సిద్ధాంతము మరియు నిబంధనలు 37–40

న్యూయార్క్‌లోని ఫేయెట్‌లోనున్న సంఘ సభ్యులు 1831 శీతాకాలంలో ఒహైయోకు (250 మైళ్ళ కంటే ఎక్కువ దూరం) వెళ్ళేందుకు కష్టమైన త్యాగాలు చేయాల్సి వచ్చింది. మీరు సిద్ధాంతము మరియు నిబంధనలు 37:3–4లో ప్రభువు యొక్క ఆజ్ఞ గురించి చదువుతున్నప్పుడు, ప్రభువు మీ నుండి అడిగిన త్యాగాల గురించి ఆలోచించండి. తర్వాత, మీరు సిద్ధాంతము మరియు నిబంధనలు 38:1–33 చదువుతున్నప్పుడు, రక్షకుని గురించిన సత్యాల కోసం చూడండి, అది ఆయన సలహాను అనుసరించడానికి మీకు విశ్వాసాన్ని ఇస్తుంది. యేసు క్రీస్తు యొక్క అనుచరులుగా సమకూడిక యొక్క దీవెనల గురించి 11–33 వచనాల నుండి మీరేమి నేర్చుకుంటారు?

యేసు క్రీస్తును మీ “శాసనకర్తగా” మీరెలా చేయగలరు? ఆయన చట్టాలను అనుసరించడం మిమ్మల్ని “స్వేచ్ఛ కలిగిన జనముగా” ఎలా చేస్తుంది?

2 నీఫై 2:26–27 కూడా చూడండి.

“మీరు సిద్ధపడియుండిన యెడల మీరు భయపడనవసరము లేదు” అని సిద్ధాంతము మరియు నిబంధనలు 38:30లో ప్రభువు బయల్పరచిన సూత్రాన్ని మీరెప్పుడు అనుభూతి చెందారు? 38వ ప్రకరణమును మీరు చదివినప్పుడు, వారు భవిష్యత్తును ధైర్యంగా ఎదుర్కోగలిగేలా ప్రభువు తన పరిశుద్ధులను ఎలా సిద్ధం చేస్తారో గమనించండి. మీరు భయపడాల్సిన అవసరం లేకుండా సవాళ్ళ కొరకు మీరు ఎలా సిద్ధం కావాలని ఆయన కోరుకుంటున్నారు?

డేవిడ్ ఎ. బెడ్నార్, “మనము దీనితో వారిని నిరూపిద్దాం,” లియహోనా, నవ. 2020, 8–11 చూడండి.

ఒహైయోలో సమకూడిన పరిశుద్ధులు విభిన్న పరిస్థితుల నుండి వచ్చారు. మీ వార్డులోని జనుల విషయంలో అదే నిజము. కానీ “ఒక్కటిగా ఉండాలని” దేవుడు తన జనులను ఆజ్ఞాపించారు (27వ వచనము). ఈ విధమైన ఐక్యతను మనం ఎలా సాధించగలం? మీరు సిద్ధాంతము మరియు నిబంధనలు 38: 24–27 చదువుతున్నప్పుడు, మనస్సులోకి ఏ ఆలోచనలు వస్తాయి? దేవుని జనులుగా ఉండాలంటే మనం ఎందుకు ఐక్యంగా ఉండాలి?

ఈ వచనాలను చదవడం మీ సంబంధాల గురించి ఆలోచించడానికి కూడా మిమ్మల్ని ప్రేరేపించవచ్చు—ఉదాహరణకు, కుటుంబ సభ్యులు, వార్డు సభ్యులు మరియు సమూహము లేదా తరగతి సభ్యులతో. క్రీస్తులో ఐక్యంగా ఉండకుండా మిమ్మల్ని ఏది అడ్డుకుంటుంది? “ఒక్కటిగా ఉండడానికి” రక్షకుడు మీకు ఎలా సహాయపడగలరు? ఎల్డర్ డేల్ జి. రెన్‌లండ్ గారి సందేశము క్రీస్తు యొక్క శాంతి శత్రుత్వాన్ని నిర్మూలించును,” లియహోనా, నవ. 2021, 83–85లో కూడా మీరు ఉపాయాలను కనుగొనవచ్చు.

4:1

3:14

ఈ సమూహాలు మరింత ఏకీకృతం కావడానికి మీరు ఎలా సహాయపడగలరు? ఉదాహరణకు, మీ సమూహము, తరగతి లేదా కుటుంబ సభ్యులకు ఒక రకమైన గమనిక లేదా సందేశం పంపడాన్ని పరిగణించండి. మీరు ఎవరిని చేరుకోవడానికి ప్రేరణ పొందారు?

ఎఫెసీయులకు 2:14, 18–22; 2 నీఫై 26:24–28లో రక్షకుని మాదిరి గురించి మీకు ఏది స్ఫూర్తినిస్తుంది?

క్వింటిన్ ఎల్. కుక్, “నీతియందును, ఐక్యతయందును హృదయములు ముడివేయబడెను,” లియహోనా, నవ. 2020, 18–21 కూడా చూడండి.

మీ అభిప్రాయం ప్రకారం, “భూలోక సంపదలు” మరియు “నిత్యత్వపు ధనము” మధ్య తేడా ఏమిటి? (సిద్ధాంతము మరియు నిబంధనలు 38:39). నిత్యత్వపు ధనాన్ని విలువైనదిగా గుర్తించడాన్ని ఏ అనుభవాలు మీకు నేర్పించాయి?

