Tokanikai iaon Kanganga n te Tataro
Ti na kanga n tokanikai i aon kariiri bwa ti na aki tataro?
Kamataata n te tamnei iroun Andrew Bosley ao Derek L. Smith
“Tataro n taai nako.” E anga te kaetieti aei te Tia Kamaiu nakoira 10 te tai n Reirei ao Berita aika Tabu. Ti ataia bwa—e kanganga iroura bwa ti na uti ao ti a katorobubua naba n tataro—ao n tabetai e na kanganga iroura bwa ti na tataro uoua te tai n te bongina! Ti na kanga n tokanikai man te kanganga aei?
Kanganga: Mwamwaninga
Bon ngaira aomata. N tabetai ti mwaninganako.
Aron katokana:
Kataia n tataro n am tai ni karaoa te bwai ae ko aki toki ni kakaraoia ni katoa bong, bwa e aonga n are ngkana ko karaoia, ao ko na uringnga n tataro. Ngkana ko taku bwa e kataningaroti iroum te uti n tataro ke tao te tataro imwain te matu, kataia n tataro n te tai are ko waakina iai kanoan am bong are ko taneiai iai, n aron buratinakin wiim ke am aoa ni bwainaoraki. Ke ni karaoa te kauring i aon am tabeboon!
Kanganga: Akea mwiina
Tera ae ko nang uti n taekinna ngkana ko karauko ni matu ao n aki tataro ngkebong?
Aron katokana:
Karabwa te Atua n te moaningabong ibukin ana kakabwaia nakoim, ao nakoia naake a kakabwaia maium. Tataro ibukia aomata aikai. Kaota te bwai ae ko na karaoia n te bong anne nakon te Atua ao ni butia bwa E na kairiko. Manga kaoka mwiina nakoina, n te Tairaki. Kaongoa bwaai aika riki ake ko kakaitau iai, ake reiakin, ke ni kunea bwa e kakaongora.
Kanganga: Kataorikaki
Tabetai ko na namakina te aki tau imwin karaoan te kairua—ke ni kan karaoia rimwi. Tabetai e na iai te bwai ae ko un iai iroun te Atua. Tabetai e aki kukurei nanom.
Aron katokana: Tataro n taai nako
A raonaki rawawatam, iroun te Atua. Bon akea, ae “kororaoi” ana tataro, ao bon te tamnei ae buakaka ae reireinia aomata bwa a na aki tataro (taraa 2 Nibwaai 32:8). E kakan ongora am tataro ae aki kororaoi, iroun te Tama—Tao ko na maaku ni kaoti bwaai aika kanganga katokaia iroum—ma e kakawaki bwa e na ongo am tataro.