“Tijem̧ba 6–12. Laajrak in Tōmak im Kean̄ Jān Kabun̄ in 1 im 2: “Kōmij Tōmak,’” Itok, Ļoor Eō—N̄an Kajjojo Armej im Baam̧le ko: Katak im Bujen Ko 2021 (2020)
“Tijem̧ba 6–12. Laajrak in Tōmak im Kean̄ Jān Kabun̄ in 1 im 2,” Itok, Ļoor Eō—N̄an Kajjojo Armej im Baam̧le ko: Katak im Bujen Ko 2021
N̄an Aolep Em̧m̧aan ro Reerreo, jān Emma Allebes
Tijem̧ba 6–12
Laajrak in Tōmak ko im Kean̄ an Kabun̄ in 1 im 2
“Kōmij Tōmak”
Ilo am̧ katak Laajrak in Tōmak ko im Kean̄ Jān Kabun̄ in 1 im 2, ļōmņak kōn wāween aer jelōt Kabun̄ in. Ta im̧we ko kwoj en̄jaki kōn m̧ool ko kwoj katakin?
Je En̄jake ko Rej Im̧we Eok
Ilo 200 iiō jān tōre eo Visōn eo M̧oktata an Josep Smith, Anij ekar wōnm̧aanļo̧k n̄an leļo̧k “revelesōn ioon revelesōn, jeļāļo̧kjeņ ioon jeļāļo̧kjeņ, n̄an ritōl ro an Kabun̄ in An (Katak im Bujen Ko 42:61). Ilo jekjek ko jet, revelesōn eo me ej tōl ritōl ro an Kabun̄ in n̄an kōm̧m̧an oktak n̄an kien im iminene ko an Kabun̄ in, “ekkar n̄an ankilaan Irooj, im jejjet n̄an tūriam̧o ko an ekkar n̄an jekjek an ro nejin armej” (Katak im Bujen ko 46:15). Kean̄ Jān Kabun̄ in 1 im 2 rej bōk jikin kain revelesōn rōt in—juon eo ej tōl n̄an jem̧ļo̧kin iminene in m̧are elōn̄ļo̧k jān juon, im kōjeraam̧m̧an ko jet an priesthood, ekoba kōjeraam̧m̧an ko an tampeļ, repojak n̄an aolep armej jān kajjojo laļ. Oktak ko āinwōt kein rej mōttan ta eo ej meļeļein n̄an wōr ippād “kabun̄ eo wōt em̧ool im emour” (Katak im Bujen Ko 1:30), kōn juon rikanaan em̧ool im emour.
Ak elōn̄ bar men ko me rejjab ukōt—m̧ool ko elōn̄ pedpedier im rej n̄an indeeo. Im jet iien un ko an revelesōn ej n̄an meļeļe kōn m̧ool kein, jipan̄ kōj meļeļe eļapļo̧k kaki im alikkar. Laajrak in Tōmak ko—Ennaan ko an Josep Smith me remeļeļe kōn ta tōmak ko an Armej ro Rekwojarjar—n̄an jerbal kōn unin kōttōpar in ewājepdik. Jim̧or kain revelesōn rōt in ej tōl im kōjeraam̧m̧an Kabun̄ in, juon Kabun̄ eo me ej pedped ioon m̧ool an indeeo im ej maron̄ eddōkļo̧k im oktak āinwōt an Irooj kōļapļo̧k meļeļe ko ad n̄an jipan̄ kōj ņa mejļan apan̄ ko raan kein. Ilo bar jet naan, “Kōmij tōmak aolep men ko em̧ōj an Anij kwaļo̧ki, aolep men ko E ej kwaļo̧ki kiiō, im kōmij tōmak bwe Enaaj kwaļo̧k elōn̄ men ko reļļap im aorōk im rej ekkejelļo̧k n̄an Aelōn̄ in Anij” (Laajrak in Tōmak ko 1:9).
Ļōmņak ko n̄an Ekkatak Jeje Ko Rekwojarjar Ippam̧ Make
Laajrak in Tōmak ko
Laajrak in Tōmak ko epād ie m̧ool ko elōn̄ pedpedier an gospel eo em̧ōj an jepļaaktok.
