Whakaakoranga me ngā Kawenata 45

I ngā wā e whakaaro nei tātou kāore e taea ana, kāore rānei e tika ana i mua i te Atua, mā ngā kupu a te Kaiwhakaora ō tātou ngākau e whakaāio i roto i Whakaakoranga me ngā Kawenata 45:1–5. I a koe e tirohia ana ēnei whiti, me huri ngā whakaaro ki ngā momo pātai pēnei:

• He aha ngā kupu, ngā rerenga rānei i roto i ēnei whiti e tino whai tikanga ana ki a koe?

• Ko tētahi kaiwawao tētahi tangata e tautoko ana, e kōrero pai ai mō tētahi atu tangata, mō tētahi take rānei i mua i ngā tāngata katoa. E ai ki ēnei whiti, me pēhea a Ihu Karaiti e mea ai i tēnei mōu? Nō hea Tōna mana kia pēnei ai?

• He aha te mea pai rawa ake ki a koe e pā ana ki ngā kupu a te Kaiwhakaora ki te Matua? (whiti 4–5).

Māu anō e rangahau i tā Erata Dale G. Renlund i whakaako ai mō Ihu Karaiti, tō tātou Kaiwawao, i “Choose You This Day” (Liahona, Noema 2018, 104–5). E ai ki a Erata Renlund, me pēhea te mahi a te Kaiwhakaora e whakatauritetia ai ki tā Rutiwha?

Ka tāpiri atu anō pea ēnei whiti e whai ake nei i tētahi māramatanga anō ki tāu e mōhio nei e pā ana ki tā te Kaiwhakaora mahi hei Kaiwawao. I a koe e rangahau ana i ērā mea, me tuhituhi e koe ngā rerenga, ngā mea pono rānei e taea ana te tohaina atu ki ētahi atu: 2 Nīwhai 2:8–9; Mōhia 15:7–9; Moronai 7:27–28; Whakaakoranga me ngā Kawenata 29:5; 62:1. He aha e whai tikanga ai ēnei rerenga ki a koe?

Tirohia anōtia tā “I Stand All Amazed,” Hymns, no. 193; Topics and Questions, “Atonement of Jesus Christ,” Wharepukapuka Rongopai; “The Mediator” (whitiāhua), Wharepukapuka Rongopai.

10:47

I ngā wā onamata, he momo haki te kara i kawea atu ai ki te pakanga hei whakaohooho, hei whakakotahi i ngā hōia. He tauira, he ture hoki te kara e whakahaere nei i ngā mea katoa. I a koe e pānui ana i Whakaakoranga me ngā Kawenata 45:9–10, me whakaaroaro ki ō kawenata ki te Ariki me ōna rite ki tētahi kara mōu.

Kua whakamāramahia te Haerenga Tuaruatanga Mai o te Ariki hei mea “nui”, ā, hei mea “weriweri” hoki (Maraki 4:5). E hāngai ana ngā whakamārama e rua nei i Whakaakoranga me ngā Kawenata 45. Kei roto i tēnei whakakitenga ngā whakatūpato whaiwhakaaro me ngā whakaari whai tūmanako mō te haerenga mai a te Ariki. I a koe e rangahau ana i ngā whiti 11–75, me āta whakaaro ki tāu e mea ai hei whakarite mō te Haerenga Tuaruatanga Mai i runga i te whakapono i te Karaiti kaua ko te wehi. Me tuhi tāu e kite ai i tētahi tēpara pēnei:

I roto i te whitiāhua “Men’s Hearts Shall Fail Them” (Wharepukapuka Rongopai), he aha tā Tumuaki Russell M. Nelson kōrero hei āwhina i a tātou kia aro atu ki ngā āhuatanga wehi i runga i te rangimārie?

3:24

He aha ngā akoranga māu i Whakaakoranga me ngā Kawenata 45:31–32, 56–57 e pā ana ki te whakarite mō te haerenga mai o te Ariki? Ko hea ō “wāhi tapu”? He aha te tikanga o te kōrero, kia “kaua e whakanekea”? Me pēhea koe e whakarite ai kia tapu ake te wāhi e tū nei koe?

Kia mahara ki tā te Ariki whakahua i te paki huatau o ngā puhi tekau, e whakatauritetia ana te hinu i taua kōrero ki te pono me te Wairua Tapu. Me pānui te paki huatau i Matiu 25:1–13 i runga i taua whakaaro. He aha ō tirohanga hou?

Tirohia anōtia David A. Bednar, “If Ye Had Known Me,” Liahona, Noema. 2016, 102–5.