మీరు 39–40 ప్రకరణములలో జేమ్స్ కోవెల్ గురించి చదువుతున్నప్పుడు దీన్ని గుర్తుంచుకోండి (ప్రకరణ శీర్షికలలోని చారిత్రక నేపథ్యంతో సహా). అతని అనుభవము మీకెలా అన్వయించబడగలదో ఆలోచించండి. ఉదాహరణకు, మీ “హృదయము (దేవుని) యెదుట యధార్థముగా ఉన్న” (సిద్ధాంతము మరియు నిబంధనలు 40:1) సమయాల గురించి ఆలోచించండి. మీ విశ్వసనీయతను బట్టి మీరెలా దీవించబడ్డారు? అలాగే మీరు ఎదుర్కొనే “ఐహిక విచారాల” గురించి ఆలోచించండి. దేవుని వాక్యాన్ని “సంతోషంగా” అందుకోకుండా అవి మిమ్మల్ని ఎలా అడ్డుకోవచ్చు? (సిద్ధాంతము మరియు నిబంధనలు 39:9; 40:2). మరింత నిలకడగా దేవునికి విధేయులైయుండడానికి మిమ్మల్ని ప్రేరేపించేలా దేనిని మీరు ఈ ప్రకరణాలలో కనుగొంటారు?

మత్తయి 13:3–23 కూడా చూడండి.

• ఈ నమూనా చివరన ఉన్న పటము మరియు ప్రోత్సాహ కార్యక్రమ పేజీ మీ పిల్లలకు సిద్ధాంతము మరియు నిబంధనలు 37:3లో దేవుడు ఆజ్ఞాపించిన దానిని అర్థం చేసుకోవడానికి సహాయపడగలవు. బహుశా ఈ బయల్పాటులలో పేర్కొన్న స్థలాలను కనుగొనడంలో మీరు వారికి సహాయపడవచ్చు. తన జనులు ఒకచోట సమకూడాలని దేవుడు ఎందుకు కోరుకుంటున్నారో వివరించే సిద్ధాంతము మరియు నిబంధనలు 38:31–33 నుండి ఒక వాక్యభాగాన్ని కనుగొనడంలో కూడా మీరు వారికి సహాయపడవచ్చు.

2:55

• మీరు సిద్ధాంతము మరియు నిబంధనలు 38: 24–25ను మీ పిల్లలతో కలిసి చదువుతున్నప్పుడు, మీ సోదరుడు లేదా సోదరిని మీలాగే గౌరవించడం అంటే ఏమిటో మాట్లాడండి (మత్తయి 7:12 చూడండి). “అతని సోదరుడు” స్థానంలో ఒక్కొక్కరి పేర్లతో లేఖనాన్ని పునరావృతం చేయడంలో వారికి సహాయపడండి.

• మీ పిల్లలకు “ఒక్కటిగా ఉండడం” (సిద్ధాంతము మరియు నిబంధనలు 38:27) అంటే ఏమిటో బోధించడానికి, మీరు సంఖ్య 1 ని పెద్దదిగా గీయడానికి మరియు మీ కుటుంబం లేదా తరగతిలోని ప్రతీ వ్యక్తి యొక్క పేర్లు మరియు రేఖాచిత్రా‌లు లేదా చిత్రాలతో దానిని అలంకరించడానికి వారికి సహాయపడవచ్చు. 1 ప్రక్కన, మరింత ఐక్యంగా ఉండడానికి మీరు చేసే పనులను వ్రాయవచ్చు.

• ఒక మెత్తని బొంతను తయారు చేసే గుడ్డ ముక్కలు లేదా ఒక రొట్టెని తయారు చేసే పదార్థాలు వంటి వస్తువులను ఎలా కలపవచ్చు లేదా ఏకం చేయవచ్చు అనే విషయాన్ని వివరించే వస్తుపాఠాన్ని పంచుకోవడాన్ని పరిగణించండి. దేవుని జనులుగా ఒకటిగా మారడం గురించి ఈ ఉదాహరణలు మనకు ఏమి బోధిస్తాయి?

• మీరు సిద్ధాంతము మరియు నిబంధనలు 38:30ని కలిసి చదువుతున్నప్పుడు, సిద్ధపాటు అవసరమైన ఇటీవలి అనుభవాల గురించి మీరు మరియు మీ పిల్లలు మాట్లాడవచ్చు. తర్వాత, మనం సిద్ధపడాలని పరలోక తండ్రి కోరుకుంటున్న విషయాల గురించి మీరు మీ పిల్లలను అడగవచ్చు. మీరు సిద్ధపడియుండడం మీరు భయపడకుండా ఉండేందుకు మీకు సహాయపడిన అనుభవాన్ని మీ పిల్లలతో పంచుకోండి.

• నిర్ధారించబడిన వ్యక్తి యొక్క చిత్రాన్ని చూపించడాన్ని పరిగణించండి. చిత్రంలో ఏమి జరుగుతుందో వివరించమని మీ పిల్లలను అడగండి. సిద్ధాంతము మరియు నిబంధనలు 39:6, 23లో పరిశుద్ధాత్మ అనే పదాన్ని వారు వినినప్పుడల్లా చిత్రం వైపు చూపమని కూడా మీరు వారిని ఆహ్వానించవచ్చు. పరిశుద్ధాత్మ వరం మిమ్మల్ని ఎలా దీవించిందో ఒకరితో ఒకరు పంచుకోండి.