“Tuun 16–22: ‘Te Uea e Kainanoa te Nano ao te Iango ae Tatauraoi’: Reirei ao Berita aika Tabu 64–66,” Nakomai, Iriirai—Ibukin te Mweenga ao te Taromauri: Reirei ao Berita aika Tabu 2025 (2025)
“Reirei ao Berita aika Tabu 64–66,” Nakomai, Iriirai—Ibukin te Mweenga ao te Taromauri: 2025
Daviess County, Missouri
Tuun 16–22: “Te Uea e Kainanoa te Nano ao te Iango ae Tatauraoi”
Reirei ao Berita aika Tabu 64–66
N te kabuebue ae kamwengabuaka n Aokati 1831, tabeman unimwaane a mwananga n oki nako Kirtland man te aba i Tion i Missouri. A rootaki n te kabuebue ao te kua taan mwananga, ao a kaonaki nanoia n te kauntaeka. E taraa n ae katean Tion, are kaawan te tangira, te inanoi, ao te rau, e na maan aron kateana.
Te kakukurei bwa, katean Tion—i Missouri n 1831 ke i nanora, utu, ao uoote n boong aikai—e aki kainnanoia bwa ti na kororaoi. Ma, “ngkami kam riai n kabwarai buure,” e taku te Uea (Reirei ao Berita aika Tabu 64:10). E kainnanoa “te nano ma te iango ae tatauraoi” (kibu 34). Ao E kainnanoa te tataonakinnano ma te botumwaaka, bwa Tion e kateaki iaon aan “bwaai aika uarereke,” n katiaaki irouia naake a bon aki “kua ni karaoan ae raoiroi” (kibu 33).
Taraa naba Aomata aika Itiaki, 1:133–34, 136–37.
Iango ibukin te Kamatebwai n te Mweenga ao n te Taromauri
Reirei ao Berita aika Tabu 64:1–11
“Kabwara bure i marenami.”
Iangoa ae i mwiina ngkai ko kamatebwaia Reirei ao Berita aika Tabu 64:1–11:
-
Iangoa te tai are kabwara am bure te Uea. Tera aron am namakin?
-
Iai te aomata ae ko riai ni kabwaraa ana bure? E kanga n kangaanga kabwaraan aia bure tabeman? Tera ae buokiko n tokanikai man kangaanga aikai?
-
Tera koaua ibukin te kabwarabure n Reirei ao Berita aika Tabu 64:1–11 ae taraa n kakaawaki iroum? Bukin tera te Uea e tua nakoira bwa “ti na kabwarai aia bure aomata nako”? (kibu 10).
Ngkana ko kunea bwa e kangaanga te kabwarabure, iangoa kamatebwaian ana rongorongo Unimwaane Jeffrey R. Holland “Te Mwakuri ni Karekean te Itoman ae Raoiroi” (Riaona, Nobembwa 2018, 77–79) ke ana rongorongo Kristin M. Yee “Te Tamaroa n Oneaki Mwiina n te Mannang: Kawain te Kabwarabure” (Riaona, Nobembwa 2022, 36–38). Tera ae ko reiakinna n aron Kristo ni kona n buokiko n kabwara bure?
E kona n katauraoi taai aika a mwaiti ni kabwarabure te reitaki n te utu. Iangoia kaain am utu. Antai ae ko riai ni kabwaraa ana bure? Ti kanga n “rootaki” (kibu 8) ngkana ti aki kabwarai ara bure i marenara? E na kanga n roota reitakin am utu te kabwarabure?
Taraa naba Guide to the Scriptures, “Forgiveness,” Gospel Library; “The Savior Suffers in Gethsemane” (witeo), Gospel Library.
Forgiveness: My Burden Was Made Light
“Kam riai ni kabwara bure i marenami” (Reirei ao Berita aika Tabu 64:9).
Reirei ao Berita aika Tabu 64:31–34
E kainanoa “te nano ao te iango ae tatauraoi” te Uea.”
Ko a tia n namakina te “kua” n baike “a raoiroi” ake ko katai n karaoi? Kakaea ana rongorongo te Uea nakoim n Reirei ao Berita aika Tabu 64:31–34. Tera ae tangiria te Uea bwa ko na karaoia n kaota Ana “mwakuri ae korakora”?
Iangoa te reirei n te bwai ae e na kamatataa kibu 33—te bwai ae bubura ae e karaoaki man bwaai aika a uarereke, n aron te bwai ni katamaroa ke katean te buriki. Tera “bwaai aika uarereke” ae ko kona ni karaoia ni katoabong n “[kawenea] aan” ana te Atua ae korakora? Tera tabeua katooto ibukin te “mwakuri ae korakora” are e a tia n anganiko te Uea?
