දහම සහ ගිවිසුම් 77–80

ජෝසෆ් ස්මිත් සහ සිඩ්නි රිග්ඩන් ඔවුන්ට පෙළඹවීම් ලැබුණු ලෙස බයිබලය පරිවර්තනය කිරීමට කටයුතු කරද්දී, බොහෝ මිනිසුන්ට තිබෙනවා මෙන්, ඔවුන්ටත් එළිදරව් පොත ගැන ප්‍රශ්න පැන නැගුණා. ජෝසෆ් හොඳින් දැන සිටි පරිදි, ඔහුට ප්‍රඥාව නොමැති විට, ඔහුට දෙවියන්වහන්සේගෙන් ඉල්ලා සිටින්න පුළුවන්. ඔහු ලබා ගත් අත්දැකීම් දහම සහ ගිවිසුම් 77 තුළ තිබෙනවා. ඔබ මෙම කොටස කියවන විට, එළිදරව් පොතේ එම අදාළ පරිච්ඡේද ගැන ඔබේ හැඟීම් වාර්තා කිරීම ගැන සලකා බලන්න. එළිදරව් ලැබීම ගැන ඔබේ අධ්‍යයනයෙන් ඔබ ඉගෙන ගත්තේ මොනවාද?

ඔහායෝ සහ මිසුරි හි සභාවේ ප්‍රකාශන සහ ව්‍යාපාරික කටයුතු කළමනාකරණය කිරීම සඳහා එක්සත් සමාගම පිහිටුවා තිබුණා. එය සභාවේ තාවකාලික අවශ්‍යතා සපුරාලීම සඳහා ඔවුන්ගේ සම්පත් ඒකාබද්ධ කළ, ජෝසෆ් ස්මිත්, නිව්වෙල් කේ. විට්නි සහ අනෙකුත් සභා නායකයින්ගෙන් සමන්විත වුණා. අවාසනාවකට මෙන්, ණය කළමනාකරණය කරගැනීමට නොහැකි වීම නිසා, 1834 දී මෙම එක්සත් සමාගම ණය බරට වැටී එය විසුරුවා හරිනු ලැබුවා.

ගබඩාවක් සහ මුද්‍රණාලයක් කළමනාකරණය කිරීම, “නුඹලා කැපකර ඇති මෙම කාරණය දියුණු කිරීම සඳහා” උපකාර වන බව ස්වාමින්වහන්සේ ජෝසෆ් ස්මිත්ට සහ සභාවේ අනෙක් නායකයින්ට පැවසුවා (දහම සහ ගිවිසුම් 78:4). ඔබ පවසන ආකාරයට ගැලවුම්කරුවාණන්ගේ සභාවේ “අරමුණ” කුමක්ද? ඔබ දහම සහ ගිවිසුම් 78:1–7 කියවන විට මේ ගැන මෙනෙහි කරන්න. එම අරමුණ ඉදිරියට ගෙන යාමට ඔබට ඔබේ පවුල තුළදී සහ වෙනත් ආකාර වලින් උපකාර කළ හැකි විවිධ ක්‍රම මොනවාද?

තවත් බලන්න ප්‍රධාන අත්පොත, 1.2.

ඔබ සිතන ආකාරයට, ස්වාමින්වහන්සේ සමහර අවස්ථා වලදී තම අනුගාමිකයින්ව “කුඩා දරුවන්” ලෙස හඳුන්වන්නේ ඇයි? (දහම සහ ගිවිසුම් 78:17). සමහර විට ඔබ “තවමත් තේරුම්ගෙන නොමැති නිසා” හෝ ඔබට “දැරිය නොහැකි” දෙයක් නිසා, ඔබට කුඩා දරුවෙකු ලෙස හැඟී ඇත්තේ කුමන අවස්ථා වලදීද? (17–18 පද). ඔබ මෙම පදවලින් සොයාගන්නා, එවැනි අවස්ථා වලදී ඔබට “ධෛර්යමත්ව සිටීමට” (18 වෙනි පදය) උපකාර කළ හැකි දේවල් මොනවාද? ඔබ කුඩා කාලයේදී ගත් ඔබේ පින්තූරයක් සොයා ගැනීම ගැන සලකා බලන්න, ඒ කාලයේ සිට ඔබ අධ්‍යාත්මිකව වර්ධනය වී ඇති ආකාරය ගැන මෙනෙහි කරන්න. එසේත් නැතිනම් ඔබ කුඩා වියේදී ඔබට අපහසු වූ නමුත් දැන් පහසු දෙයක් ගැන සිතන්න. ස්වර්ගික පියාණන්වහන්සේට අවශ්‍ය වන්නේ ඔබ කුමන ආකාරවලින් තවමත් කුඩා දරුවෙකු මෙන් වෙනවාට ද? (බලන්න මොසායා 3:19). උන්වහන්සේ “නුඹලාට මගපෙන්වන්නේ” කෙසේද?

