Etke M̧are n̄an Indeeo Elukkuun Aorōk?

Ilo an ro uwaan doulul ak kūlaaj eo am̧ bōk kam̧ool ko kōn m̧are ilo tampeļ ilo aer dik wōt, eļapļo̧k aer ikdeleel im kōppopo n̄an kōjeraam̧m̧an in eļap. Ilo karōk eo ekam̧ōņōņō an Jemedwōj Ilan̄, bujen in m̧are eo n̄an indeeo emenin aikuj n̄an mour eo eutiejtata (lale Katak im Bujen Ko 131:1–4). Ak m̧are ilo tampeļ ejjab wōt kōn ta eo jenaaj bōke ilo mour eo tok juon—emaron̄ barāinwōt boktok eļap kōjeraam̧m̧an ko ilo mour in. N̄an waanjon̄ak, bujen ko rekwojarjar ippān Anij emaron̄ im̧we wāween an ļeo im lio pālele kalimjōk jem̧jerā eo aer ippān doon. Im juon em̧m̧aan im juon kōrā ro rej liāp ippān doon n̄an kiiō im n̄an indeeo ewōr aer kam̧ool bwe kōn Jisōs Kraist, jem̧jerā eo aer enaaj wōnm̧aanļo̧k wōt eļan̄n̄e rej m̧ool n̄an bujen ko aer.

Ewi wāween am̧ jipan̄ membōr ro ilo doulul ak kūlaaj eo am̧ en̄jake ikdeleel eļap n̄an liāp ilo tampeļ? N̄an kōpooj eok make n̄an katakin kōn m̧are n̄an indeeo, kwomaron̄ kappukot bwebwenato “About a Temple Sealing” ilo temples.ChurchofJesusChrist.org ak riiti “Marriage” ilo True to the Faith ([2004], 97–101).

N̄an leļo̧k n̄an ro uwaan doulul ak kūlaaj eo juon aer iien n̄an kwaļo̧k ta eo rekar ekkatak ilo jeje ko rekwojarjar ilo wiik in, komaron̄ je ioon boot eo juon kajjitōk āinwōt Etke m̧are n̄an indeeo ilo tampeļ an Anij elukkuun aorōk? Ro uwaan doulul ak kūlaaj eo remaron̄ lo eoon in jipan̄ ko ilo juon eoon ilo aer riiti Katak im Bujen Ko 129–32 me remaron̄ jipan̄ uwaake kajjitōk eo im je eoon in jipan̄ ko iturin kajjitōn eo. (Eļan̄n̄e ejipan̄, komaron̄ kwaļo̧ki n̄an Katak im Bujen Ko 131:1–4; 132:13–19.) Riiti ippān doon jet iaan eoon in jipan̄ ko, im kōmeļeļe ta eo rej ekkatak. Komaron̄ kōjerbal jabdewōt iaan m̧akūtkūt ko rej ellaajrak n̄an jipan̄ jodikdik ro bwe en em̧m̧anļo̧k aer meļeļe aorōkin m̧are n̄an indeeo.

• Kōnke m̧are n̄an indeeo emake wōt n̄an jepļaaktok eo an gospel eo, ro kwoj katakin er remaron̄ wōr aer iien em̧m̧an n̄an kōmeļeļeik armej ro me rejjan̄in jeļā kake. N̄an jipan̄ ro uwaan doulul ak kūlaaj kōm̧m̧an menin, karuwaineneik er n̄an pijaikļo̧k ke ewōr juon m̧ōttaer eo ej bwūlōn̄ etke Armej ro Rekwojarjar rej tōmak bwe m̧are ilo tampeļ elukkuun ļap an aorōk. Kajjitōk ippāer n̄an riiti eoon ko ilo “Supporting Resources,” “Baam̧le Eo: Juon Naan in Kean̄ n̄an Laļ in” (ChurchofJesusChrist.org), ak peij ko 97–98 ilo True to the Faith. Remaron̄ kappukot naan ko, jentōj ko, im itia ko me remaron̄ kakobaiki ilo juon leta n̄an ro m̧ōttaer me ej kōmeļeļeik aorōk m̧are ilo tampeļ. Remaron̄ alooje “Why Is Marriage Sacred to Heavenly Father?” jān “Face to Face eo an Elder im Sister Renlund” ([kadiwōjļo̧k eo imejatoto an jodikdik ro ipeļaakin], Aug. 5, 2017, FacetoFace.ChurchofJesusChrist.org). Komaron̄ leļo̧k n̄an er iien n̄an je juon leta innem karuwaineneik er n̄an kwaļo̧k ta eo rekar je.