Reirei ao Berita aika Tabu 64:31–34
“Te nano ao te iango ae tatauraoi”
E taku Unimwaane Donald L. Hallstrom bwa nanon te kibun taeka ae te “nano ao te iango ae tatauraoi”:
“Te nano bon kanikinaean te tangira ao te motinnano. Ti karaoi anganano ao ni kabebetei rawawataia naake ti tangiriia ae ti na aki kona ni keiakinna n iai riki bukina tabeua. Ngkana akea te tangira, a na mamaara ara motinnano. …
“Ni karekean te ‘iango ae tatauraoi’ e kaotia bwa ti na anga ara konabwai ae te kabanea n tamaroa ao te iango ae itiaki ao ni ukoukora wanawanan te Atua. E taekinaki bwa ara kamatebwai i nanon maiura ana bon ti ibukin baike akea tokina. Nanona bwa e na iai te reitaki ae aki kona ni kamaenakoaki i marenan ongoraekinan ana taeka te Atua ao n te ongeaba nako iai” (“Te Nano ao te Iango ae Tatauraoi,” Ensign,, Tuun 2011, 31–32).
Reirei ao Berita aika Tabu 64:41–43
E na riki Tion bwa “te man ni kanikina nakoia aomata.”
Te man ni kanikina bon “te buraeki ke te kainibaire are a bootaki iai aomata n inanoi n aia kantaninga ke kinakiia” (Bwai ni Kairi nakon Koroboki aika Tabu, “Ensign,” Gospel Library). E kanga n riki Tion—ke ana Ekaretia te Uea—bwa te kanikina nakoim? Tarai tabeua katooto aikai n bwaai ake a kateaki, n aron te kanikina, n kakabwaiaia aomata: Warekaia Iteraera 21:6–9; Mataio 5:14–16; Aramwa 46:11–20. Ukori kawai tabeua are e kabwarabwara iai Tion te Uea n Reirei ao Berita aika Tabu 64:41–43.
Taraa naba “Let Zion in Her Beauty Rise,” Boki n Anene n Taromauri, nambwa. 41.
Abanuean te Atua i aon te aba e katauraoa te aonaaba ibukin okin te Tia Kamaiu.
Reirei ao Berita aika Tabu 65 e anga te kabwarabwara ae kaunganano ibukin ana mition ana Ekaretia te Uea ni boong aika kaitira. Baireia n ukora te mwakoro aei, n kakaei kaeka nakon titiraki n aron aikai: Tera ae tangiria te Uea bwa e na kakoroa nanona Abanueana i aon te aba? Tera ae E tangiria bwa N na ibuobuoki ni karaoia?
Taraa naba “Prepare Today for the Second Coming” (witeo), ChurchofJesusChrist.org.
Prepare Today for the Second Coming
E atai baike a mena i nanou te Uea.
Tabeua te tai i mwin kaainan te Ekaretia, E bubuti William E. McLellin nakon Iotebwa TImiti bwa e na kaota ana kantaninga te Atua ibukina. E aki ataia Iotebwa, ma iai nimaua oin ana titiraki William ake e kantaningaia bwa e na kaekai te Uea iroun Ana burabeti. Ti aki atai bwa tera ana titiraki William, ma te kaotioti e kaeineti nakoina, ngkai Reirei ao Berita aika Tabu 66, e kaekai ni kabane ana titiraki William ao n “kabwaninna ao n rangi n nanoraoi iai” (“William McLellin’s Five Questions,” Revelations in Context, 138).
Ngkai kam wareka mwakoro 66, iangoi baike e atai te Uea ibukin William McLellin ao tabeiaianga ao iango ake i nanona. E kanga ni kaotia te Uea bwa E kinako? Ngkana iai am kakabwaia mairoun te tamanuea, iangoa kamatebwaiana. Ngkai ko karaoa anne, tera ae e buokiko te Tamnei ae Raoiroi n mataata n ana kantaninga te Atua ibukim?
Ibukin iango riki tabeua, taraa te beeba ni kaongora n te namwakain aio n te Riaona ao Ibukin Kakorakoraia Kairake maekatiin.
Iango ibukin Reiakinaia Ataei
Reirei ao Berita aika Tabu 64:7–10
E tangirai Iesu bwa N na kabwarai aia bure aomata ni kabaneia.