Juon wāween kwomaron̄ katak Laajrak in Tōmak ko ej n̄an kōlaajrak m̧ool ko me rej pād ilo kajjojo iaer innem kappukot eoon ko n̄an m̧ool kein. Ewi wāween an eoon ko kōļapļo̧k meļeļe eo am̧ kōn m̧ool ko ilo Laajrak in Tōmak ko?
Barāinwōt lale Unin Tōl eo n̄an Jeje ko Rekwojarjar, “Articles of Faith,” scriptures.ChurchofJesusChrist.org; L. Tom Perry, “The Doctrines and Principles Contained in the Articles of Faith,” Ensign ak Liahona, Nov. 2013, 46–48; “Chapter 38: The Wentworth Letter,” ilo Teachings of Presidents of the Church: Joseph Smith, 435–47.
Laajrak in Tōmak ko 1:9; Kean̄ Jān Kabun̄ in 1 im 2
Kabun̄ eo an Jisōs Kraist ej tōl kōn revelesōn.
“Kōmij tōmak bwe [Anij] enaaj kwaļo̧k elōn̄ men ko reļļap im aorōk im rej ekkejelļo̧k n̄an Aelōn̄ in Anij” (Laajrak in Tōmak ko 1:9), jekdo̧o̧n n̄e men ko rej ukōt kakien ko im iminene ko an Kabun̄ in. Kōn pedped in katak in ilo kōļmenļo̧kjeņ, etale Kean̄ Jān Kabun̄ in 1 im 2, im kappukot naan ko im jentōj ko me rej kōkajoorļo̧k tōmak eo am̧ ilo revelesōn ko me rej wōnm̧aanļo̧k wōt. Ta waanjon̄ak ko jet kōn an wōnm̧aanļo̧k wōt revelesōn n̄an rikanaan eo an Irooj kwomaron̄ ļōmņak kake juon waanjon̄ak? Ekōjkan an revelesōn kein jelōt mour eo am̧? Ekōjkan an em̧m̧anļo̧k jerbal in aelōn̄ in kiin̄ eo an Jemedwōj Ilan̄?
Barāinwōt lale Amos 3:7; 2 Nipai 28:30.
Jerbal eo an Anij ej aikuj wōnm̧aanļo̧k wōt.
Ilo “Ennaan ko Kāāleti Jān Kōnono ko jān Būreejtōn Wilford Woodruff ekar kadieojļo̧k Manifesto” (ilo jem̧ļo̧kin Kean̄ an Kabun̄ in 1), ta in unleplep ko rikanaan eo ekar leļo̧k n̄an Irooj ilo an kōjem̧ļo̧k m̧are elōn̄ļo̧k jān juon kōrā? Ta eo menin ej katakin eok kōn jerbal eo an Anij?
N̄an meļeļe ko reļļapļo̧k kōn kadkadin Kean̄ Jān Kabun̄ in 1, lale “The Messenger and the Manifesto” (Revelations in Context, 323–31) im “Plural Marriage and Families in Early Utah” (Gospel Topics, topics.ChurchofJesusChrist.org).
Wilford Woodruff, jān H. E. Peterson
Jemaron̄ lōke Irooj, jekdo̧o̧n n̄e ejjeļo̧k ad jeļāļo̧kjeņ ewānōk.
Eoon kein rej katakin kōj n̄an lōke Irooj, (lale Jabōn Kōnnaan ko 3:5),im bwe en̄ ne ej ta eo elōn̄ membōr in bwijjin ri-Africa rekar kōm̧m̧ane ke Kabun̄ in ekar kabōjrak er jān bōk priesthood eo im kain̄i ko an tampeļ. Men̄e rekar jab meļeļe etke kakien in ekar waļo̧k—im ekkā aer metak kōn kōmeļeļe ko kar katakin ilo iien eo, eo me Kabun̄ in ejjab errā kake rainin—elōn̄ member in bwijjin ri-Africa rekajoor rekar lōke Irooj im kajoor wōt ilo aolepān mour ko aer. Ilo am̧ riiti, Kean̄ Jān Kabun̄ in 2, kejo̧kļo̧kjeņ kōn ekōjkan am̧ kar ekkatak kōn lōke ilo Irooj men̄e ejjeļo̧k am̧ jeļāļo̧kjeņ ewānōk.