• Lale juon waanjon̄ak kōn juon m̧are etiljek emaron̄ im̧we ro kwoj katakin er n̄an kappukot kōjeraam̧m̧an in eļap ippāer make. Juon wāween n̄an kōm̧m̧ane menin ej n̄an etale jekjen eo ilo Elder L. Whitney Clayton “M̧are: Mije im Katak” (Liaona, Māe 2013, 83–85). Ta eo ro uwaan doulul ak kūlaaj eo ekkatak jān ennaan in kōn wāween kalōk juon m̧are n̄an indeeo eo elem̧ōņōņō? Ro uwaan doulul ak kūlaaj eo emaron̄ barāinwōt etale itia ko ilo “Achieving a Happy Marriage” ilo True to the Faith (peij ko 99–101). Remaron̄ barāinwōt alooje “How Did Elder and Sister Bednar Meet?” jān “Face to Face eo ippān Elder im Sister Bednar” ([kadiwōjļo̧k eo imejatoto an jodikdik ro ipeļaakin laļ in], May 12, 2015, FacetoFace.ChurchofJesusChrist.org).

• Kajjitōk ippān ro uwaan doulul ak kūlaaj eo n̄an ļōmņak kōn jet men ko me remaron̄ dāpij er jān aer liāp ilo tampeļ. Ta eo jemaron̄ kōm̧m̧ane kiiō n̄an eļļā ioon men kein? Innām remaron̄ etale “M̧are n̄an Indeeo” ilo jebta 3 ilo Kwaļo̧k Gospel eo Aō ([2019], 89) n̄an kappukot pedped im iminene ko me rej tōlļo̧k n̄an m̧are im baam̧le ko relem̧ōņōņō. Remaron̄ kōlaajrak jet iaan men ko remaron̄ kōm̧m̧an kiiō n̄an kōppopo n̄an m̧are indeeo. Ta jerbal eo an Rilo̧mo̧o̧r ilo an jipan̄ kōj kōppopo n̄an im bōk m̧are n̄an indeeo?

Rōjan̄ ro uwaan doulul ak kūlaaj eo n̄an kejo̧kļo̧kjeņ im je ta eo renaaj kōm̧m̧ane ekkar n̄an im̧we ko rej en̄jaki rainin. Ewi wāween an katak eo an rainin iookļo̧k kōttōbar ko an juon make me rekar kōm̧m̧ani? Eļan̄n̄e rekōņaan, ro uwaan doulul ak kūlaaj eo remaron̄ kwaļo̧k ļōmņak ko aer.

• Katak im Bujen Ko 49:16–17; 131:1–4; 132:13–19 (M̧are n̄an Indeeo emenin aikuj ilo karōk eo an Anij)

• Gospel Topics, “Marriage,” topics.ChurchofJesusChrist.org

• “What Is a Temple Wedding Like?” pija in alooj, temples.ChurchofJesusChrist.org

• Elder D. Todd Christofferson ekar je: “N̄an kwaļo̧k m̧ool ko raorōk kōn m̧are im baam̧le ejjab n̄an jab mijōk ak kadikļo̧k wujilepļo̧k im lo aenōm̧m̧an ñan ro me jekjek eo em̧m̧an ejjañin de m̧ool. … Eļap ijo em̧m̧an, eļap ijo emenin aikuj—em̧ool jet iien aolep men emenin aikuj n̄an kiiō—maron̄ tōpari ilo jekjek ko me rejjab kanooj em̧m̧an. … Kōn lōke jej kam̧ool bwe Pinmuur eo an Jisōs Kraist em̧ōj an kōtmene im, ilo āliktata, enaaj kōļļā wōņeen aolep likjab im jako an ro rej oktakļo̧k N̄ane” (“Etke Jej M̧are, Etke Jej Bam̧le,” Liaona, Māe 2015, 52).