Ekōjkan An Kar Josep Smith Jipan̄ Kōttōbrak Karōk Eo An Jemedwōj Ilan̄?

“Josep Smith, Rikanaan eo im Rilolo eo an Irooj, ekkar kōm̧m̧an eļapļo̧k, ijello̧kun wōt Jisōs, n̄an lo̧mo̧o̧r eo an armej raņ ilo laļ in, jān bar jabdewōt armej ekar mour ioon” (Katak im Bujen Ko 135:3). En̄in ej juon ennaan eļap kōn jerbal eo an Josep Smith. Em̧ōj ke am̧ kar ļōmņak kōn ta eo ennaan in ej meļeļe ilo mour eo am̧? Ekōjkan an mour eo am̧ naaj kar oktak eļan̄n̄e gospel eo an Jisōs Kraist en kar jab jepļaaktok? Ta eo komaron̄ kōm̧m̧ane n̄an jipan̄ ro uwaan doulul eo ak kūlaaj eo am̧ kōkajoorļo̧k naan in kam̧ool ko aer kōn mijen eo an Josep Smith?

Ilo am̧ m̧aanjabpopo n̄an katakin, ilo kakobaba n̄an ekkatak Katak im Bujen Ko 135, ļōmņak in etale “Josep Smith” ilo True to the Faith ([2004], 89–90) im ennaan eo an Elder Neil L. Andersen “Josep Smith” (Liaona, Nob. 2014, 28–31).

N̄an jino juon iien ekōnono kōn ekōjkan an Josep Smith kar jipan̄ kōtōprak karōk eo an Jemādwōj Ilan̄, komaron̄ jino kōn etale ta eo ro uwaan doulul eo ak kūlaaj eo raar ekkatak kōn Rikanaan eo jān riiti Katakim Bujen Ko 135 wiik in. N̄an waanjon̄ak, remaron̄ kōm̧m̧ane juon laajrak kōn m̧ool ko rejeļā kōn Rilo̧mo̧o̧r eo im gospel eo An kōnkke kōn Josep Smith. Etke m̧ool kein kajjojo rej aorōk ilo karōk eo an Jemedwōj Ilan̄? Ļoor m̧akūtkūt kein emaron̄ jipan̄ doulul eo ak kūlaaj eo am̧ em̧m̧anļo̧k aer meļeļe jerbal eo an Josep Smith ilo karōk in lo̧mo̧o̧r eo.

• N̄an jipan̄ ro uwaan doulul eo ak kūlaaj eo m̧aanjabpopo n̄an jipan̄ ro jet meļeļe aoarōk eo an Rikanaan Josep, remaron̄ riiti “The Restoration of the Gospel of Jesus Christ through Joseph Smith” ilo jebta 3 in Preach My Gospel ([2019], 36–38). Jerbal ilo ruo iaan ruo ak kumi ko reddik, remaron̄ kwaļo̧k jekjek ko me āinwōt raorōk n̄an kwaļo̧ki ippān ro jet. Innām remaron̄ kōkōmālmel kwaļo̧k en̄jake eo an Josep Smith ippān doon ilo naan ko aer make. Kajjitōk ippāer n̄an ļōmņak kōn ta eo remaron̄ kōm̧m̧ane n̄an kwaļo̧k ennaan eo an Jepļaaktok eo. Bōlen remaron̄ ļōmņak kōn juon armej ejonolo̧k me remaron̄ kwaļo̧k ennaan in. Remaron̄ barāinwōt kōņaan kwaļo̧k en̄jake ko ke raar jipan̄ juon ekkatak kōn Josep Smith.

• Kajjitōk ippān ro uwaan doulul eo ak kūlaaj eo n̄an pijaikļo̧k bwe juon iaan ro m̧ōttaer ilo m̧ōn jar eo ej ba, “Ijjab jeļā ewōr aō naan in kam̧ool kōn Josep Smith. Ekōjkan am̧ jeļā ke ej juon rikanaan?” Ekōjkan am̧ naaj kar uwaak? Ta eo jej ekkatak jān en̄jake eo an Josep Smith make ilo Josep Smith—Bwebwenato 1:8–19 kōn ekōjkan ad maron̄ bōk ak kōkajoorļo̧k naan in kam̧ool ko ad? Kajjitōk ipppān ro uwaan doulul eo ak kūlaaj eo n̄an kōm̧m̧ane juon laajrak in wāween ko n̄an kōkajoorļo̧k naan in kam̧ool ko aer kōn Rikanaan Josep Smith im kajjojo ren kāālet juon men rekōņaan kōm̧m̧ane ilo wiik in.

• N̄an jipan̄ ro uwaan doulul eo ak kūlaaj eo em̧m̧an aer meļeļe jerbal eo me Anij ekar kōtōprake kōn Josep Smith, komaron̄ kajjitōk ippāer n̄an riiti peij 48–53 in Teachings of Presidents of the Church: Gordon B. Hinckley (2016) ak alooje juon ak elōn̄ļo̧k pija in alooj ko ilo “Kein Jipan̄ ko rej Rie.” Remaron̄ bōk juon ak ruo iaan katak ko im kōkōmālmel kwaļo̧ki ilo kein jipan̄ kein me eļap tata aer aorōk n̄an er. Remaron̄ kōmeļeļeik etke rej kam̧m̧oolol Irooj kōn an kōjepļaaktok men kein kōn Josep Smith. Remaron̄ barāinwōt m̧ōņōņō in je juon kakeememej kwaļo̧k kam̧m̧oolol eo aer kōn ekōjkan an jerbal eo an Josep Smith kar kar jipan̄ er epaakeļo̧k Rilo̧mo̧o̧r eo. Remaron̄ barāinwōt kejekļo̧kjeņ kōn ta eo remaron̄ kōm̧m̧ane n̄an an ļapļo̧k aer bōk em̧m̧an eo an kōjeraam̧m̧an ko Irooj ekar kalikkari kōn Josep Smith.

Rōjan̄ ro uwaan doulul ak kūlaaj eo n̄an kejo̧kļo̧kjeņ im je ta eo renaaj kōm̧m̧ane n̄an jerbal ekkar n̄an im̧we ko me rekar en̄jaki rainin. Ewi wāween an katak eo an rainin iookļo̧k kōttōbar ko an juon make me rekar kōm̧m̧ani? Eļan̄n̄e rekōņaan, ro uwaan doulul ak kūlaaj eo remaron̄ kwaļo̧k ļōmņak ko aer.

• Katak im Bujen Ko 35:17–18 (Kōn Rikanaan Josep Smith, Irooj ekar kōjepļaaktok tarlep in gospel eo)

• Russell M. Nelson, “Bok in Mormon eo: Eļan̄n̄e en kar Ejjeļo̧k Elmen Nej Kar Mour eo Am̧? Liaona, Nob. 2017, 60–63

• “Teachings of Joseph Smith: The Nature of God,” “Ministry of Joseph Smith: The Book of Mormon,” “Ministry of Joseph Smith: The Organization of the Church,” “Ministry of Joseph Smith: The Restoration of Priesthood Authority,” “Ministry of Joseph Smith: Temples,” pija in alooj ko, ChurchofJesusChrist.org