ఈస్టర్

ప్రవక్త జోసెఫ్ స్మిత్ చూసినట్లుగా మనలో చాలామంది యేసు క్రీస్తును చూడలేదు. కానీ రక్షకుడు జీవించియున్నారని, మన విజయాలు మరియు పోరాటాలు ఆయనకు తెలుసునని మరియు అవసరమైన సమయాల్లో ఆయన మనకు సహాయం చేస్తారని ఆయన తెలుసుకున్నట్లుగా మనం తెలుసుకోవచ్చు. మీరు క్రింది ప్రశ్నలను ఆలోచిస్తూ, దానితో పాటు ఉన్న వనరులను అధ్యయనం చేస్తున్నప్పుడు జీవముతోనున్న క్రీస్తు గురించి మీ స్వంత సాక్ష్యాన్ని పరిగణించండి.

• యేసు క్రీస్తు ఎవరు? మనము ఆయనను ఎందుకు ఆరాధిస్తాము? (“జీవముతోనున్న క్రీస్తు: అపొస్తలుల యొక్క సాక్ష్యము” చూడండి).

• రక్షకుడిని చూసిన జోసెఫ్ స్మిత్ మరియు ఇతరుల అనుభవాల గురించి ఆత్మ నాకు ఏమి బోధిస్తుంది? వారి సాక్ష్యాలు నా సాక్ష్యాన్ని ఎలా బలపరుస్తాయి? (సిద్ధాంతము మరియు నిబంధనలు 76:11–14, 20–24; 110:1–10; జోసెఫ్ స్మిత్—చరిత్ర:17 చూడండి).

• రక్షకుని నియమితకార్యము మరియు దైవత్వం గురించి ఆయన స్వంత మాటల నుండి నేను ఏమి నేర్చుకుంటాను? (సిద్ధాంతము మరియు నిబంధనలు 29:5; 38:7 చూడండి).

• నేడు రక్షకుడు నాకెలా సహాయపడగలరు? (యెషయా 53:3–5; హెబ్రీయులకు 2:17–18; మోషైయ 3:7; ఆల్మా 7:11–13; 36:3; ఈథర్ 12:27; మోషే 5:10–12 చూడండి).

“జీవముతోనున్న క్రీస్తు” లోని సత్యాలను మీ హృదయంలో మరియు మనస్సులో స్వీకరించడానికి మీరు ఏమి చేయాలని ప్రేరేపించబడ్డారు?

2:5

ఈరోజు రక్షకుడు మనలను ఎలా దీవిస్తున్నారు అనే దాని గురించి మరింత తెలుసుకోవడానికి, మీరు ఒక కీర్తనను చదువుకోవచ్చు, వినవచ్చు లేదా పాడవచ్చు. సిద్ధాంతము మరియు నిబంధనలు 6:34; 84:77; 98:18; 138:23లో కూడా బోధించబడిన సత్యాల కోసం ఈ కీర్తనలో వెదకడం స్ఫూర్తిదాయకంగా ఉంటుంది.

అతని తండ్రి మరియు ఇద్దరు సోదరులతో సహా ప్రియమైన వారు మరణించినప్పుడు దుఃఖించడం ఎలా ఉంటుందో జోసెఫ్ స్మిత్‌కు తెలుసు. జోసెఫ్ మరియు ఎమ్మా ఆరుగురు పిల్లలను సమాధి చేసారు, ప్రతి ఒక్కరు రెండు సంవత్సరాలకంటే తక్కువ వయస్సు వారు. దేవుడు ఇచ్చిన బయల్పాటుల నుండి, జోసెఫ్ మరియు ఎమ్మా నిత్య దృక్పథాన్ని పొందారు.

సిద్ధాంతము మరియు నిబంధనలు 29:26–27; 42:45–46; 63:49; 88:14–17, 27–31; 93:33–34లో మరణం మరియు దేవుని నిత్య ప్రణాళిక గురించిన సత్యాల కోసం చూడండి. మీరు మరణమును చూసే దృష్టిని ఈ సత్యాలు ఎలా ప్రభావితం చేస్తాయి? మీరు జీవించే విధానాన్ని అవి ఎలా ప్రభావితం చేస్తాయి?

1 కొరింథీయులకు కూడా చూడండి.Easter.ChurchofJesusChrist.org

ఈస్టర్ సమయంలో రక్షకునిపై దృష్టి కేంద్రీకరించడానికి ఒక విధానము, సిద్ధాంతము మరియు నిబంధనలలో ఆయన ప్రాయశ్చిత్త త్యాగము గురించి బోధించే బయల్పాటులను చదవడం. వీటిలో కొన్ని సిద్ధాంతము మరియు నిబంధనలు 18:10–13; 19:16–19; 45:3–5; 76:69–70లో కనుగొనబడగలవు. ఈ వచనాలలో మీరు కనుగొనే సత్యాలను జాబితా చేయడాన్ని పరిగణించండి. మీ అధ్యయనాన్ని హెచ్చించడానికి, లూకా 22:39–44; 1 యోహాను 1:7; 2 నీఫై 2:6–9; మోషైయ 3:5–13, 17–18; మొరోనై 10:32–33ను పరిశోధించడం ద్వారా మీరు మీ జాబితాకు జతచేయవచ్చు.

