Panimalay nila ni William ug Caroline Weeks

Dinhi niini nga panimalay, si propeta Joseph Smith ug ang arkitekto nga si William Weeks nagtinabangay aron matuman ang detalyadong disenyo alang sa Templo sa Nauvoo. Ang Balay sa Ginoo mao ang sentro sa espirituwal nga mga butang sa naglambo nga siyudad sa Nauvoo, nga tuyo nga gidisenyo isip pundokanan nga dapit alang sa mga Santos sa Ulahing mga Adlaw alang sa pagkat-on, pagsimba, ug sa pagpaduol kang Jesukristo.

Ang pamilyang Weeks nagpuyo niini nga panimalay sa labing menos sugod sa 1841 hangtod 1846. Si William Weeks ug Caroline Allen nagkahimamat ug naminyo niadtong 1839, nagtukod sa ilang panimalay sa Nauvoo human niana. Gigamit ni William ang kwarto atbang sa sala isip opisina diin didto makigkita sa mga kliyente ug mohimo og mga arkitektural nga mga drowing.

Si William Weeks usa ka arkitekto ug tigtukod sa Massachusetts, diin nadiskobrehan niya ang gipahiuli nga ebanghelyo sa estudyante pa. Si Caroline Allen nakabig kauban sa iyang pamilya duol sa ilang panimalay sa Dryden, New York sa wala pa magpundok sa Nauvoo niadtong 1839. Samtang nagpuyo niini nga panimalay, si William ug Caroline namatyan og duha ka batan-ong anak tungod sa sakit. Kining nahitabong mga trahedya tingali nahupay tungod sa naestablisar nga doktrina mahitungod sa mahangtorong mga pamilya ug mga pagselyo sa templo nga gitudlo sa Nauvoo sa mga tuig 1840.

Unsay Malaoman

Ang paglibot sa Panimalay sa mga Weeks mao ang paglibot sa tulo ka kwarto nga adunay tiggiya nga maglakip sa sala, opisina, ug luyo nga kwartong katulganan. Human makalibot sa panimalay, isuroy ka sa mga misyonaryo ngadto sa Panimalay ni Edward ug Ann Hunter aron ipadayon ang paglibot sa Siyudad sa Templo. Atol sa kapanahonan sa ting-init sa Nauvoo, tingali makasugat ka og mubong live nga pasundayag sa pagsuhid sa talagsaong tahas ni Caroline.

360° nga Pag-aninaw sa Tibuok Palibot