Easter

Peb coob leej tsis tau pom Yexus Khetos li tus Yaj Saub Joseph Smith tau pom. Tiam sis peb muaj peev xwm paub, zoo li nws, hais tias tus Cawm Seej muaj txoj sia nyob, Nws paub txog tej yam uas peb tau ua zoo thiab tej yam uas nyuaj rau peb ua, thiab Nws yuav pab peb thaum peb raug kev txom nyem. Xav txog koj zaj lus tim khawv txog tus Khetos uas muaj txoj sia nyob thaum koj xav txog tej lus nug hauv qab thiab kawm tej yam uas tau muab kom pab tau koj.

• Yexus Khetos yog leej twg? Vim li cas peb hawm Nws? (saib “Tus Khetos uas Muaj txoj Sia Nyob: Cov Thwj Tim tej Lus Tim Khawv”).

• Tus Vaj Ntsuj Plig Dawb Huv qhia dab tsi rau kuv txog tej yam uas muaj los rau Joseph Smith thiab lwm tus uas pom tus Cawm Seej? Lawv tej zaj lus tim khawv ua li cas rau kuv kom kuv zaj lus tim khawv muaj zog thiab? (saib Lus Qhuab Qhia thiab Kev Khi Lus 76:11–14, 20–24; 110:1–10; Joseph Smith—Keeb Kwm:17).

• Kuv kawm dab tsi txog tus Cawm Seej ntiag tug hauj lwm thiab Nws txoj kev los saum ntuj los los ntawm Nws cov lus? (saib Lus Qhuab Qhia thiab Kev Khi Lus 29:5; 38:7).

• Tus Cawm Seej pab kuv hnub no li cas? (saib Yaxayas 53:3–5; Henplais 2:17–18; Mauxiyas 3:7; Amas 7:11–13; 36:3; Ethaws 12:27; Mauxes 5:10–12).

Nyob hauv zaj vidi-aus “My Spiritual Goal,” ib tug ntxhais hluas txiav txim siab cim ntsoov “Tus Khetos uas Muaj txoj Sia Nyob” (Txoj Moo Zoo cov Ntawv). Koj txais kev tshoov siab twg los ntawm nws zaj lus? Koj xav ua dab tsi kom txais qhov tseeb hauv “Tus Khetos uas Muaj txoj Sia Nyob” hauv koj lub siab lub ntsws?

2:5

Yog koj xav kawm ntxiv txog tus Cawm Seej txoj kev foom koob hmoov rau peb txhua hnub, kawm, mloog, los sis hu “Kuv Paub Yexus Tseem Muaj txoj Sia” (Cov Nkauj Qhuas Vajtswv, zaj 53). Tej zaum yuav tshoov koj lub siab yog koj nrhiav tej lus tseeb hauv zaj nkauj qhuas Vajtswv no uas kuj muaj nyob hauv Lus Qhuab Qhia thiab Kev Khi Lus 6:34; 84:77; 98:18; 138:23.

Kuj saib Tej lub Ntsiab Lus thiab tej Lus Nug, “Yexus Khetos,” Txoj Moo Zoo cov Ntawv.

Joseph Smith paub kev tu siab thaum cov uas nws hlub tso lub ntiaj teb no tseg, tsis hais nws txiv thiab nws ob tug kwv tij los yog. Joseph thiab Emma tau muab rau tus me nyuam faus, txhua tus tsis tau muaj ob xyoos. Los ntawm tej kev tshwm sim uas Vajtswv pub, Joseph tau txais lub zeem muag pom mus ib txhis

Nrhiav tej yam tseeb txog kev tuag thiab Vajtswv txoj hau kev mus ib txhis nyob hauv Lus Qhuab Qhia thiab Kev Khi Lus 29:26–27; 42:45–46; 63:49; 88:14–17, 27–31; 93:33–34. Tej yam tseeb no ua rau koj xav li cas txog kev tuag? Tej kev tshwm sim no ua rau koj ua neej li cas?

Kuj saib 1 Kauleethaus 15; Teachings of Presidents of the Church: Joseph Smith (2007), 174–76; Easter.ChurchofJesusChrist.org.

Ib txoj kev kom tsom ntsoov rau tus Cawm Seej hauv lub caij Easter yog kev kawm tej kev tshwm sim hauv phau Lus Qhuab Qhia thiab Kev Khi Lus uas qhia txog Nws txoj kev theej txhoj. Muaj ib txhia uas nrhiav tau nyob hauv Lus Qhuab Qhia thiab Kev Khi Lus 18:10–13; 19:16–19; 45:3–5; 76:69–70. Cia li xav seb puas sau ntawv txog tej yam tseeb uas koj nrhiav hauv tej nqe no. Yog xav kawm ntxiv, tej zaum koj yuav xav sau ntawv ntxiv thaum koj kawm Lukas 22:39–44; 1 Yauhas 1:7; 2 Nifais 2:6–9; Mauxiyas 3:5–13, 17–18; Maulaunais 10:32–33.