Te bwai ae na taraaki: Ngkai ko reireiniia am ataei taekan ana tua te Uea n “kabwara aia bure aomata ni kabane” ko na bae n tangiria n kamataata bwa te kabwarabure tiaki nanona bwa a na kona aomata n kammarakiira. Kaungaia bwa a na tuanga te ikawai ae onimakinaki ngkana iai temanna ae kammarakiia ke n ringiia n taabo aika a taburoroko.
-
I mwiin warekan Reirei ao Berita aika Tabu 64:10 ma am ataei, marooro ma ngaiia bwa tera nanon kabwaraan ana bure temanna. Ko kona n tibwaa tabeua katooto. Tao ko kona karaoi katooto aikai n te kaotioti n karaoa aron te kabwarabure.
-
Ko kona n titirakiniia am aaei bwa a na baireia bwa a na kanga n reireia temanna—n ai aroia tariia ke mwaneia ae uarereke—taekan kabwaraan aia bure tabeman. Buokiia bwa a na kunea n mwakoro n taeka i nanon Reirei ao Berita aika Tabu 64:7–10 aika a kona n kabonganaa n anga reirei iai.
-
Anenea te anene ibukin taekan te kabwarabure, n aron “Help Me, Dear Father” (Aia Boki n Anene Ataei,, 99). Tera ae reireiniira te anene aei ibukin kabwaraan aia bure tabeman?
Reirei ao Berita aika Tabu 64:33
E kateaki ana “mwakuri ae korakora” te Atua i aon “bwaai aika a uarereke.”
-
Ko kona n kaotia nakoia am ataei tabeua bwaai ake a karaoaki man bwaai aika a uarereke, n ai aron te kamwaninga ke te kie n taewae. Imwiina ikotaki ni wareka Reirei ao Berita aika Tabu 64:33. Tera ana “mwakuri ae korakora” te Atua? Tera “bwaai aika uarereke” aika ti kona ni karaoi ae na ibuobuoki?
Reirei ao Berita aika Tabu 64:34
I kona n iriira Iesu ma nanou ao au iango.
-
N am tai ni wareware nakoia am ataei man Reirei ao Berita aika Tabu 64:34, ko kona n kotea nanom ao atuum ngke ko wareka “nanom” ao “iango,” ao n kaoiia ataei bwa a na karaoia ma ngke. Ti na kanga n anga nanora (ake a tangiria nanora) ao ara iango (ake ti iangoi) nakon te Tia Kamaiu?
Katuruturua ana katooto Iesu Kristo. Iangoia bwa ko na kanga n katuruturua ana katooto te tia Kamaiu ngkana ko kamatebwai ke ko angareirei. Te katooto, ngkana ko angareirei n taekan Reirei ao Berita aika Tabu 64:34, ko kona n marooro ma am ataei bwa e kanga te tia Kamaiu n anga Nanona (ake mai nanona) ao ana iango (ake e iangoi) nakon Tamana are i Karawa. (Taraa Te Angareirei n Ana Kawai te tia Kamaiu, 6.)
E ataia te Uea bwa antai ngai ao e tangirai.
-
Buokia kaotaia am ataei bwa William E. McLellin iai nimaua ana titiraki ibukin te Uea. E karekea te kaeka nakon titiraki akanne Iotebwa Timiti e ngae ngke e aki ataia bwa tera ana titiraki William. Tuangia am ataei taekan te tai are e kaotia nakoim te Uea bwa tera ae E tangiria bwa ko na karaoia, ao marooroakini kakabwaia ake a roko man iriiran Ana kaetieti. Ko kona ngkanne ni wareka Reirei ao Berita aika Tabu 66:4 ni bootaki ao ni kaoiia am ataei n ukori anga ake a na ataia iai bwa tera ae tangiria te Uea bwa a na karaoia.
Rongorongona man The Second Coming, iroun Kevin Keele
I kona n ibuobuoki n katauraoa te aonaaba n butimwaea Iesu Kristo.
-
N aia tai ataei n taraa tamnein Kauokin te tia Kamaiu, tuangiia bwa a na kabwarabwaraa bwa tera ae a nooria ke tera ae ataia ibukin te tai anne. Ko kona naba n anga nakoia am ataei taeka ke mwakoro n taeka ibukin te Kauaoki ae a na kuneaki n Reirei ao Berita aika Tabu 65. Tera ae a reireinira taeka ao kibuntaeka aikai? Ti na kanga ni katauraoira ibukin okin te tia Kamaiu?
Ibukin iango riki tabeua, taraa te beeba ni kaongora n te namwakaina aio n te Te Rao maekatiin.