Сургаал ба Гэрээ 77–80

Иосеф Смит, Сидней Ригдон хоёр сүнслэгээр өдөөгдсөн Библийн орчуулга дээр ажиллаж байхдаа олонхын адилаар Илчлэл номын талаар асуултуудтай тулгарав. Мөн Иосеф мэргэн ухаанаар дутсан үедээ Бурханаас асууж болохыг сайн мэдэж байлаа. Түүний хүлээн авсан ойлголт Сургаал ба Гэрээ 77 дээр бий. Та энэ хэсгийг уншиж байхдаа, Илчлэл номын холбогдох бүлгүүдийн талаарх ойлголтоо бичиж тэмдэглэхийг бод. Та судлах явцдаа илчлэл хүлээн авах талаар юу сурч мэдсэн бэ?

Нэгдсэн пүүс нь Огайо, Миссури мужууд дахь Сүмийн хэвлэлийн газрыг болон бизнес ажил хэргийг удирдан явуулахаар байгуулагджээ. Тус байгууллагад өсөж хөгжиж буй Сүмийн материаллаг хэрэгцээг хангахын тулд өөрсдийн эд хөрөнгийг нэгтгэн нийлүүлсэн Иосеф Смит, Ньюел К.Витней болон Сүмийн бусад удирдагч орсон байв. Харамсалтай нь, Нэгдсэн пүүс өрөнд орж, өрөө төлж чадахгүй байсаар 1834 онд үйл ажиллагаагаа зогсоожээ.

“Newel K. Whitney and the United Firm,” in Revelations in Context, 142–47; Church History Topics, “United Firm (‘United Order’),” Gospel Library-г мөн үзнэ үү.

Их Эзэн Иосеф Смитэд болон Сүмийн бусад удирдагчид агуулах болон хэвлэлийн газрыг удирдан ажиллах нь “та нарын өөрсдийгөө даатгасан урагшлах зарчим” (Сургаал ба Гэрээ 78:4)-д туслах болно хэмээн айлджээ. Аврагчийн Сүмийн “зарчим” гэдгийг та юу гэж бодож байна вэ? Сургаал ба Гэрээ 78:1–7-г уншихдаа энэ талаар тунгаан бод. Та сүмд болон гэр бүлдээ тэрхүү зарчмыг урагшлуулахад ямар ямар арга замаар тусалж болох вэ?

Ерөнхий гарын авлага, 1.2-ыг мөн үзнэ үү.

Их Эзэн яагаад Өөрийн дагагчдыг заримдаа “бяцхан хүүхдүүд” хэмээн нэрлэсэн гэж та бодож байна вэ? (Сургаал ба Гэрээ 78:17). Танд “хараахан ойлгож амжаагүй байгаа” эсвэл “дааж чадахгүй” ямар нэгэн зүйлээс болж бяцхан хүүхэд мэт мэдэрч байсан үе бий юү? (17–18-р шүлэг). Тийм үед танд “зоригтой бай[хад]” (18-р шүлэг) туслах юуг эдгээр шүлгээс олж мэдсэн бэ? Хүүхэд байх үеийнхээ зургийг олоод тэр үеэс хойш хэрхэн сүнслэгээр өссөн талаараа тунгаан бодоорой. Эсвэл таныг бага байхад хэцүү санагддаг байсан ч одоо амархан болсон ямар нэг зүйлийн талаар бод. Тэнгэрлэг Эцэг таныг ямар талаараа хүүхэд шиг хэвээрээ байгаасай хэмээн хүсдэг вэ? (Мозая 3:19-ийг үзнэ үү). Тэрээр хэрхэн “та нарыг [удирддаг]” вэ?

Та Сургаал ба Гэрээ 78:19-ийг судлахаар бэлтгэхдээ өнөөдөр танд тохиолдсон сайхан зүйлсийг жагсаан бичиж болно. Дараа нь танд адислал мэт санагдахгүй байгаа зүйлсийг жагсаа. Сургаал ба Гэрээ 78:19-ийг уншихдаа эдгээр жагсаалтын талаар тунгаан бод. Зарим нь адислал мэт санагдахгүй байсан ч гэсэн “бүх зүйлийг” талархалтай хүлээн авбал таны амьдралд ямар өөрчлөлт гарах вэ?

Бурханд талархалтай байх нь амьдралд яаж нөлөөлж болохыг мэдье гэвэл дараах судруудыг судлаад олж мэдсэн үнэнүүдээ жагсаан бич. Дуулал 107:8–9; Лук 17:11–19; Филиппой 4:6–7; Мозая 2:19–24; Алма 34:38; 37:37; Сургаал ба Гэрээ 46:32; 59:7, 15–21.

Ерөнхийлөгч Дийтр Ф.Угдорфын “Ямар ч нөхцөл байдалд талархалтай байх нь” (2014 оны 4-р сарын Ерөнхий чуулган, 90–93) захиаснаас хэрхэн талархалтай байх талаар хайгаад үзээрэй. Та “President Russell M. Nelson on the Healing Power of Gratitude” (Gospel Library) видеоноос ижил төстэй зөвлөмжийг олох боломжтой. Талархалтай байх нь таны Есүс Христтэй харилцах харилцаанд хэрхэн нөлөөлөх вэ?

