Etke Baam̧le ko Raorōk?

Aolep baam̧le ko reoktak, im ejjeļo̧k juon baam̧le ewānōk. Ak ewōr ro Jined im Jemed Ilan̄ rewāppen, ro rej kōņaan bwe jān bōk kōjeram̧m̧an eo jān mour ilo m̧ōņōņō āinwōt baam̧le ko n̄an indeeo. N̄an jipan̄ kōj kōttōbrak menin, Anij ear kaim̧weik rikanaan ro im rijilōk ro n̄an kwaļo̧k m̧ool ko indeeo ilo“Baam̧le Eo: Juōn Naan in Kean̄ n̄an Laļ in” (ChurchofJesusChrist.org).

Ilo am̧ kōppopo n̄an katakin, kōn aorōkin baam̧le ko, ļōmņak kōn etke baam̧le eo am̧ eaorōk n̄an eok. Ta eddo eo Jisōs Kraist ekar kōm̧m̧an ilo an jipan̄ baam̧le eo am̧ kappukōt m̧ōņōņō? Ilo am̧ kōpopo n̄an katakin, kwomaron̄ katak “Baam̧le Eo: Juōn Naan in Kean̄ n̄an Laļ in” (ChurchofJesusChrist.org), “Baam̧le” ilo N̄an Kōkajoorļo̧k Jodikdik ro ([2011], 14–15), im enaan eo an Elder D. Todd Christofferson “Why Marriage, Why Family” (Liahona, May 2015, 50–53). Katak ta ko jān kein jipan̄ kein kwoj en̄jaake ke renaaj lukkuun aurōk n̄an ro kwoj katakin?

N̄an ijjino juon kōmeļeļe kōn aurōkin baam̧le ko, komaron̄ kajjitōk ippān doulul eo ak ro uwaan kūlaaj eo ta eo raar ekkatak kōn em̧ōņōņō ilo mour an baam̧le ilo aer riit “Baam̧le Eo: Juōn Naan in Kean̄ n̄an Laļ in” ilo m̧weo. Ta eo rej ekkatak me emaron̄ jipan̄ er kōkajoorļo̧k baam̧le ko aer? Innām kāālet juon ak elōn̄ļo̧k m̧akūtkūt ko itulaļ n̄an jipan̄ ro uwaan doulul eo ak kūlaaj eo kam̧ūlaļļo̧k jeļā eo aer etke baam̧le ko rej aorōk ilo karōk eo an Jemedwōj Ilan̄.

• Eoon ko ilo “Kein Jipan̄ ko rej Rie” ej jipan̄ m̧ool ko reim̧we ilo naan in kean̄ eo an baam̧le. Bōlen kwomaron̄ leļo̧k n̄an kajjojo ro uwaan doulul eo ak kūlaaj eo n̄an riiti juon iaan eoon kein im kiiō kappok ilo naan in kean̄ an baamle eo n̄an kappukōt juon enaan me eiookļo̧k e eoon eo an. Kajjojo iaan doulul eo ak kūlaaj eo remaron̄ kwaļo̧k ta eo e lieo ak ļāe ekar loe.

• Mour kōn katak ko an Jisōs Kraist ej tōl n̄an m̧ool im m̧ōņōņō eo indeeo ilo baam̧le ko ad. N̄an jipan̄ doulul eo ak ro uwaan kūlaaj eo meļeļe menin, kwomaron̄ kūr kajjojo iaan armej ro n̄an kāālet juon m̧wil an Kraist (lale “How Do I Develop Christlike Attributes?” jebta 6 ilo Preach My Gospel [2019], 121–29) innem kappukōt juon eoon ak kanaan me ej katakin kōj kōn m̧wil eo. Āinwōt an doulul eo ak ro uwaan kūlaaj eo kwaļo̧k ta eo raar loe, kwomaron̄ uwaake juon ak elōn̄ļo̧k iaan kajjitōk kein: Ewi wāween likkuun mour kake m̧wil in an Kraist jelōt baam̧le eo aō? Ta eo iaar ekkatak jān waanjon̄ok eo an Rilo̧mo̧o̧r kōn wāween mour kōn m̧wil in ilo baam̧le eo aō?

• Būreejtōn Russell M. Nelson eaar katakin “Rikapo eo ej kōļapļo̧k an jodiki tōmak ko im iood im baam̧le ko ad ilo juon wāween em̧ōkajļo̧k im em̧ōkajļo̧k.” (“Naan in Kōppeļļo̧k ko,” Liaona, Nob. 2018, 7). N̄an jipan̄ doulul eo ak ro uwaan kūlaaj eo kejparok er jān nitbwil kein, kwomaron̄ kūr er n̄an kōlaajrak ioon bo̧o̧t eo elōn̄ m̧wil ko im wāween m̧akūtkūt ko me Setan ej kōļapļo̧k n̄an an maron̄ kam̧ōjņo̧ik baam̧le ko. Etke jekjek kein rekammetak n̄an baam̧le ko? Doulul eo ak ro uwaan kūlaaj remaron̄ kappok ilo pārokōrāāp kajilimjuon in naan in kean̄ an baam̧le eo m̧wil ko im wāween m̧wil ko me remaron̄ kealikkar nitbwil ko an Setan. Ekōjkan ad maron̄ kappukōt jipan̄ eo an Rilo̧mo̧o̧r eo ilo ad kōļapļo̧k m̧wil im wāween m̧akūtkūt kein? Āinwōt m̧ōttan kōmeļeļe in am̧, komaron̄ kwaļo̧k pija eo “Proclamation” (ChurchofJesusChrist.org). Ta eo jej ekkatak kōn wāween ad maron̄ kōjparok baam̧le ko ad jān kapo an Setan?

Rōjan̄ ro uwaan doulul ak kūlaaj eo n̄an kejo̧kļo̧kjeņ im je ta eo renaaj kōm̧m̧ane ekkar n̄an im̧we ko rej en̄jaki rainin. Ewi wāween an katak eo an rainin iookļo̧k kōttōbar ko an juon make me rekar kōm̧m̧ani? Eļan̄n̄e rekōņaan, ro uwaan doulul ak kūlaaj eo remaron̄ kwaļo̧k ļōmņak ko aer.

• Rome 8:16–17; Hibru 12:9 (Kōj jej ajri ro nejin Jemedwōj Ilan̄)

• Jenesis 2:18, 24; Katak im Bujen Ko 131:1–4 (Anij eaar karōke m̧are )

• Mosaia 4:14–15; Katak im Bujen Ko 68:25–29; 93:40–50 (Ro jinen im jemen rej n̄an katakin ajri ro gospel eo)

• L. Tom Perry, “Etke m̧are im baam̧le raorōk—Aolep jikin ilo Laļ in,” Liaona, Māe 2015, 39–42

• “Families Can Be Together Forever,” “The Home Is a Divine Institution,” videos, ChurchofJesusChrist.org