Whakaakoranga me ngā Kawenata 49–50

I mua i te hononga ki te Hāhi, he mema a Remana Kopere nō tētahi rōpu whakapono i mōhiotia ai ko te Hunga Whakapono i Tā te Karaiti Putanga Tuaruatanga Mai, arā, ko ngā Kaiharuru (Shakers). Whai muri iho i tētahi kōrero tahi me Remana, ka ngana a Hōhepa ki te rapu māramatanga i te Ariki mō ētahi o ngā akoranga a ngā Kaiharuru. Ka whakautu te Ariki me tēnei whakakitenga i wāhanga 49. E whakahuatia ana ētahi o ngā tikanga whakapono o ngā Kaiharuru i roto i te kōwae wāhanga.

He aha tā te Ariki i whakaako ai i wāhanga 49 hei whakatika i ngā tikanga whakapono o ngā Kaiharuru? He aha ngā taunaki e kite nei koe i tēnei whakakitenga o Tōna aroha me Tōna whakaaro nui mō te hunga kāore i a rātou te raneatanga o Tōna pono? Me pēhea koe e toro atu ai ki a rātou i runga i te aroha me te whakaaro nui?

He aha te mea pai rawa ake ki a koe e pā ana ki tā te Ariki mātai i whiti 2? Māu pea tēnei e whakataurite ki ngā mea e puta ai ina mātaki noa i te haurua o tētahi kiriata, e kite rānei i tētahi wāhanga kotahi noa o tētahi pangahono, e rongo rānei i te taha kotahi o tētahi tautohetohenga. He aha tā te Ariki whakatūpato e hāngai ai ki Whakaakoranga me ngā Kawenata 50:24? He aha tāu e nui ake ai tō whiwhi māramatanga i te Ariki.

Tirohia anōtia “Leman Copley and the Shakers,” in Revelations in Context, 117–21.

E rapu ana a Hātana ki te takahi iho i te mahere o te Matua i te Rangi, nā konā whai atu ia kia huhua ake te rangirua e pā ana ki te mārenatanga. Ko tā te Ariki kē, he whakakite tonu nei i ngā mea pono e pā ana ki te mārenatanga mā roto i Ana poropiti. Ka kite koe e ētahi o ēnei mea pono i Whakaakoranga me ngā Kawenata 49:15–17; Kenehi 2:20–24; 1 Korinihi 11:11; and “Te Whānau: He Whakapuakitanga ki te Ao.” Me whakarārangi i ngā mea pono e rapua ai. He aha e whakahirahira ai te mārenatanga ki te mahere a te Atua?

I whakaakona e Erata Ulisses Soares, nā, “e whakapuaki ana te rongopai o Ihu Karaiti kua whakahokia mai nei te tikanga o te mahitahi katoa i waenganui i te wahine me te tāne, i tēnei oranga, ā, i roto hoki i te ao mau tonu” (“In Partnership with the Lord,” Liahona, Noema 2022, 42). Māu pea tēnei karere e rangahau, e rapu ana i ngā tikanga “e whakakaha ana i te hononga i waenganui i te tāne me te wahine.” Me pēhea koe e whakamahi i aua tikanga anō i tō oranga? Mehemea i pātai tētahi nō whakapono kē atu he aha e whakahirahira ai te mārenatanga, he aha tāu hei whakautu? He aha koe e whakawhetai ai mō tēnei māramatanga?

Tirohia anōtia ngā Kaupapa me ngā Pātai, “Marriage,” “Family,” Wharepukapuka Rongopai; David A. Bednar, “Marriage Is Essential to His Eternal Plan,” Ensign, Hune 2006, 83–84; “Renaissance of Marriage” (whitiāhua), Wharepukapuka Rongopai.

2:36

I te hīkaka ngā mema hou o te Hāhi i Ohaio kia whiwhi i ngā whakakitenga ā-wairua kua whakaaria mai nei i ngā karaipiture. Heoi, ko tā Hātana, he hīkaka tōna ki te tinihanga i a rātou. Mehemea kua tonoa koe ki te āwhina i ēnei mema kia mārama ai me pēhea i mōhio ki ngā whakakitenga tūturu o te Wairua Tapu, he aha ngā tikanga i Whakaakoranga me ngā Kawenata 50 e tohaina atu ai e koe (tirohia rawatia whiti 22-25, 29–34, 40–46). Me pēhea te Kaiwhakaora i āwhina ai i a koe kia mōhio ai te rerekē o te pono i te hē?

Tirohia anōtia 1 Korinihi 14:1–28; 2 Timoti 3:13–17.

