“Amy A. Wright,” Liahona, Mayo 2022.
Amy A. Wright
Unang Magtatambag sa Kinatibuk-ang Kapangulohan sa Primary
Si Sister Amy A. Wright nakahinumdom sa usa ka gabii pipila ka tuig na ang milabay sa dihang gitambalan siya alang sa stage 4 nga kanser sa ubaryo [ovary]. Hilabihan ang iyang kasakit nga dili na niya mabati nga duol sa Dios. Bisan pa sa iyang pagpamatuod ug sa iyang hugot nga pagtuo sa Langitnong Amahan, sa Manluluwas, ug sa plano sa kaluwasan, siya anaa sa panginahanglan.
Sa bata pa, si Sister Wright gitudloan sa iyang inahan ug sa mga lider sa Primary nga kon mobati og kahadlok, pag-inusara, o panginahanglan sa Espiritu, siya kinahanglang mokanta og kanta sa Primary.
“Apan para lang kana sa mga bata,” siya naghunahuna karon. “Pwede pa ba gayod kana nako?”
Dayon miabot ang tubag—ug ang kanta.
“Ako anak usab sa Dios,” si Sister Wright nahinumdom. “Busa, sa akong hunahuna, misugod ko sa pagkanta, ‘Amahan namo, naa ba gyod ka?’1
“Diha ra ko kutob. Ang matag bahin sa akong pagkatawo napuno sa gugma sa Dios. Kini mabati gayod, diin lahi ra tungod kay dili ko makabati sa bisan unsa. Ako nasayod nga Siya anaa, nga Siya nasayod gayod sa unsay akong nasinati, ug nga Siya usa ka mahigugmaon nga Dios.”
Si Amy Eileen Anderson natawo niadtong Enero 6, 1972, sa Siyudad sa Salt Lake, Utah, USA, ngadto nila ni Joy Bailey ug Robert Anderson. Naminyo siya kang James McConkie Wright niadtong Hunyo 24, 1994, sa Salt Lake Temple. Sila adunay tulo ka anak nga lalaki.
Siya migradwar sa bachelor of science degree sa human development and family studies sa University of Utah niadtong 1998. Nagtrabaho siya sa student media department sa Marquette University’s College of Communication samtang ang iyang bana nag-eskwela sa dental school.
Si Sister Wright nagserbisyo isip Ikaduhang Magtatambag sa Kinatibuk-ang Kapangulohan sa Primary sa miaging tuig ug diha sa Young Women general advisory council sulod sa tulo ka tuig. Ang miaging mga calling naglakip sa pagkahimong presidente sa Primary sa stake ug ward, magtatambag sa kapangulohan sa Relief Society ug Primary sa ward, magtutudlo sa Relief Society, magtutudlo sa Doktrina sa Ebanghelyo, ug lider sa Cub Scout.