Ol Nek bilong Restoresen

Taim Abigail Calkins Leonard i bin stap long namel long 30 yias krismas, em i bin laik long kisim pogivnes long ol sin bilong em. Wanwan taim em bin save ridim Baibel, na ol manmeri bilong ol Kristien Sios i save visitim haus bilong em, tasol em bin paul long wanem samting i narakain long narapela sios. “Wanpela moning,” em i tok, “Mi kisim Baibel bilong mi na go insait long ol diwai, taim mi pundaun long skru bilong mi.” Em i beten strong tru long Bikpela. “Hariap tru wanpela visen i kam long ai bilong mi,” em i tok, “na ol narapela kain grup i pas bai wanpela bihainim narapela long mi na wanpela nek i singaut long mi, i tok: ‘Ol dispela i stap long kisim gutpela samting.’ Bihain, long we tru, Mi lukim wanpela bikpela lait, na wanpela nek i kam antap i singaut: ‘Mi bai kamapim ol wanpela pipol, husat Mi bai amamas long mekim olsem bilong mi yet na blesim.’” I no long taim bihain, Abigail i harim long Buk Momon. Maski em no bin gat kopi yet, em i laik “save long toktru bilong dispela buk, long presen na pawa bilong Holi Gos,” na em i “hariap tru pilim presens bilong em.” Taim em i bin nap long ridim Buk Momon, em bin “redi long kisim.” Em na man bilong em, Lyman, i bin baptais long 1831.

Taim Thomas B. Marsh i bin yangpela man, em bin stadim Baibel na joinim wanpela Kristien Sios. Tasol em no bin amamas, na lusim olgeta sios. “Mi bin gat sampela tingting bilong spirit bilong profesi,” em i tok, “na tokim [wanpela lida bilong lotu] olsem mi gat tingting olsem wanpela nupela sios bai kirap, we bai gat toktru i kam klia tru.” I no long taim bihain, Thomas i gat wanpela promting i kam long spirit long lusim haus bilong em long Boston, Massachusetts, na i go long wes. Em i stap tripela mun long westen New York na ino painim samting em i painim, em i stat long go bek long haus. Long rot, wanpela meri askim em sapos em i harim long “dispela Golden Buk wanpela yangpela mangi nem bilong em Joseph Smith i painim.” Dispela tingting i pas long em, Thomas hariap tru i go long Palmyra na bungim Martin Harris long printing shop, taim namba wan ol 16 pes bilong dispela Buk Momon i wok long kam aut long pres. Thomas i bin gat tok orait long kisim ol kopi bilong dispela ol 16 pes, na em i karim go long haus long meri bilong em, Elizabeth. “Em i bin amamas tru” wantaim buk, em i tingim, “em i bilip dispela em i wok bilong God.” Thomas na Elizabeth bihain i bin muv igo long New York wantaim ol pikinini bilong ol na i bin baptais. (Long moa inpomesen long Thomas B. Marsh, lukimDoktrin na ol Kavanen 31.)

Olsem Thomas Marsh, Parley na Thankful Pratt i bekim ol dispela tingting i kirap i kam long spirit long lusim naispela fam bilong ol long Ohio wantaim laik bilong tokaut long gospel taim ol i klia gut long Baibel. Olsem Parley i tokim brata bilong em, “Dispela spirit bilong ol dispela samting i strong tumas long tingting bilong mi na mi no inap long malolo” Taim ol i kamap long isten New York, Parley i kisim strongpela tingting long stap liklik long dispela hap. Tupela i pasim tok olsem Thankful, bai go het em wanpela. “Mi gat wok long mekim long dispela hap bilong kauntri,” Parley i tokim em, “na em wanem samting, o hau long em bai teikim long mekim, Mi nogat save, tasol mi bai kam taim em i pinis.” Em long hap Parley bin harim long namba wan taim long Buk Momon. “Mi pilim wanpela kain interes long dispela buk,” em i tok. Em i askim long wanpela kopi na bai rid long nait. Long moning, em bin save pinis olsem dispela buk em i tru, i gat bikpela pe “moa long olgeta rits samting bilong dispela wol.” Insait long sampela de, Parley i bin baptais. Em i go bek long Thankful, husat tu i bin baptais. (Long moa inpomesen long Parley P. Pratt, lukim Doktrin na ol Kavanen 32.)

Long wokabaut bilong em i kam long New York i go long wanpela misin long Missouri, Parley Pratt na wanpela wokman bilong em i stop long Mentor, Ohio, long haus bilong Sidney na Phebe Rigdon—ol olpela prens Parley i save long ol long Ohio. Sidney i bin wanpela Kristien minista, na Parley i bin wanpela memba bilong kongrigesen bilong em na lukim em olsem wanpela spiritual lida. Parley i amamas na tokim ol prens long Buk Momon na dispela Restoresen bilong gospel bilong Jisas Krais. Sidney em yet i bin wok long painim trupela Sios em i painim insait long Nupela Testamen, maski em bin tingting planti long Buk Momon pastaim. “Tasol bai mi ridim buk bilong yu,” em i tokim poro bilong em Parley, “na bai mi traim long skelim sapos em i revelesen i kam long God o nogat.” Bihain long tupela wiks bilong stadi na beten, em na Phebe i bilip tru olsem dispela buk i tru. Tasol Sidney tu i save olsem joinim dispela Sios bai bikpela sakripais bilong famili bilong em. Em bai lusim wok bilong em olsem wanpela minista, na tu sanap bilong em insait long komuniti. Taim em na Phebe i diskasim dispela, Phebe i tokaut, “Mi kauntim prais, na … em i laik bilong mi long mekim laik bilong God, maski mi stap laip o mi dai.”