Whakaakoranga me ngā Kawenata 76

E huraina ana tewāhanga 76 ngā mea pono whakahirahira e pā ana ki tō tātou huarahi mau tonu, engari kua kore e ea i te kī noa he whakakitenga tēnei e pā ana ki ngā kīngitanga korōria, e pā ana rānei ki te mahere o te whakaoranga. Kia tika kē, e pā ana te wāhanga 76 ki a Ihu Karaiti, koia te mea nui e taea ai te mahere o te Atua mō tō tātou whakaoranga me tō tātou korōria mau tonu. I a koe e pānui ana, māu e rapu i ngā kupu me ngā rerenga e whakamārama ana i te hononga i waenganui i a Ihu Karaiti me ngā tāngata e riro ai i a rātou aua kīngitanga rerekē o te korōria. Tērā pea mā tētahi tēpara pērā i te mea e whai ake nei e āwhina kia tuhia iho tāu e kite ai.

He aha ngā mea e whakahihiko ana i tō ngākau hei mahi māu kia kaha ake tō hononga ki te Kaiwhakaora?

I te wā i pānui a Wiriwha Wuruwha i tēnei whakakitenga, ka kī, “i te hiahia au kia nui ake taku aroha ki te Ariki i tua atu i tōku i mua” (tirohia “Voices of the Restoration: Testimonies of ‘the Vision’”). He aha ngā akoranga māu e pā ana ki a Ihu Karaiti i ngā whiti 1–5, 20–24, 39–43, 107–8 nā konā nui ake ai tō aroha Mōna?

Tirohia anōtia 1 Pita 3:18–19; 4:6; Dallin H. Oaks, “What Has Our Savior Done for Us?,” Liahona, Mei 2021, 75–77; “I Stand All Amazed,” Hymns, no. 193.

Kīhai ngā mema katoa o te Hāhi i tino whakawhiwhi i te whakakitenga i wāhanga 76, nā te mea i whakaakona e ia ka whakaorangia te nuinga o ngā tāngata, ā, ka whiwhi i tētahi āhuatanga o te korōria. Hei tauira, i kī ake a Pirikama Ianga: “I pērā ōku whakarerenga iho, nā, i te putanga tuatahitanga mai o taua Kitenga ki ahau, i tino rerekē, i tino tauaro ki ngā mea i whakaakona mai au i mua. I kī au, Taihoa ake. Kīhai au i whakaparahako; engari kīhai au i mārama.” Nāna i whakamārama, nā, i tika kia “āta whakaarohia, ā, kia inoia, kia pānuitia, ā, kia whakaarohia, tae noa atu ki te wā i mōhio, ā, i mārama katoa au mōku anō” (i “The Vision,” i Revelations in Context, 150). He aha ngā mea e ako ai koe mai i ngā āhuatanga i pā ai ki a ia mā konā āwhina ai i a koe ina huraina mai e te Atua ngā mea e rerekē ana i tāu e mōhio nei? He aha tāu e ako ai e pā ana ki a Ihu Karaiti i Whakaakoranga me ngā Akoranga 76:5–10, 114–18? He aha ngā akoranga māu i ēnei whiti e pā ana ki tāu hei mārama ki “te āhuareka pai o tā [te Atua] e pai ai”? (whiti 7).

Whakaakoranga me ngā Kawenata 76:39–44 whakamāramahia ngāwaritia te whakaoranga. E whakamāramahia ana e ngāwhiti 50–70 mō te whakateiteitanga, tētahi momo whakaoranga. Me pēhea koe e whakamārama i te rerekētanga o te whakaoranga me te whakateiteitanga? He aha tā te Kaiwhakaora i roto i ngā mea e rua? He aha tāu e kite nei i ēnei whiti nā konā hihiko ake tō ngākau ki te rapu atu i te whakateiteitanga?

Tirohia anōtia Hoani 3:16–17; Whakaakoranga me ngā Kawenata 132:20–25.

