Doktrin na ol Kavanen 41–44

Long stat bilong 1831, ol Seints i bung long Ohio. Ol i bin gat strongpela laik long kisim lo God i promisim long autim long hap (lukim Doktrin na ol Kavanen 38:32). Tasol pastaim, Em i tisim ol hau ol disaipel bilong Em i mas redi long kisim lo bilong Em. Wanem ol prinsipel yu painim long Doktrin na ol Kavanen 41:1–6 we bai helpim ol Seint long kisim lo bilong God? Hau ol dispela prinsipel i helpim yu kisim ol instraksen long Em?

Lukim tu “A Bishop unto the Church,” long Revelations in Context, 77–83.

Ol Seint i tingting long dispela revelesen i stap long Doktrin na ol Kavanen 42:1–72 olsem wanpela i impoten moa em Profet i bin kisim. Em bin wanpela namba wan revelesen ol i bin pablisim. Long planti yias, Ol Seints i bin kolim olsem “dispela lo.” Taim dispela seksen i no gat olgeta lo bilong Bikpela, em i gutpela long tingting long wai dispela ol prinsipel i bin impoten long dispela nupela Sios i kam bek. Wai na ol i impoten long yumi tede?

Bikos seksen 42 i longpela liklik, yu bai tingting long stadim long ol liklik hap, olsem dispela. Luksave long ol prinsipel ol i tisim long wanwan, na tingting hau dispela ol lo i sain olsem Bikpela i lavim ol pipol bilong Em.

• Veses 4–9, 11–17, 56–58

• Veses 18–29

• Veses 30–31

• Veses 40–42

• Veses 43–52

Wai na God i givim yumi ol lo na ol komanmen? Long wanem wei yu bin gat blesing taim yu save na bihainim ol komanmen?

Olsem pat bilong dispela lo i stap long seksen 42, Bikpela i tisim ol Seint bilong Em hau ol i ken, olsem ol lain bihainim Krais bipo tru, gat “olgeta samting i wankain” (Acts 2:44; 4 Nifai 1:3), wantaim “nogat tarangu namel long ol” (Moses 7:18). Wanem yu lainim long Doktrin na ol Kavanen 42:30–42 long hau Seivia i bin stap na bihainim lo bilong konsekresen? (Konsekresen i min long putim long sait wanpela samting bilong sampela wok i holi.)

Maski yumi nogat “olgeta samting i wankain” tede, insait long ol temple ol Las-de Seint i kavanen long stap bihainim dispela lo bilong konsekresen. Hau yu ken konsekretim wanem God i givim yu long blesim ol pipol i gat nid? Ating singim wanpela singsing olsem “Because I Have Been Given Much” (Hymns, no. 219) i ken givim yu sampela aidia.

Lukim tu Sharon Eubank, “I Pray He’ll Use Us,” Liahona, Nov. 2021, 53–56; “The Law,” long Revelations in Context, 93–95.

Tingim sapos yu toktok wantaim wanpela nupela memba husat bel bilong em i kirap nogut long save olsem revelesen i save gaidim Sios. Hau bai yu yusim Doktrin na ol Kavanen 43:1–16 long helpim em lainim long paten bilong Bikpela long gaidim Sios bilong Em thru long profet bilong Em? Hau bai yu yusim Doktrin na ol Kavanen 42:61, 65–68 long tisim hau long kisim revelesen bilong wanwan?

Wanem ol sampela “samting bilong bel isi” na amamas yu kisim long Bikpela thru long Spirit bilong Em?

Long lainim hau ol lida bilong Sios i harim nek bilong Bikpela, yu ken lukim wanpela vidio long “Hear Him” koleksen long Gospel Library. Tingting long mekim wanpela vidio bilong yu yet, long tok klia hau Bikpela i save toktok long yu.

Lukim tu Russell M. Nelson, “Revelation for the Church, Revelation for Our Lives,” Liahona, Mei 2018, 93–96; “All Things Must Be Done in Order,” long Revelations in Context, 50–53.

• Long helpim ol pikinini bilong yu save em i min wanem long kamap disaipel bilong Jisas Krais, yu ken raitim Doktrin na ol Kavanen 41:5 long hap pepa, lusim spes we dispela wod disaipel bai stap. Ol bai lukluk long ves 5 long painim mising wod. Long dispela ves, em i min wanem long kamap disaipel bilong Jisas Krais? Hau yumi traim long kamap ol gutpela disaipel bilong Krais?

• Ol pikinini bilong yu bai amamas long pilai wanpela gem we ol bai harim gut na bihainim ol instraksen. Yu ken yusim dispela gem long toktok long wanem em i min long “putim iau, harim na bihainim tok” bilong Bikpela (Doktrin na ol Kavanen 42:2). Wanem ol instraksen em i givim long yumi Hau yumi bai kisim blesing taim yumi bihainim ol lo na komanmen bilong Em?

• Yu bai pinisim ektiviti peij bilong dispela wik wantaim ol pikinini. Yu ken tu singim wanpela song long bihainim ol lo bilong God olsem “I Want to Live the Gospel” (Children’s Songbook, 148). Tingting long serim wantaim wanpela narapela hau taim yu bihainim lo bilong God i bringim amamas long yu.

  

• Bihain long ridim wantaim Doktrin na ol Kavanen 42:38, helpim ol pikinini bilong yu tingim ol wei ol i ken sevim Jisas taim ol i sevim ol narapela. Ol i ken painim ol aidia long dispela vidio “Pass It On” (ChurchofJesusChrist.org). Ol i ken lukluk tu long ol piksa bilong Seivia i helpim ol narapela, hilim ol sik, o i mekim gutpela pasin long ol pikinini (lukim Gospel Art Book, nos. 42, 47).

  

  2:18

  

• Yu bai soim ol pikinini bilong yu wanpela Taiting na ol Narapela Ofaring slip na toktok long hau long yusim dispela long blesim laip bilong ol narapela (lukim tu “Tithing and Donations Online”).

• Invaitim ol pikinini long tingim olsem wanpela i sanap long testimoni miting na tokim wod olsem em i kisim revelesen bilong olgeta Sios (eksampel, wanpela revelesen olsem yumi noken kaikai kerot o olsem yumi mas wasim han wantaim milk na i no wara.) Em i tok yumi i mas harim wanem em i tok na i no profet. Wanem i rong wantaim dispela? Yu ken stadim Doktrin na ol Kavanen 43:1–7 wantaim na painim aut hau Bikpela i save givim komanmen long Sios bilong Em

• Yu ken tu soim wanpela piksa bilong profet i stap laip na invaitim ol pikinini bilong yu long serim samting em i tisim i no long taim i go. Sapos ol i nidim helpim, serim wanpela vidio klip o hap tok i kam long wanpela konferens toktok. Wai na em i wanpela blesing long gat wanpela profet i stap laip tede?