మీ అధ్యయనమును నడిపించగల ప్రశ్నలు కొన్ని ఇక్కడున్నాయి:

• యేసు క్రీస్తు యొక్క ప్రాయశ్చిత్తము అంటే ఏమిటి?

• యేసు క్రీస్తు మన కొరకు బాధపడడానికి మరియు మరణించడానికి ఎందుకు ఎంచుకున్నారు?

• ఆయన త్యాగము యొక్క దీవెనలను పొందడానికి నేనేమి చేయాలి?

• ఈ వచనాలను చదివిన తర్వాత యేసు క్రీస్తు గురించి నేనెలా భావిస్తాను?

8:48

• పునరుత్థానం గురించి మీ పిల్లలకు బోధించడానికి, మీరు రక్షకుని మరణం మరియు పునరుత్థానము యొక్క చిత్రాలను వారికి చూపించడం ద్వారా ప్రారంభించవచ్చు. ఈ సంఘటనల గురించి వారికి తెలిసిన దానిని మీ పిల్లలను పంచుకోనివ్వండి.

• మనం చనిపోయినప్పుడు (మన ఆత్మలు మరియు శరీరాలు వేరుచేయబడతాయి) మరియు మనం పునరుత్థానం చెందినప్పుడు (మన ఆత్మలు మరియు శరీరాలు తిరిగి ఏకమవుతాయి మరియు మన శరీరాలు పరిపూర్ణంగా, అమర్త్యంగా ఉంటాయి) ఏమి జరుగుతుందో మీ పిల్లలు అర్థం చేసుకోవడానికి సహాయపడే ఒక వస్తుపాఠాన్ని పరిగణించండి. ఉదాహరణకు, మనము ఫ్లాష్‌లైట్ నుండి బ్యాటరీని లేదా కలం నుండి సిరా పాత్ర‌ను తీసివేసినప్పుడు ఏమి జరుగుతుంది? మరలా అవి తిరిగి ఏకమైనప్పుడు ఏమి జరుగుతుంది? (ఆల్మా 11:44–45 చూడండి.)

• మరణించిన వారెవరినైనా మీ పిల్లలు ఎరుగుదురా? ఈ వ్యక్తుల గురించి కొంత వారిని పంచుకోనివ్వండి మరియు తర్వాత సిద్ధాంతము మరియు నిబంధనలు 138:17ను కలిసి చదవండి. మన ప్రియమైన వారు పునరుత్థానం చేయబడతారని మరియు మళ్ళీ శరీరాలను కలిగి ఉంటారని తెలుసుకోవడం ఎలా అనిపిస్తుందో ఒకరితో ఒకరు మాట్లాడుకోండి.

• మీకు పెద్ద పిల్లలు ఉన్నట్లయితే, ఈ క్రింది భాగాలలో ఈస్టర్ సందేశాన్ని సంగ్రహించే వాక్యభాగాల కోసం వెదకడానికి మీరు వారిని ఆహ్వానించవచ్చు: సిద్ధాంతము మరియు నిబంధనలు 63:49; 88:14–17, 27; 138:11, 14–17. ఇతరులతో ఈ సందేశమును మనమేవిధముగా పంచుకోగలము?

• జోసెఫ్ స్మిత్—చరిత్ర 1:14–17; సిద్ధాంతము మరియు నిబంధనలు 76:11–24; 110:1–10లో నమోదు చేయబడినట్లుగా, యేసు క్రీస్తు జోసెఫ్ స్మిత్‌కు మరియు ఇతరులకు కనిపించిన మూడు వేర్వేరు సమయాల గురించి చదవడానికి మీరు, మీ పిల్లలు ఆసక్తి కలిగి ఉండవచ్చు. ఈ సంఘటనల చిత్రాలను మీ పిల్లలు ఈ వారపు ప్రోత్సాహ కార్యక్రమ పేజీలో కూడా చూడవచ్చు. ఈ అనుభవాలలో ప్రతీదాని నుండి మనం యేసు క్రీస్తు గురించి ఏమి నేర్చుకుంటాము? జోసెఫ్ స్మిత్ మరియు ఇతరులు పునరుత్థానుడైన రక్షకుడిని చూసారని తెలుసుకోవడం ఎందుకు దీవెనకరమైనది?

• క్రీస్తు ద్వారా క్షమాపణ గురించి జోసెఫ్ స్మిత్ నేర్చుకున్న సత్యాలు మీ పిల్లలకు వారి తప్పులు మరియు పాపాల కొరకు వారు క్షమించబడగలరనే నిరీక్షణనివ్వగలవు. ఇటువంటి శీర్షికలతో పట్టికను రూపొందించడానికి మీ పిల్లలను ఆహ్వానించడాన్ని పరిగణించండి: రక్షకుడు నా కొరకు ఏమి చేసారు మరియు ఆయన క్షమాపణను పొందడానికి నేను తప్పక చేయవలసినదేమిటి. ఈ శీర్షికల క్రింద ఉన్న అంశాలను కనుగొనడానికి క్రింది వాక్యభాగాలను శోధించడంలో మీ పిల్లలకు సహాయపడండి: సిద్ధాంతము మరియు నిబంధనలు 18:10–13; 19:16–19; 45:3–5; 58:42–43. రక్షకుడు మన కోసం చేసిన దానికి మీ ఆనందాన్ని, కృతజ్ఞతను ఒకరితో ఒకరు పంచుకోండి.

3:4