Lus Qhuab Qhia thiab Kev Khi Lus 20–22

Vim li cas peb muaj ib lub Koom Txoos? Tej zaum lo lus teb zoo tshaj plaws yog “Vim Yexus Khetos tau txhim tsa ib lub.” Thaum koj kawm Lus Qhuab Qhia thiab Kev Khi Lus 20–21, tej zaum koj yuav pom tias lub Koom Txoos uas Nws txhim tsa puag thaum ub thiab lub Koom Txoos uas Nws muab txum tim rov qab los niaj hnub no yeej zoo ib yam. Siv tej nqe no kom kawm txog tus Cawm Seej lub Koom Txoos puag thaum ub: Mathais 16:15–19; Yauhas 7:16–17; Efexus 2:19–22; 3 Nifais 11:23–26; Maulaunais 4–5. Siv tej nqe no kom kawm txog lub Koom Txoos uas tau muab txum tim rov qab los: Lus Qhuab Qhia thiab Kev Khi Lus 20:17–25, 60, 72–79; 21:1–2. Tej zaum koj yuav xav sau ntawv txog tej yam uas koj nrhiav hauv ib daim duab zoo li no:

Thaum tab tom txhim tsa lub Koom Txoos, tus Tswv qhia Nws Haiv Neeg Ntseeg txog cov kab ke dawb ceev, tsis hais kev cai raus dej thiab lub cim nco txog los yog. Thaum koj nyeem txog cov kab ke no, cia li xav seb cov kab ke tau pab koj li cas kom muab siab npuab tus Cawm Seej. Piv txwv hais tias, cov kab ke no pab koj li cas kom “muaj kev txiav txim siab yuav ua hauj lwm rau [Yexus Khetos] kom txog thaum kawg”? (nqe 37). Tej zaum koj yuav xav nyeem ob zag lus thov Vajtswv rau lub cim nco txog (nqe 77, 79) thiab xav seb zoo li cas yog tias yog thawj zaug uas koj hnov. Koj txais tau tej lub tswv yim twg?

Kuj saib D. Todd Christofferson, “Vim Li Cas Yuav Taug txoj Kev Ua Raws Li Kev Khi Lus,” Liyahaunas, Tsib Hlis Ntuj 2021, 116–19.

Koj puas tau xav saib yog vim li cas tus Cawm Seej yuav tsum muab lub pov thawj hwj txum tim rov qab los nyob hauv Nws lub Koom Txoos? Tej zaum tej yam uas Nws thov kom cov neeg uas tuav lub pov thawj hwj ua dab tsi nyob hauv Lus Qhuab Qhia thiab Kev Khi Lus 20:38–60 yuav pab koj tawm tswv yim. Tus Cawm Seej tau foom koob hmoov twg rau koj thiab koj tsev neeg los ntawm tej hauj lwm uas hais txog nyob hauv tej nqe no?

Ntxiv rau cov txiv neej uas tau muab tsa kom tuav lub pov thawj hwj, cov poj niam uas twb tsa ua hauj lwm hauv lub Koom Txoos kuj siv Vajtswv txoj cai thaum lawv koom tes ua Nws txoj hauj lwm. Yog xav kawm ua li cas, cia li nyeem Thawj Tswj Hwm Dallin H. Oaks zaj lus “Cov Yawm Sij thiab txoj Cai ntawm lub Pov Thawj Hwj” (Liyahaunas, Tsib Hlis Ntuj 2014, 49–52).

Kuj saib Tej Ntsiab Lus thiab tej Lus Nug, “Joseph Smith tej Lus Qhia txog lub Pov Thawj Hwj, lub Tuam Tsev, thiab cov Poj Niam,” Txoj Moo Zoo cov Ntawv.

Lus Qhuab Qhia thiab Kev Khi Lus 21:4–9 muaj tej lus caw kom coj raws li tus Tswv tus yaj saub thiab tej lus cog tseg zoo rau cov neeg uas ua li ntawd. Tej lub tswv yim no pab tau koj xav txog tej nqe vaj lug kub no:

• Tej lus twg nyob hauv nqe 4–5 piav txog tej yam uas tus Cawm Seej xav kom koj ua li cas thaum koj hnov Nws tus yaj saub tej lus? Koj xav tias yog vim li cas yuav tsum muaj “txoj kev ua siab ntev thiab kev ntseeg”?

• Cia li xav txog tej yam uas tus Cawm Seej hais nyob hauv nqe 6 kom piav txog cov koob hmoov uas yus txais thaum yus coj raws li Nws yaj saub qhia. Koj xav tias “tej qhov rooj ntawm ntuj txiag teb tsaus” txhais li cas? Tus Tswv ua li cas kom “tej hwj chim ntawm txoj kev tsaus ntuj yaj ploj ntawm [koj] mus”? Qhov uas “lub ntuj co nto kom zoo rau [koj]” txhais li cas?

