Elmen Aō Lo Uwaak ko n̄an Kajjitōk ko Aō?

Enaaj baj wōt wōr kajjitōk ko. Jej ļōmņak kōn ilju im jeklaj eo ad im laļ eo ipeļaakid. Ebar wōr ad kajjitōk ko kōn Anij im karōk eo An n̄an kōj. Ilo am riiti Kean̄ eo jān Kabun̄ 1 im 2 wiik in, keememej ta eo rikanaan ro im rijilōk ro rekar kōm̧m̧an n̄an lo uwaak ko aer make (laajrak eo an wiik in ilo Itok, Ļoor Eō—N̄an Kajjojo im Baam̧le ko emaron̄ in jipan̄). Ta jerbal eo n̄an pukot uwaak ko n̄an kajjitōk ko rej waļo̧k ilo am ekkatak gospel in? Ta eo komaron̄ kōm̧m̧ane n̄an rōjan̄ ro uwaan doulul ak kūlaaj eo am n̄an pukot uwaak ko n̄an kajjitōk ko aer kōn gospel in ilo juon wāween etiljek? Ilo am keppopo n̄an katakin, lale Katak im Bujen Ko 6:14–15; 9:7–9 im “Acquiring Spiritual Knowledge” in Doctrinal Mastery Core Document ([2018], 3–5).

Ilo an kar ro uwaan doulul ak kūlaaj eo ekkatak Kean̄ eo jen Kabun̄ 1 im 2 wiik in, remaron̄ lo pedped in katak ko reiokļo̧k n̄an bōk uwaak ko n̄an kajjitōk ko n̄an gospel in. Leļo̧k n̄an er jidik iien n̄an etale kean̄ ko im kwaļo̧k ta eo raar ekkatak kake n̄an bōk revelesōn. Makūtkūt kein ilaļ remaron̄ jipan̄ ro kwoj katakin em̧m̧anļo̧k aer meļeļe elmen pukot uwaak ko n̄an kajjitōk ko kōn gospel in.

• Eoon kein ilaļ rej kwaļo̧k kwaļo̧k pedped in katak ko kōn kajjitōk kajjitōk ko n̄an būki uwaak ko: Matu 7:7; Katak im Bujen Ko 6:14–15; 9:7–9. Doulul ak kūlaaj eo am remaron̄ riiti ennaan ko ippān doon im kōm̧m̧ane juon laajrak ioon boot eo kōn pedped in katak ko reloi. Etke Jemedwōj Ilan̄ ejjjab aolep iien kajju ak m̧ōkaj in uwaaki kajjitōk ko ad? Elmen ad maron̄ kwaļo̧k ad tōmak ilo ad kōttar uwaak ko? (lale Katak im Bujen ko 19:23; 78:18). Ļōmņak in kwaļo̧k juon en̄jake ke eaar wōr am kajjitōk kōn gospel in im kar bōk juon uwaak. Kajjitōk ippān ro uwaan doulul ak kūlaaj eo n̄an kwaļo̧k ejja en̄jake rot in.

• Ro uwaan doulul ak kūlaaj eo remaron̄ ke ļōmņak kōn armej ro ilo jeje ko rekwojarjar ro rekar kajjitōk kajjitōk ko me rekar tōlļo̧k n̄an revelāsōn? (Eļan̄n̄e emenin aikuj, kwomaron̄ jitōnļo̧k er n̄an lale eoon ko ium̧win “Kein Jipan̄ ko rej Rie Katak ko.” Ro uwaan doulul ak kūlaaj ro remaron̄ riiti kōn armej rein ilo jeje ko rekwojarjar im kalikkar ta kajjitōk ko raar kajjitōk, elmen aer kar pukot uwaak ko, im aer kar būki uwaak ko. Ta eo jej ekkatak jān waanjon̄ok kein? Elmen ad maron̄ mour kaki ta eo jej ekkatak ilo ad pukot uwaak ko n̄an kajjitōk ko ad make? Āinwōt m̧ōttan m̧akūtkūt in, kwomaron̄ bar kwaļo̧k “Elmen Aō Mour Em̧m̧anļo̧k kōn Pedped Gospel in?” jān “Face to Face with Elder and Sister Bednar” ([worldwide youth broadcast], Māe 12, 2015, FacetoFace.ChurchofJesusChrist.org).

• Ennaan eo an Elder W. Mark Bassett “For Our Spiritual Development and Learning” (Liaona, Nov. 2016, 52–54) letok kakkobaba ko n̄an elmen pukot uwaak ko n̄an kajjitōk ko rejetōbtōb. Doulul ak kūlaaj eo am remaron̄ riit ippān doon pārookūrāāp emen in ennaan eo an jino kōn “N̄an meļeļe ankilaan Anij.” Innām karuwaineneik ro uwaan doulul ak kūlaaj eo n̄an riiti 1 Nipai 2:16, 19–20; 10:17–19; 11:1 im kalikkar ta eo Nipai ekar kōm̧m̧ane n̄an pukot uwaak ko n̄an kajjitōk ko an. Karuwaineneik ro uwaan doulul ak kūlaaj eo n̄an ļōmņak ta eo renaaj kōm̧m̧ane n̄an ļoor waanjon̄ok eo an Nipai n̄e ewōr aer kajjitōk kōn gospel in.

• Bwebwenato eo ilo Mark 9:14–27 emaron̄ jipan̄ ro uwaan doulul ak kūlaaj eo n̄e rej apan̄ kōn kajjitōk ko ak pere. Moktaļo̧k, karuwaineneik juon iaan ro uwaan doulul ak kūlaaj eo n̄an pojak im itok n̄an kwaļo̧k bwebwenato eo. Innām, kōjeno̧ļo̧k doulul ak kūlaaj eo am n̄an jilu kurup ko, im jitōn̄ kajjojo kurup n̄an ekkatak jilu iaan elmekwot ko Elder Jeffrey R. Holland eaar kwaļo̧ki ilo bwebwenato in ilo ennaan eo an “Lord, I Believe” (Liaona, May 2013, 93–95). Elmen ad mour kake elmekwot eo an Elder Holland n̄e jej ak juon eo jejeļā kajjien ewōr an kajjitōk ak pere kōn gospel in?

Rōjan̄ ro uwaan doulul ak kūlaaj eo n̄an kejo̧kļo̧kjeņ im je ta eo renaaj kōm̧m̧ane n̄an jerbal ekkar n̄an im̧we ko me rekar en̄jaki rainin. Ewi wāween an katak eo an rainin iookļo̧k kōttōbar ko an juon make me rekar kōm̧m̧ani? Eļan̄n̄e rekōņaan, ro uwaan doulul ak kūlaaj eo remaron̄ kwaļo̧k ļōmņak ko aer.

• Enos 1:1–8; Alma 5:43–47; 40:3–5; Ether 2:18–23; Katak im Bujen ko 138:1–4, 11; Josep Smith—Bwebwenato 1:10–18 (Waanjon̄ok in armej ro rej pukot uwaak ko n̄an kajjitōk ko aer)

• James B. Martino, “Turn to Him and Answers Will Come,” Liahona, Nov. 2015, 58–60

• Gospel Topics, “Answering Gospel Questions,” topics.ChurchofJesusChrist.org