Сургаал ба Гэрээ 76

76-р хэсэг бидний мөнхийн хувь тавилангийн тухай чухал үнэнийг илчилсэн боловч энэхүү илчлэл нь алдар суугийн гурван хаант улсын тухай эсвэл бүр зүгээр л авралын төлөвлөгөөний тухай гэж хэлэх хангалтгүй. Нарийн авч үзвэл 76-р хэсэг бол бидний авралын төлөөх Бурханы төлөвлөгөө, мөнхийн алдар сууг боломжтой болгосон Есүс Христийн тухай юм. Та унших зуураа Есүс Христ ба өөр өөр алдар суугийн хаант улсыг өвлөх хүмүүсийн хоорондын харилцааг дүрсэлсэн үг, хэллэгүүдийг олж болох юм. Олж мэдсэн зүйлсээ тэмдэглэхэд тань дараах хүснэгт тусалж магадгүй.

Та Аврагчтай харилцах харилцаагаа бэхжүүлэхийн тулд юу хийх хэрэгтэй гэсэн мэдрэмж авсан бэ?

Вилфорд Вүдрафф уг үзэгдлийн тухай уншаад, “Би амьдралдаа хэзээ ч хайрлаж байгаагүйгээрээ Их Эзэнийг хайрлаж байлаа” гэж хэлсэн юм (“Сэргээлтийн дуу хоолой: ‘Үзэгдэл’-ийн гэрчлэл”-ийг үзнэ үү). Та 1–5, 20–24, 39–43, 107–108-р шүлэг-ээс Есүс Христийг илүү их хайрламаар санагдуулсан Түүний талаар юуг сурч мэдсэн бэ?

1 Петр 3:18–19; 4:6; Даллин Х.Өүкс, “Аврагч маань бидний төлөө юу хийсэн бэ?,” 2021 оны 4-р сарын Ерөнхий чуулган, х.73–76; “Би гайхширна,” Дуулал, д.98-ыг мөн үзнэ үү.

76-р хэсэг-т цэдэглэсэн үзэгдэлд бараг бүх хүн аврагдаж, алдар суугийн аль нэг зэргийг хүлээн авна гэж заасан тул Сүмийн бүх гишүүн уг үзэгдлийг амар хүлээн аваагүй юм. Жишээлбэл: Бригам Янг “Үзэгдэл эхлээд надад ирэхэд энэ нь миний урьд мэдэж авсан зүйлсийн эсрэг, өөр байсан тул би жаахан хүлээ гэж хэлсэн. Би үүнийг эсэргүүцээгүй ч ойлгохгүй байсан” гэж хэлжээ. Тэр “үүнийг би өөрөө бүрэн ойлгож мэдэж автлаа бодож, залбирч, уншиж мөн бодох” хэрэгтэй байсан гэж тайлбарласан байдаг (“The Vision,” Revelations in Context, 150). Бурхан одоогийн ойлголтоос тань өөр зүйлсийг илчлэх үед танд туслах юуг та энэ туршлагаас сурч мэдэж болох вэ? Та Сургаал ба Гэрээ 76:5–10, 114–118-аас Бурханы талаар юу ойлгож мэдсэн бэ? Эдгээр шүлэг танд “[Бурханы] тааллыг сайн таашаалыг” ойлгоход туслах юуг зааж байна вэ? (7-р шүлэг).

Сургаал ба Гэрээ 76:39–44 дээр авралын тухай ерөнхийд нь тайлбарласан байдаг. Харин 50–70-р шүлэг-т авралын нэгэн тодорхой төрлийг дурддаг. Та аврал, өргөмжлөл хоёрын хоорондох ялгааг хэрхэн тайлбарлах вэ? Эдгээрийн аль алинд Аврагч ямар үүрэгтэй вэ? Эдгээр шүлгийн юу нь танд өргөмжлөлийг эрэлхийлэхэд нөлөөлж байна вэ?

Мөн Иохан 3:16–17; Сургаал ба Гэрээ 132:20–25-ыг үзнэ үү.