• Tus Tswv hais kom koj ua dab tsi dhau los ntawm tus Thawj Tswj Hwm ntawm lub Koom Txoos? Tus Tswv tau ua dab tsi kom ua raws li Nws cog lus rau koj thaum koj ua raws li Nws tej lus qhia?

Cia li sau ntawv txog tej lub tswv yim uas koj txais los ntawm Txwj Laug Neil L. Andersen zaj lus “Vajtswv tus Yaj Saub” (Liyahaunas, Tsib Hlis Ntuj 2018, 24–27):

• Vim Li Cas Peb Coj Raws Li tus Yaj Saub

• Ib tug Tub Zov Nyas Saum Pej Thuam

• Tsis Txhob Xav Tsis Thoob:

Kuj saib “Watchman on the Tower” (vidi-aus), ChurchofJesusChrist.org; Tej lub Ntsiab thiab tej Lus Nug, “Yaj Saub,” Txoj Moo Zoo cov Ntawv; “Los, Mloog Ib tug Yaj Saub lub Suab,” Cov Nkauj Qhuas Vajtswv, zaj 9.

4:17

• Xav seb puas siv zaj lus piav txog Lus Qhuab Qhia thiab Kev Khi Lus 21, tshooj 9 ntawm Cov Dab Neeg hauv phau Lus Qhuab Qhia thiab Kev Khi Lus, los sis zaj vidi-aus “Organization of the Church” (ChurchofJesusChrist.org) kom pab koj cov me nyuam to taub tias tau ua li cas nyob rau hnub uas txhim tsa lub Koom Txoos.

  

  2:37

• Tej zaum koj cov me nyuam yuav xav muab tej daim duab txog Yexus Khetos, ib tug neeg mus txhawb pab, ib tug uas ua kev cai raus dej, thiab lub cim nco txog txuas rau tej nqe nyob hauv tshooj 20 (saib nqe 21–23, 47, 72–74, 75–79). Siv cov duab thiab tej nqe no kom sib tham txog cov koob hmoov uas peb muaj vim Yexus Khetos tau muab Nws lub Koom Txoos txum tim rov qab los.

• Tej zaum koj cov me nyuam yuav nyiam saib ib daim duab txog ib tug me nyuam uas ua kev cai raus dej thiab ua kev pom zoo. Lawv hais tau txog qhov uas daim duab muaj lub ntsiab ib yam li tej lus qhia nyob hauv Lus Qhuab Qhia thiab Kev Khi Lus 20:41, 71–74. Peb kawm dab tsi los ntawm Lus Qhuab Qhia thiab Kev Khi Lus 20:37 txog tib neeg uas xav ua kev cai raus dej? Tej zaum nej yuav xav hu zaj nkauj “When I Am Baptized” ua ke (Children’s Songbook, 103) los sis saib zaj vidi-aus “Yexus Ua Kev Cai Raus Dej” (Txoj Moo Zoo cov Ntawv).

  

  3:10

  

• Yog koj cov me nyuam twb ua kev cai raus dej thiab ua kev pom zoo lawm, thov kom lawv qhia tias lub sij hawm ntawd zoo li cas. Lawv puas muaj daim duab rau sawv daws saib? Nrog lawv tham seb lawv ua dab tsi kom coj raws li Yexus Khetos thiab Nws foom koob hmoov rau lawv li cas.

• Tej zaum koj cov me nyuam yuav xav nrhiav lo lus “txaus siab” nyob hauv phau Lus Qhuab Qhia thiab Kev Khi Lus 20:37 (txog kev cai raus dej) thiab nqe 77 (zaj lus thov Vajtswv txog lub cim nco txog). Yexus Khetos xav kom peb txaus siab ua dab tsi? Tej zaum koj cov me nyuam yuav xav saib ib yam uas muaj ib lub npe (xws li ib lub npe uas muaj koob meej los yog ib tug neeg lub npe). Lub npe ntawd qhia dab tsi rau peb txog yam ntawd? Qhov uas peb ris Yexus Khetos lub npe txhais li cas?

• Xav seb puas nyeem Lus Qhuab Qhia thiab Kev Khi Lus 20:77 ua ke thiab hais kom cov me nyuam qhia tias peb cog lus ua dab tsi thaum peb txais lub cim nco txog. Tej zaum lawv yuav xav ua yeeb yam txog tej yam uas lawv yuav ua kom “nco ntsoov” txog tus Cawm Seej thiab twv seb lawv ua yeeb yam txog dab tsi. Raws li nqe 77 qhia, peb tau koob hmoov li cas thaum peb nco ntsoov txog tus Cawm Seej?

• Tom qab lawv kawm txog tej lus caw thiab tej lus cog tseg nyob hauv Lus Qhuab Qhia thiab Kev Khi Lus 21:4–6, tej zaum koj cov me nyuam yuav xav saib ib daim duab ntawm tus yaj saub tam sim no thiab qhia dab tsi uas lawv tau kawm los sis hnov los ntawm nws. Qhia tias Yexus Khetos tau foom koob hmoov twg rau nej thaum nej ua raws li Nws tus yaj saub qhia.