Doktrin na ol Kavanen 37–40

Ol memba bilong Sios long Fayette, New York, i bin mekim ol bikpela sakripais long muv i go long Ohio (moa long 250 mails) long winta bilong 1831. Taim yu ridim long komanmen bilong Bikpela long Doktrin na ol Kavanen 37:3-4, yu bai tingting long ol sakripais Bikpela i askim long yumi. Bihain, taim yu stadim Doktrin na ol Kavanen 38:1–33, painim ol toktru long Seivia we i givim yu feit long bihainim kaunsel bilong Em. Yu lainim wanem long ol dispela ves ves 11–33 long ol blesing bilong bung olsem ol lain i bihainim Jisas Krais?

Hau bai yu ken mekim Jisas Krais olsem “man bilong givim lo” long yumi? Hau na bihainim lo bilong Em bai mekim yu “wanpela fri manmeri”?

(Lukim tu 2 Nifai 2:26–27.

Taim yu ekspiriensim dispela prinsipel Bikpela i soim aut long Doktrin na ol Kavanen 38:30: “Sapos yu redi yu bai no inap pret”? Taim yu stadim seksen 38, luksave long hau Bikpela i redim ol Seints bilong Em bai ol i ken pesim bihain taim wantaim strong. Hau Em i laikim yu long redi long ol salens so bai yu noken pret.

Lukim tu David A. Bednar, “We Will Prove Them Herewith,” Liahona, Nov. 2020, 8–11.

Ol Seints husat i bin bung long Ohio i bin kam long sampela kain sindaun. Dispela em i wankain tu long ol lain pipol long wod bilong yu. Tasol Bikpela i tok strong long ol pipol long “kamap wan” (ves 27). Hau bai yumi kisim dispela kain yuniti? Wanem ol tingting i kam long yu taim yu ridim Doktrin na ol Kavanen 38 24–27? Wai yumi nid long kamap yunait long kamap ol pipol bilong God?

Ridim ol dispela ves bai givim yu gutpela tingting long ol sindaun bilong yu—eksampel, wantaim ol famili memba, wod memba, na ol kwarum o klas memba. Wanem samting bai stopim yu long kamap yunait insait long Krais? Hau bai Seivia i helpim yu kamap wan”? Dispela ol vidio “A Friend to All” o “Love in Our Hearts” (Gospel Library) i ken helpim yu painim ansa bilong ol dispela kwesten. Yu bai tu painim ol tingting long toktok bilong Elda Dale G. Renlund“The Peace of Christ Abolishes Enmity,” Liahona, Nov. 2021, 83–85.

4:1

3:14

Hau bai yu helpim ol dispela grup kamap moa yunait? Eksampel, tingting long salim o teksim wanpela gutpela toktok long ol memba bilong kwarum, klas, o famili. Yu kisim gutpela tingting long putim han i go aut long husat?

Wanem i givim yu gutpela tingting long eksampel bilong Seivia long Ephesians 2:14, 18–22; 2 Nifai 26:24–28?

Lukim tu Quentin L. Cook, “Hearts Knit in Righteousness and Unity,” Liahona, Nov. 2020, 18–21; “Love One Another,” Hymns, no. 308; Ol Topics na Kwesten, “Belonging in the Church of Jesus Christ,” Gospel Library.

Long tingting bilong yu, wanem i narakain namel long “ol rits samting bilong ples graun” na “ol rits samting bilong laip oltaim oltaim”? (Doktrin na ol Kavanen 38:39). Wanem ol ekspiriens i tisim yu long holim pas long ol rits samting bilong laip oltaim oltaim?

Putim dispela long tingting taim yu ridim long James Covel long seksen 39–40 (wantaim tu ol bekgraun bilong histori long ol seksen heding). Skelim hau dispela ekspiriens bai ken aplai long yu? Eksampel, tingim ol taim “bel … bilong yu stap stret long ai bilong [God]” (Doktrin na ol Kavanen 40:1). Hau yu kisim blesing long dispela feitfulnes bilong yu? Tingting tu long ol “samting bilong dispela wol” yu pesim. Hau bai ol i stopim yu long kisim wok bilong God “wantaim amamas”? (Doktrin na ol Kavanen 39:9; 40:2). Yu painim wanem long ol dispela seksen i givim yu gutpela tingting bai yu bihainim gut tok bilong God?

(Lukim tu Matthew 13:3–23.

• Dispela map na dispela ektiviti peij long arere bilong dispela autlain i ken helpim ol pikinini bilong yu klia gut wanem God i tok strong long en long Doktrin na ol Kavanen 37:3. Ating yu ken helpim ol painim ol dispela ples i stap long ol dispela revelesen. Yu ken tu helpim ol painim wanpela hap tok i kam long Doktrin na ol Kavanen 38:31–33 we i tok klia long wai God i laikim ol pipol bilong Em long bung wantaim.

• Taim yu ridim Doktrin na ol Kavanen 38:24-25 wantaim ol pikinini, toktok long wanem em i min long rispektim brata o susa bilong yu (lukim tu Matthew 7:12). Helpim ol long ripitim dispela skripsa, riplesim “brata bilong em” wantaim nem bilong ol wanwan.

• Long tisim ol pikinini bilong yu wanem em i min long “kamap wan” (Doktrin na ol Kavanen 38:27), yu ken helpim ol drowim wanpela bikpela namba 1 na dekoretim wantaim ol nem na ol drowing o piksa bilong wanwan man long famili o klas bilong yu. Klostu long dispela 1, yu ken raitim ol samting yu bai mekim long kamap moa yunaitet.

• Tingting long serim wanpela samting long leson i soim hau ol samting i ken miks o yunait long kamap wan, olsem ol hap laplap i ken mekim wanpela kwilt o ingridien long mekim wanpela bret. Ol dispela eksampel i tisim yumi wanem long kamap wan olsem pipol bilong God?

• Taim yu ridim wantaim Doktrin na ol Kavanen 38:30, yu na ol pikinini bilong yu i ken toktok long sampela ekspiriens i kamap i no long taim i go we i nidim taim bilong redi. Bihain yu ken askim ol pikinini long ol samting Papa long Heven i laikim yumi long redi long ol. Serim wantaim ol pikinini bilong yu wanpela ekspiriens we pasin bilong redi i helpim yu na yu no pret. Yu ken tu watsim vidio wantaim “Men’s Hearts Shall Fail Them” (Gospel Library).

• Tingting long serim piksa bilong wanpela i kisim konpemesen. Askim ol pikinini bilong yu long tok klia wanem i kamap long piksa. Yu ken tu invaitim ol long point long piksa taim ol i harim ol dispela wod Holi Gos long Doktrin na ol Kavanen 39:6, 23 (o long wanpela singsing olsem “The Holy Ghost,” Children’s Songbook, 105). Serim wantaim wanpela narapela hau presen bilong Holi Gos i blesim yu.