Та өөрийгөө Сургаал ба Гэрээ 76:50–70, 92–95 дээр дүрсэлсэн селестиел алдар сууг хүлээн авах төрлийн хүн болж чадах эсэх талаар эргэлзэж эсвэл санаа зовж байсан уу? Бурхан биднээс юу хүлээж байгааг мэдэх нь чухал хэдий ч Түүнтэй адил болоход туслахын тулд Бурхан бидний төлөө юу хийснийг болон юу хийж байгааг эдгээр шүлгээс олж хараарай. Таны хичээл зүтгэл Бурханд яагаад чухал гэж та бодож байна вэ?

Селестиел алдар суугийн тухай энэ үзэгдэл таны амьдрахыг хүсдэг арга замд хэрхэн нөлөөлж болох вэ?

Мосе 1:39; Ж.Дэвн Корниш “Би хангалттай сайн байна уу? Би хаант улсад орж чадах уу?,” 2016 оны 10-р сарын Ерөнхий чуулган, 19–22-ыг мөн үзнэ үү.

• Хүүхдүүддээ бурханлаг чадавхаа ойлгоход нь туслахын тулд эцэг эхтэйгээ авхуулсан хүүхдүүдийн зургийг үзүүлж болно. Дараа нь Сургаал ба Гэрээ 76:24-ийг уншаад бид бүгдээрээ “Бурханы төрсөн хөвгүүд хийгээд охид” гэдгийг мэдээд баяртай байгаагаа нэг нэгэнтэйгээ хуваалцаж болно.

• “Би Бурханы хүүхэд” (Хүүхдийн дууны ном, 2–3) дууг хамтдаа дуулж “Би” гэдэг үгийг хэлэх бүрд өөр лүүгээ заа гэж хүүхдүүддээ хэлээрэй. Дараа нь “Би” гэдэг үгийг “Чи” гэдгээр орлуулж өөр хэн нэгэн рүү зааж дуулаарай.

• “Есүс Христ миний төлөө юу хийсэн бэ?” хэмээн хэн нэгэн асууж байна гэж төсөөлөн хүүхдүүдтэйгээ дүрд тоглоод үзээрэй. Та болон таны хүүхэд 76-р хэсэг-ийн 5, 41–42, 69-р шүлэг-ээс тохирох хариултыг олж болно. Мөн “Тэр Хүүгээ илгээсэн,” Хүүхдийн дууны ном, 20–21 дууг дуулж болно. Бид Аврагчийн бидний төлөө хийсэн зүйлд талархаж байгаагаа хэрхэн илэрхийлж чадах вэ?

• Та хүүхдүүдтэйгээ “26-р бүлэг: Тэнгэрийн гурван хаант улс” (Сургаал ба Гэрээний түүхүүд, х.97–103 эсвэл Gospel Library дээрх холбогдох видео) хэсгийг бүхэлд нь, эсвэл хэсгээс нь уншиж, эсвэл үзээд Иосеф Смитийн үзсэн үзэгдлийн юу нь таалагдсаныг нэг нэгэнтэйгээ хуваалцаж болно. Бурхантай хамт селестиел хаант улсад амьдрах нь ямар байх тухай хүүхдүүдийнхээ бодол, мэдрэмжийг асуу.

  

  4:7

• Мөн Сургаал ба Гэрээ 76:62-ыг уншаад, хүүхдүүдээрээ Тэнгэрлэг Эцэг, Есүс Христ хоёртой хамт селестиел хаант улсад байгаагаар зуруулаарай (энэ долоо хоногийн үйл ажиллагааны хуудас-ыг үзнэ үү).

• Хүүхдүүдээрээ 15–19-р шүлэг-ийг уншуулаад, Иосеф Смит, Сидней Ригдон хоёр Сургаал ба Гэрээ 76 дахь үзэгдлийг үзэх үедээ юу хийж байсныг олуул. Судар уншиж байхдаа сүнслэг мэдрэмж хүлээн авсан үеэ хүүхдүүддээ ярьж өгч, тэдэнд үүнтэй адил зүйл тохиолдож байсан эсэхийг асуу.