Ol Nek bilong dispela Restoresen

Namel long planti ol Seint husat i bung long Ohio long yia 1830s em Phebe Carter. Em bin joinim Sios long not isten United States taim em i stap namel long ol 20 yias , maski ol papamama bilong em i no bin joinim. Bihain em i raitim disisen bilong em long muv i go long Ohio long bung wantaim ol Seints:

“Ol poro bilong mi i kirap nogut long rot mi laik kisim, olsem mi mekim, tasol samting insait long mi i strongim mi. Sore bilong mama bilong mi long mi lusim haus em mi hat long karim, na sapos mi nogat dispela spirit insait long mi bai pundaun. Mama bilong mi tokim mi em bai lukim mi planim insait long graun na maski long mi go mi yet long wol i no gutpela.

“‘[Phebe],’ em i tok strong, ‘bai yu kam bek long mi sapos yu painim Momonism i no tru?’

“Mi bekim, ‘yes, mama; Mi bai kam bek.’ … Bekim bilong mi i mekim isi wari bilong em, tasol i hat tumas long mitupela i lusim wanpela narapela. Taim bilong mi long lusim ples i kamap mi no trastim mi yet long tok gutbai, olsem na mi raitim gutbai bilong mi long wanwan long ol, na lusim antap long tebol, ron go daun na kalap long keridj. Em nau mi bin lusim haus bilong mi taim mi liklik pikinini i go long taim bilong mi wantaim ol seint bilong God.”

Long wanpela ol dispela gutbai toksave , Phebe i bin raitim:

“Ol Papamama mi laikim tumas—Mi bai klostu lusim ples long liklik taim … Mi no save hau long—tasol mi gat planti gutpela piling bilong tenkyu mi kisim long taim mi liklik i kam inap nau—tasol i luk olsem Bikpela nau i senisim rot bilong mi. Yumi komitim olgeta dispela samting i go long han bilong Bikpela na tenkyu olsem yumi gat gutpela sindaun i kam inap nau, bilip olsem olgeta samting bai wok gut long gutpela bilong yumi sapos yumi lavim God bikpela tru. Yumi luksave olsem yumi ken pre long wanpela God husat bai harim trupela prea bilong olgeta samting em bin wokim na givim yumi dispela i gutpela moa bilong yumi. …

“Mama, Mi bilip em i laik bilong God long mi go long wes na Mi pilim strong olsem dispela em i olsem long taim tru. Nau dispela wei i op … ; Mi bilip em i spirit bilong Bikpela i mekim dispela we inap long olgeta samting. O noken wari long pikinini bilong yu, Bikpela bai kamfotim mi. Mi bilip olsem Bikpela bai lukautim mi na givim mi wanem i gutpela bilong mi. … Mi go bikos Masta bilong mi i singaut—em i mekim wok bilong mi i klia.”