11:38

Мөн “Адислал бүрээ тоол,” Дуулал, д.125; Topics and Questions, “Gratitude,” Gospel Library-г үзнэ үү.

Сургаал ба Гэрээ 80-ын талаар ахлагч Дэвид А.Бэднар “Энэ илчлэлээр дамжуулан Аврагчийн бидэнд зааж буй зүйлүүдийн нэг нь ямар нэг тодорхой газарт хөдөлмөрлөх томилгоо нэн чухал хэдий ч үйлчлэх дуудлагаас илүү чухал бус гэсэн санаа байж болох юм” хэмээн заасан (“Ажилд дуудагдсан болой,” 2017 оны 4-р сарын Ерөнхий чуулган, х.58). Ахлагч Бэднарын үг үнэн болохыг мэдэхэд танд ямар ямар туршлага тусалсан бэ? Саяхан дуудлага авсан хэн нэгэнд туслах ямар ямар нэмэлт сургамжийг та Сургаал ба Гэрээ 79–80 дээрээс олж болох вэ?

• Та Сургаал ба Гэрээ 77:2-ыг хүүхдүүдтэйгээ уншихдаа шавж, шувуу, амьтдын зургийг харж болох юм. Таныг “амьтдын”, “мөлхөгч зүйлүүдийн”, “огторгуй дахь жигүүртнүүдийн” гэх үгсийг унших үед хүүхдүүд зургууд руу зааж болно. Бурханы бүтээлүүд хэрхэн Түүний хайрыг мэдрэхэд тусалдгийг нэг нэгэнтэйгээ хуваалц.

• Их Эзэний ажил дахь үүргээ ойлгоход нь хүүхдүүддээ туслахын тулд Сургаал ба Гэрээ 78:4-ийг хамт уншаад, баптисм хүртэх үедээ өөрсдийгөө “даатгасан” (хүлээн авсан эсвэл дэмжихээр сонгосон) “зарчмыг” олоорой. Дараахын адил судрын хэсгээс хариултаа олоход тусал: Мозая 18:8–10; Сургаал ба Гэрээ 20:37; Мосе 1:39. Хүүхдүүд тань Их Эзэний ажилд яаж туслах талаар жүжигчилсэн тоглолт хийвэл дуртай байж магадгүй. Жишээлбэл: “Нэг нэгнийхээ ачааг үүрэлцэх” эсвэл “Есүс Христийн нэрийг өөрсөд дээрээ авах” нь яаж харагддаг вэ? Энэ нь хэрхэн Христийн “зарчмыг урагшлуулах” вэ?

• “Дэлхийн зүйлүүдэд тэгш” (6-р шүлэг) байна гэдэг нь юу гэсэн утгатайг заахын тулд тусламж хэрэгтэй (өлссөн, гэмтсэн эсвэл даарсан) хүмүүсийн зургийг мөн тэдэнд туслах эд зүйлсийг (хоол, шархны боолт, хөнжил гэх мэт) хүүхдүүддээ өгч болно. Дараа нь хүүхдүүд тань зургуудыг эд зүйлстэй холбож болно. Тусламж хэрэгтэй хүмүүст бид юуг хуваалцаж болох вэ?

• 78-р хэсэг-ийн үйл явдлыг ойлгохын тулд “28-р бүлэг: Бошиглогч Иосеф Миссури рүү дахин явав” хэсгийн эхний хоёр зургийн доорх өгүүлбэрүүдийг хүүхдүүдтэйгээ хамт унш (Сургаал ба Гэрээний түүхүүд, х.108 эсвэл Gospel Library дээрх холбогдох видео). Дараа нь хүүхдүүд тань хэн нэгэнд байшин барихад тусалж, хоол хүнсээ хуваалцаж, өөр ямар нэгэн арга замаар үйлчилж байгааг дүрслэн үзүүлж болно.

  

  2:39

• Удирдагч байх гэдэг нь юу гэсэн үг болох талаар ярилцаад дараах үйл ажиллагааг удирдуулбал хүүхдүүдэд хөгжилтэй байж болно. Сургаал ба Гэрээ 78:18-ыг хамтдаа уншаад, Есүсээр удирдуулах хэрэгтэй байсан үеийнхээ талаар ярилцаарай. “I Will Walk with Jesus” (Gospel Library) гэх зэрэг дууг дуулах талаар бодож үзээрэй.

• Сургаал ба Гэрээ 78:19-ийг хүүхдүүдтэйгээ хамт уншаад, талархдаг хүмүүст Их Эзэн юу амласныг олж мэд. Хүүхдүүддээ эхлээд нэг жижиг зүйлийг, дараа нь уг зүйлийг 100 ширхгийг үзүүлэх замаар “зуу дахин” гэж юу болохыг ойлгоход тусал. Тэд Бурханаас “талархалтайгаар” хүлээн авсан зүйлсээ зурах боломжтой.