Ekkatak kōn tōmak eo an rikilmeej ro me rekar membōr in Kabun̄ in emaron̄ lukkuun ļap an im̧we eok. En̄rein rej jet iaan bwebwenato ko, loi ilo history.ChurchofJesusChrist.org:
-
“Jane Elizabeth Manning James” (Church History Topics)
-
“In My Father’s House Are Many Mansions” (bwebwenato in Green Flake)
-
“You Have Come at Last” (bwebwenato in Anthony Obinna)
-
“Break the Soil of Bitterness” (bwebwenato in Julia Mavimbela)
-
“I Will Take It in Faith” (bwebwenato in George Rickford)
Barāinwōt lale “Witnessing the Faithfulness,” Revelations in Context, 332–41; Gospel Topics, “Race and the Priesthood,” topics.ChurchofJesusChrist.org; Ahmad Corbitt, “A Personal Essay on Race and the Priesthood,” parts 1–4, history.ChurchofJesusChrist.org; BeOne.ChurchofJesusChrist.org.
Ļōmņak ko n̄an Ekkatak Jeje ko Rekwojarjar an Baam̧le im Nokon in Jota
-
Laajrak in Tōmak ko.Ļōmņak ekōjkan an baam̧le eo am̧ maron̄ ejaake “katak ko-jiddik ko” kōn Laajrak in Tōmak ko. N̄an waanjon̄ak, ilo aolepān wiik eo, kajjojo uwaan baam̧le eo remaron̄ kālet juon laajrak in tōmak im kappukot eoon eo me ej iookļo̧k, pija, al, ak al ko an ajri ak en̄jake ko an juon make.
Ak ro uwaan baam̧le eo remaron̄ kajjojo kajjitōkin doon kajjitōk ko jet kōn Kabun̄ in im tōmak ko innem uwaaki kajjitōk ko kōn juon laajrak in tōmak.
-
Kean̄ Jān Kabun̄ in 1 im 2.Kean̄ Jān Kabun̄ in 1 im 2 rej kōmeļeļeik kōj jerbal eo an revelesōn ko raan kein ilo Kabun̄ in. Ilo an baam̧le eo am̧ riit ippān doon, ļōmņak n̄an kōmeļeļeik ekōjkan an rikanaan eo tōl kōj “kōn im̧we an Anij Ekajoor Bōtata” (Kean̄ Jān Kabun̄ in 1) Ekōjkan an kean̄ kein ruo kōkajoorļo̧k tōmak eo ad ilo juon Anij emour eo me ej lukkuun tōl Kabun̄ in An? Ekōjkan ad lo Pein ilo jerbal eo an Kabun̄ in rainin? Kwomaron̄ kālet n̄an kappukote ippān doon jet iaan kein jipan̄ ko ilo “Ideas for Personal Scripture Study” me epād ilōn̄.
N̄an ļōmņak ko reļļapļo̧k n̄an katakin ajri ro, lale laajrak in katak eo an wiik in ilo Itok, Ļoor Eō—N̄an Būraimere.
Al eo kar ļōmņake: “Keep the Commandments,” Children’s Songbook, 146–47.
Kōkm̧anm̧anļo̧k Ad Katakin
Lale kūr ko eļan̄n̄e kar ļoori. “N̄e kwoj etale rekar ke ļoor kūr eo, kwoj kwaļo̧k n̄an [ro uwaan baam̧le eo am̧] ke kwoj kea kōn er im wāween an gospel eo kōjeraam̧m̧an mour ko aer. Kwomaron̄ leļo̧k n̄an er iien ko n̄an kwaļo̧k en̄jake ko aer” (Teaching in the Savior’s Way, 35).