I hīkaka ngā Hunga Tapu i te wā i a Hōhepa Mete ki te hanga ake i a Hīona, te Hiruhārama Hou (tirohia Etere 13:2–9; Mohi 7:18, 62–64). He aha ngā akoranga māu e pā ana ki a Hīona—te pā onamata i te wā o Enoka me te pā hei ngā rā o muri nei—mai i Whakaakoranga me ngā Kawenata 45:11–15, 66–71? E hāngai ana te whakahau ki te whakapūmau i a Hīona i tēnei rā ki te whakapūmautanga i te kīngitanga o te Atua ahakoa kei hea tātou e noho ana. He aha tāu hei āwhina i te hanganga ake o Hīona ahakoa kei hea koe e noho ana?

• Tērā pea e hiahia ana koe ki te āwhina i āu tamariki kia mārama ai ko te tikanga o te kaiwawao, arā, he tangata tērā e tautoko ana i tētahi atu tangata. Kātahi ka taea e koe te kōrero mō ngā tauira o te kaiwawao e mōhio pea ana rātou (pērā i te whawhai mō tētahi hoa). I a koe e pānui ngātahi ana i Whakaakoranga me ngā Kawenata 45:3–5, āwhinatia āu tamariki kia kite ai ko wai tō tātou Kaiwawao, he aha Tāna hoki hei āwhina i a tātou.

• Ka pai pea kia whakanohoa ngā pikitia o tētahi kāinga, tētahi Whare karakia, me tētahi Temepara huri noa i te ruma. Kātahi ka taea te tuku tīwhiri ki ō tamariki e whakamāramahia ake ana ēnei wāhi me te tono i a rātou kia tū tata ki te pikitia e hāngai ana ki tō whakamārama. Tonoa rātou kia tū i a koe e pānui ana te rārangi tuatahi i Whakaakoranga me ngā Kawenata 45:32. Ko hea ētahi “wāhi tapu” e homai nei e te Atua ki a tātou? Āwhinatia ō tamariki kia mārama ai, nā, ko te tikanga o te kōrero kia “tū ki ngā wāhi tapu, ā … kia kaua e whakanekehia” arā, ko te kōwhiri i te tika i ngā wā katoa, ahakoa e ahatia ana. Me pēhea tātou e whakarite i ō tātou kāinga hei wāhi tapu ake?

• Māu pea e whakamārama atu ki ō tamariki, nā, i ngā wā onamata, he momo haki te kara i kawea atu ai ki te pakanga. Nā taua mea mōhio ai ngā hōia ki hea hui ai, he aha hoki tā rātou mahi. Pānuitia ngātahitia Whakaakoranga me ngā Kawenata 45:9, kātahi ka whakawhitiwhiti kōrero e pā ana ki ngā āhua e rite ana te rongopai ki tētahi kara. Ka pai pea ki ō tamariki te hanga i tō rātou ake kara, haki rānei, e tuhia ana ngā kupu i e whakaatu ai i ō rātou kare ā-roto e pā ana ki te Kaiwhakaora.

• Ka mataku pea ngā tamariki i te whakangaromanga e puta mai ai i mua i te Haerenga Tuaruatanga Mai. Mā te āwhina i a rātou kia kitea te huarahi ki a Ihu Karaiti e āwhina ai i a rātou kia titiro whakamua ai i runga i te whakapono! Tonoa rātou kia whakaarohia ō rātou kare ā-roto ina rongo kei te haere mai tētahi tangata e aroha nuitia ana e koe ki tō kāinga, pērā i tō koroua, kuia, tētahi hoa rānei. He aha tāna hei whakarite mō te haerenga mai? Kātahi ka taea e koe te hura atu i tētahi pikitia o te Kaiwhakaora me te pānui i Whakaakoranga me ngā Kawenata 45: 44–45. Tohaina atu tētahi me tētahi ō whakaaro mō tā Ihu Karaiti haerenga mai.

• Hei āwhina i ō tamariki kia hīkaka mō te Haerenga Tuaruatanga Mai a te Kaiwhakaora, māu e tuhi i runga i ētahi pepa iti ētahi whakaari tūmanako nui mai i wāhanga 45 (hei tauira, tirohia, whiti 44–45, 51–52, 55, 58–59, 66–71). Hoatu e koe ngā pepa ki ō tamariki kātahi ka tonoa rātou kia whakatūria ake ō rātou ringa ina whakahuatia te whakaari kei runga i ō rātou pepa i a koe e pānui ana i aua whiti. Kōrerotia te tikanga o ēnei whakaari. Me waiata tahi anō i tētahi waiata e pā ana ki te Haerenga Tuaruatanga Mai a te Kaiwhakaora, pērā i “When He Comes Again” (Children’s Songbook, 82–83).