Nyob no los muaj tej lus nug uas tej zaum pab tau koj kawm:

• Yexus Khetos txoj Kev Theej Txhoj yog dab tsi?

• Vim li cas Yexus Khetos xaiv kom raug kev txom nyem thiab tuag rau peb?

• Kuv yuav tsum ua li cas kom txais tau cov koob hmoov los ntawm Nws txoj kev theej txhoj?

• Kuv xav li cas txog Yexus Khetos tom qab kuv nyeem tej nqe no?

Kuj saib Phau Qhia txog Vaj Lug Kub, “Kev Theej Txhoj,” Txoj Moo Zoo cov Ntawv; “The Savior Suffers in Gethsemane” (vidi-aus), Txoj Moo Zoo cov Ntawv.

8:48

• Xwv kom pab qhia koj cov me nyuam txog txoj kev sawv rov los, tej zaum koj yuav xav muab daim duab txog tus Cawm Seej txoj kev tuag thiab kev Sawv Rov Los rau lawv saib. Cia koj cov me nyuam qhia seb lawv paub dab tsi txog ob lub sij hawm no. Tej zaum nej kuj yuav xav hu ib zaj nkauj zoo li “Did Jesus Really Live Again?” (Children’s Songbook, 64).

• Xav txog ib zaj lus qhia uas siv ib yam khoom kom pab koj cov me nyuam to taub muaj dab tsi tshwm sim thaum peb tuag (peb tej ntsuj plig thiab tej lub cev sib ncaim) thiab thaum peb sawv rov los (peb tej ntsuj plig thiab tej lub cev rov qab koom ua ke, thiab peb tej cev zoo tag nrho thiab tsis txawj tuag). Piv txwv tias, yuav muaj li cas thaum peb tshem lub roj teeb ntawm teeb nyem los sis tshem cov kua mem ntawm tus cwj mem mus? Yuav muaj li cas thaum tej no rov qab koom ua ke? (Saib Amas 11:44–45.)

• Koj cov me nyuam puas paub ib tug neeg uas tas sim neej lawm? Cia lawv qhia me ntsis txog cov neeg no, ces cia li nyeem Lus Qhuab Qhia thiab Kev Khi Lus 138:17 ua ke. Sib tham ua ke txog qhov uas nej xav li cas vim nej paub tias cov uas nej hlub yuav sawv rov los thiab rov qab muaj ib lub cev.

• Yog koj muaj me nyuam hlob, koj kuj caw tau kom lawv nrhiav tej nqe uas hais txog lus ntsiab Easter ntawm tej nqe no: Lus Qhuab Qhia thiab Kev Khi Lus 63:49; 88:14–17, 27; 138:11, 14–17. Lawv ua tau zoo ib yam thaum saib zaj vidi-aus “Because He Lives” (Txoj Moo Zoo cov Ntawv). Peb yuav ua li cas kom qhia zaj lus no rau lwm tus?

• Tej zaum koj thiab koj cov me nyuam yuav xav nyeem txog peb zaug uas Yexus Khetos tshwm sim rau Joseph Smith thiab lwm tus, nyob hauv Joseph Smith—Keeb Kwm 1:14–17; Lus Qhuab Qhia thiab Kev Khi Lus 76:11–24; 110:1–10. Tej zaum koj cov me nyuam yuav xav saib daim duab txog tej xwm txheej no nyob hauv phab ntawv ntxim ua rau lub lim tiam no. Peb kawm dab tsi txog Yexus Khetos los ntawm tej zaj no? Vim li cas qhov uas peb paub tias Joseph Smith thiab lwm tus tau pom tus Cawm Seej uas sawv rov los yog ib txoj koob hmoov?

• Tej yam tseeb uas Joseph Smith kawm txog kev zam txim los ntawm Khetos yeej pab tau koj cov me nyuam cia siab tias lawv txais tau kev zam txim rau tej yam uas lawv ua yuam kev thiab ua txhaum. Xav seb koj puas caw koj cov me nyuam kos duab uas muaj tej lus zoo li no: Qhov uas tus Cawm Seej tau ua rau kuv thiab Qhov kuv yuav tsum ua kom txais Nws txoj kev zam txim. Pab koj cov me nyuam nrhiav tej lus uas haum tej ntsiab lus no nyob hauv tej nqe no: Lus Qhuab Qhia thiab Kev Khi Lus 18:10–13; 19:16–19; 45:3–5; 58:42–43. Ib leeg qhia ib leeg txog nej txoj kev xyiv fab thiab kev ris txiaj rau tej yam uas tus Cawm Seej ua rau peb.

• Tej zaum koj yuav xav saib zaj vidi-aus “The Shiny Bicycle” nrog koj cov me nyuam (Txoj Moo Zoo cov Ntawv) thiab ib leeg qhia ib leeg txog tej lub sij hawm nuas ej hnov tus Cawm Seej txoj kev zam txim thaum nej hloov siab lees txim.

3:4