimwaea ke n rineia ni boutokaia) ngke ti bwabetitoaki. Buokiia bwa a na taraia i nanon koroboki aika a tabu n aron aikai ibukin karekean kaekaaia: Motiea 18:8–10; Reirei ao Berita aika Tabu 20:37; Mote 1:39. A na bae ni kukurei am ataei ni karaoa te kaotioti bwa a na kanga n ibuobuoki n ana mwakuri te Uea. Te katooto, kanga tera nanon ae “tabeka rawawatan temanna” ke “ni katokaa i [aora] aran Iesu Kristo”? Tera nanon ae “karikirakea ana waaki” Kristo?

• N reirei bwa tera nanon ae te “boraoi ni bwain te aonaaba” (te kibu 6), ko kona n anganiia am ataei tamneia aomata aika a kainano (a baki, ikoaki, ke ni mariri) ao bwaai ake a na ibuobuoki (n aron te amwarake, kabaeakin te ikoaki, ke te burangketi). I mwiina am ataei a kona ni kaitoatoai tamnei ma taian bwai. Tera ae ti kona n tibwaia ni buokiia aomata ake a kainnano?

• Ni karekea raoi ae nanonaki ni mwakoro 78, wareka te tiententi i aan moan tamnei aika uoua ni “Mwakoro 28: E a Mang Nako Riki te Burabeti Iotebwa Nako Missouri” ( i nanon Karaki man Reirei ao Berita aika Tabu, 108 ke witeo ake a irekereke i aon Gospel Library). I mwiina a kona am ataei ni karaoa ae aongkoa a buoka temanna ni katea te auti, tibwai amwarake, ke n ibuobuoki n aanga tabeua.

  

  2:39

• E na kaunga irouia am ataei ngkana a marooroakinna bwa tera ae kainnanoa te riki bwa te tia kairiiri ao i mwiina a kaira te waaki ni kakukurei. I mwiin warekan Reirei ao Berita aika Tabu 78:18, ni bootaki kam kona ni maroroakin taai aika ti kainnanoa iai Iesu bwa e na kairiira. Iangoia n anenea te anene n aron “I Will Walk with Jesus” (Gospel Library).

• Warekia ma am ataei Reirei ao Berita aika Tabu 78:19 ni maroroakinna bwa tera ae e beritanna te Uea nakoia aomata ake a kakaitau. Buokiia am ataei n ataia bwa tera nanon “tebubua te tai mwaitina” tao man kaotakin bwaai aika a uarereke ao i mwiina 100 te tai mwaitin te bwai anne. Tao a kona ni korei tamnein bwaai ake a tia ni karekei mai iroun te Atua “ma te kakaitau.”