Mā te whai i te rongopai a Ihu Karaiti e puare ake ngā huarahi maha hei kaiako, ā, hei ākonga hoki, i te kāinga, i te Hāhi hoki. Ko tētahi huarahi hei rangahau i Whakaakoranga me ngā Kawenata 50:13–24, arā, ko te tā pikitia mō tētahi kaiako me tētahi ākonga. I te taha o tēnā me tēnā, meatia tētahi rārangi o ngā kupu me ngā rerenga e whakaako ana i a koe e pā ana ki tētahi āhuatanga o te ako me te whakaako i te rongopai. He aha ētahi wā kua pā mai ētahi āhuatanga nāna nei koe i ako e pā ana ki te hiranga o te Wairua i roto i te whakaako me te ako? Me whakaaro ake ki tāu e taea ai hei whakapai ake i āu mahi hei ākonga, ā, hei kaiako o te rongopai.

I a koe e whakaaroarohia ana ngā kupu a te Atua i Whakaakoranga me ngā Kawenata 50:23–25, me whakaaro ki tāu whakawhiwhi i te māramatanga a te Atua i tō oranga me tō “pei atu i te pōuritanga” ki tua. Hei tauira, me pēhea ēnei whiti e ārahi nei i ō kōwhiringa e pā ana ki tō whakapau wā? he aha hoki ngā mea ngahau, ngā ngahau ā-ipurangi e rapua ana? he aha ngā kōrero e tika ana kia whai wāhi atu? He aha atu ētahi kōwhiringa e āwhinatia ai koe e ēnei whiti? Ka hua ake he whakaaro anō i tētahi hīmene pērā i “The Lord Is My Light” (Hymns, no. 89)

Tirohia anōtia “Walk in God’s light” i For the Strength of Youth: A Guide for Making Choices, 16–21.

• Hei whakaako i ō tamariki e pā ana ki ngā tikanga i ēnei whiti, māu e whakarite i ngā pepa tapuae e whā me nga pikitia e whā hei tohu mō te whakapono i a Ihu Karaiti, rīpenetātanga, rumakitanga, me te whakawhiwhi ki te Wairua Tapu (tirohia ngā pikitia i tā tēnei wiki whārangi mahi). Mā ō tamariki ngā tapuae e whakatakoto iho ki runga i te papa me ngā pikitia i te taha. Kātahi ka taea e tēnā, e tēnā te hīkoi i runga i ngā tapuae i a koe e pānui ana i Whakaakoranga me ngā Kawenata 49:12–14. Āwhina i a rātou kia mārama ai, nā, ina mahi tātou i ngā mea i ēnei pikitia, kei te whai tātou i a Ihu Karaiti.

• Kātahi ka taea e koe te tono i ō tamariki ki te whakataurite i te Whakaakoranga me ngā Kawenata 49:12–14 ki Ngā Mahi 2:38 me te tikanga whakapono tuawhā. He aha ngā tauritetanga e kitea nei e koe? He aha e whakahirahira ana ēnei mea pono ki a tātou?

• Hei huataki i ēnei whiti, māu e whakamārama he rōpu whakapono ngā Kaiharuru i whakapono ai me kaua te tangata e mārena (tirohia te kōwae wāhanga ki Whakaakoranga me ngā Kawenata 49). Tonoa ō tamariki kia rapua ngā mea i whakaakona ai e te Ariki e pā ana ki te mārenatanga i Whakaakoranga me ngā Kawenata 49:15–17. He aha te tikanga o te kōrero kua “whakamanaia te mārenatanga e te Ariki”? Me pānui tahi koutou i ngā whiti tōmua e toru o “Te Whānau: He Whakapuakitanga ki te Ao.” Kātahi ka kōrero e pā ana ki te take e hihira ai te mārena me te whānau ki te Matua i te Rangi.

• Hei huataki i te Whakaakoranga me ngā Kawenata 50: 23– 25, kōrerohia ki ō tamariki e pā ana ki te rerekē o te māramatanga i te pōuritanga. He aha te take e hirahira ai te māramatanga ki a tātou? Me pānui tahi te whiti tuatahi o “Walk in God’s light” i For the Strength of Youth: A Guide for Making Choices (whārangi 17) me te Whakaakoranga me ngā Kawenata 50:23–25. Me kōrero mō ngā āhuatanga e whiwhi mai tātou i te māramatanga o te Atua me ngā huarahi e taea ai te pei atu i te pōuritanga. Me waiata tahi anō i tētahi waiata e pā ana ki tō rātou māramatanga ā-wairua, pērā i “Shine On” (Children’s Songbook, 144).

• Whai muri iho i tō pānui tahi i Whakaakoranga me ngā Kawenata 50:40-46, māu te pikitia o te Kaiwhakaora i te pito whakamutunga o tēnei whakatakotoranga e hura me te uiui i ngā pātai pēnei: He aha ngā whakaaro o te hēpara mō ana hipi? He aha te ōritetanga o te Kaiwhakaora ki a tātou?