දහම සහ ගිවිසුම්78:19 අධ්‍යයනය කිරීමට සූදානම් වීමට, ඔබට අද දිනයේදී සිදුවූ යහපත් දේවල් සහිත ලැයිස්තුවක් සෑදිය හැකිය. ඉන්පසු ඔබට ආශිර්වාද ලෙස පෙනෙන්නේ නැති දේවල් ලැයිස්තුවක් සාදන්න. ඔබ දහම සහ ගිවිසුම් 78:19 කියවන විට මෙම ලැයිස්තු ගැන මෙනෙහි කරන්න. ආශිර්වාද ලෙස නොපෙනෙන දේවල් පවා, ඔබ ඒ “සියල්ල” කෘතඥතාවයෙන් යුතුව ලබා ගන්නේ නම්, එය ඔබේ ජීවිතයේ කුමන ආකාරයේ වෙනසක් ඇති කරයිද?

දෙවියන්වහන්සේට කෘතඥ වීම ඔබේ ජීවිතයට බලපාන්නේ කෙසේද කියා වැඩිදුර දැන ගැනීමට, මෙම ශුද්ධලියවිලි අධ්‍යනය කර ඔබ සොයාගත් සත්‍යයන් ලැයිස්තුවක් සාදන්න: ගීතාවලිය 107:8–9; ලූක් 17:11–19; පිලිප්පි 4:6–7; මොසායා 2:19–24; ඇල්මා 34:38; 37:37; දහම සහ ගිවිසුම් 46:32; 59:7, 15–21.

කෘතඥතාව යේසුස් ක්‍රිස්තුස්වහන්සේ සමඟ ඔබේ සම්බන්ධතාවයට බලපාන්නේ කෙසේද?

11:38

දහම සහ ගිවිසුම් 80 සම්බන්ධයෙන්, වැඩිහිටි ඩේවිඩ් ඒ. බෙඩ්නර් මෙසේ ඉගැන්වුවා, “සමහරවිට ගැලවුම්කරුවා අපට මෙම එළිදරව්වෙන් උගන්වනන එක් පාඩමක් තමයි, නිශ්චිත ස්ථානයක සේවය කිරීමට පැවරීම අත්‍යවශ්‍යයි ඒවගේම වැදගත්, නමුත් සේවය කිරීමේ කැඳවීමක් ලැබීමට එය දෙවනි වෙනවා” (“කාර්යයට කැඳවනු ලැබේ,” ලියහෝනා, මැයි 2017, 68). වැඩිහිටි බෙඩ්නර්ගේ වචන සත්‍ය බව දැනගැනීමට ඔබට උපකාර වූ අත්දැකීම් මොනවාද? දහම සහ ගිවිසුම් 79–80 තුළ ඔබට සොයා ගත හැකි මෑතකදී කැදවීමක් ලැබුණු කෙනෙකුට උපකාර කළ හැකි අමතර පාඩම් මොනවාද?