Kua whakaarohia ake—kua māharahara rānei koe—mehemea e taea ana e koe te tupu hei tangata e whiwhi nei i te korōria o Tikitiki o Rangi, pērā i tā Whakaakoranga me ngā Kawenata 76:50–70, 92–95 i whakamārama ai? Ahakoa he whakahirahira kia mōhio he aha tā te Atua e hiahia nei mō tātou, me titiro iho anō ki roto i ēnei whiti mō tā te Atua i mea ai—e mea ana hoki—mō tātou hei āwhina i a tātou kia rite ki a Ia. He aha koe e whakaaro ai he mea nui āu mahi ki a Ia?

Me pēhea tēnei kitenga mō te korōria Tikitiki o Rangi e whai pānga ai ki te āhua o te ora e hiahia ana koe ki te whai atu?

Tirohia anōtia Mohi 1:39; J. Devn Cornish, “Am I Good Enough? Will I Make It?,” Liahona, Noema 2016, 32–34.

• Hei āwhina i a koe i roto i tō whakamārama i ngā tamariki e pa ana ki tō rātou pitomata atua, me whakaatu atu ki a rātou ngā pikitia o ngā tamariki me ō rātou mātua. Kātahi koutou ka pānui i Whakaakoranga me ngā Kawenata 76:24 me te kōrero tētahi i tētahi he aha koe e harikoa ai kia mōhio “he tama, he tamāhine nā te Atua” tātou katoa.

• Me waiata ngātahi “I Am a Child of God” (Children’s Songbook, 2–3) kātahi ka tonoa ō tamariki kia tuhia te ringa ki a rātou anō ina waiatahia “I.” Kātahi ka waiatahia te waiata anō, e whakauru ana i te “I am” mō te “you are” i a koe e tuhi atu ana i te ringa ki tētahi atu.

• Me mahi whakaari pea me ō tamariki i tētahi āhuatanga e uia ake e tētahi te pātai, “He aha tā Ihu Karaiti mōku?” Me rapu e koutou ko ō tamariki ētahi whakautu i ngā whiti 5, 41–42, i 69 rānei i wāhanga 76. Me waiata hoki “He Sent His Son,” Children’s Songbook, 34–35. Me pēhea tātou e whakaatu atu ai i tō tātou whakawhetai mō tā te Kaiwhakaora i mea ai mō tātou?

• Me pānui, me mātaki rānei koutou ko ō tamariki tētahi wāhanga, te katoa rānei o “Chapter 26: The Three Kingdoms of Heaven” (i Doctrine and Covenants Stories, 97–103, te whitiāhua e hāngai ana i roto i te Wharepukapuka Rongopai) me te kōrero tētahi ki tētahi he aha ngā mea pai ki a koe e pa ana ki te kitenga i whiwhi ai a Hōhepa Mete. Tonoa āu tamariki ki te tuku kōrero mō ō rātou whakaaro me ō rātou kare ā–roto e pā ana ki te āhua o te noho tahi me te Matua i te Rangi i roto i te kīngitanga Tikitiki o Rangi.

  

  4:7

• Me pānui anō hoki koe i te Whakaakoranga me ngā Kawenata 76:62 kātahi ka tonoa ō tamariki ki te tā pikitia mō rātou anō e noho tahi ana me te Matua i te Rangi rāua ko Ihu Karaiti i roto i te kīngitanga o Tikitiki o Rangi (tirohia te whārangi mahi mō tēnei wiki).

• Māu ō tamariki e tono ki te pānui i ngā whiti 15-19 kia rapua tā Hōhepa Mete rāua ko Hirini Rikitana mahi i te wā i kite rāua i te kitenga i roto i Whakaakoranga me ngā Kawenata 76. Me whāki atu ki ō tamariki e pā ana ki tētahi wā i whiwhi koe i te whakaaweawenga i a koe e pānui karaipiture ana, kātahi ka uia ō tamariki mehemea kua pērāhia rātou.