• ඔබ සහ ඔබේ දරුවන් එක්ව දහම සහ ගිවිසුම් 77:2 කියවන විට, ඔබට කෘමීන් සහ පක්ෂීන් ඇතුළු සතුන්ගේ පින්තූර දෙස බැලිය හැකිය. ඔබ “මෘගයන්,” “ බඩගා යන සතුන්” සහ “ පක්ෂීන්” යන වචන කියවන විට, ඔබේ දරුවන්ට ඒවාට අදාළ පින්තූර පෙන්වන්න පුළුවන්. දෙවියන්වහන්සේගේ මැවීම උන්වහන්සේගේ ප්‍රේමය දැනීමට ඔබට උදව් වන ආකාරය එකිනෙකා සමඟ බෙදාගන්න.

• අප බව්තීස්ම වූ විට, අප “කැප වූ” (පිළිගත් හෝ සහාය දීමට තෝරා ගත්) “කාරණය” හඳුනා ගැනීම සඳහා, ඔබේ දරුවන් සමඟ දහම සහ ගිවිසුම් 78:4 කියවීම ගැන සලකා බලන්න. ඒ සඳහා පිළිතුරු සොයාගැනීම සඳහා මෙවැනි ශුද්ධලියවිලි ඡේද කියවීමට ඔවුන්ට උදව් කරන්න: මොසායා 18:8–10; දහම සහ ගිවිසුම් 20:37; මෝසෙස් 1:39. ස්වාමින්වහන්සේගේ කාර්යයට උපකාර කළ හැකි ආකාරය රඟ දැක්වීමෙන් ඔබේ දරුවන්ට සතුටු විය හැකිය. නිදසුනක් වශයෙන්, “එකිනෙකාගේ බර ඉසිලීම” හෝ “යේසුස් ක්‍රිස්තුස්වහන්සේගේ නාමය [අප මත] ගැනීම” කොයි වගේද? මෙය ක්‍රිස්තුස්වහන්සේගේ “මෙම කාරණය දියුණු කරන්නේ” කෙසේද?

• “පොළොවේ දේවල් තුළදී සමාන වීම” (6 වෙනි පදය) යන්නෙන් අදහස් කරන්නේ කුමක්ද යන්න ඉගැන්වීමට, ඔබට ඔබේ දරුවන්ට (බඩගිනි, තුවාල හෝ සීතල) වැනි අවශ්‍යතා ඇති පුද්ගලයින්ගේ පින්තූර සහ ඔවුන්ට උපකාර වන (ආහාර, වෙළුම් පටියක් හෝ පොරවනයක් ලෙස) යම් යම් දේවල් ලබා දිය හැකිය. ඉන්පසු ඔබේ දරුවන්ට එම පින්තූර සමඟ එම භාණ්ඩ ගැලපිය හැකිය. අවශ්‍යතා ඇති පුද්ගලයින්ට උපකාර කිරීමට අපට බෙදාගත හැක්කේ මොනවාද?

• 

  2:39

• නායකයෙකු වීම යන්නෙන් අදහස් කරන දේ ගැන කතා කිරීම සහ ඉන්පසුව ක්‍රියාකාරකමකට නායකත්වය දීම ඔබේ දරුවන්ට විනෝදජනක විය හැකිය. එකට එකතු වී දහම සහ ගිවිසුම් 78:18 කියවීමෙන් පසු, යේසුස්වහන්සේ අපව මෙහෙයවනවාට අපි කැමති අවස්ථා ගැන ඔබට සාකච්ඡා කළ හැකිය.

• ස්තූතිවන්ත වන පුද්ගලයින්ට ස්වාමින්වහන්සේ පොරොන්දු වන දේවල් සොයා ගැනීමට ඔබේ දරුවන් සමඟ දහම සහ ගිවිසුම් 78:19 කියවන්න. කුඩා දෙයක් පෙන්වීමෙන් සහ එවැනි දේවල් 100ක් පෙන්වීමෙන්, “සිය ගුණයක්” යන්නෙන් අදහස් කරන්නේ කුමක්ද යන්න තේරුම් ගැනීමට ඔබේ දරුවන්ට උපකාර කරන්න. සමහරවිට ඔවුන් “ස්තූතිවන්ත” වන ඔවුන්ට දෙවියන්වහන්සේගෙන් ලැබුණු දේවල් වල චිත්‍ර අඳින්න ඔවුන්ට පුළුවන්.