Panimalay nila ni William ug Esther Gheen

Niini nga panimalay, ang pamilyang Gheen mipahinungod sa ilang kinabuhi sa pagtukod sa Zion. Gitampo ni William ang matag ikanapulo nga adlaw sa iyang trabaho sa pagtabang sa pagtukod sa templo pinaagi sa paggamit sa iyang mga kabayo nga kargahan sa kinalot nga mga bato ngadto sa luna nga gitukoran. Si Esther mipasakop sa Relief Society sa mga Babaye pagka-1842. Siya ug ang iyang mga anak, midonar ngadto sa penny drive nga gipahigayon sa Relief Society aron makatigom og pundo alang sa pagtukod sa templo.

Si William ug Esther Gheen nabunyagan ug gikompirmahan nga mga miyembro sa Ang Simbahan ni Jesukristo sa mga Santos sa Ulahing mga Adlaw pagka--1839 sa Pennsylvania. Pagka-1842, kauban sa pamilyang Hunter, si William, Esther, ug ang ilang unom ka anak namalhin 1448.41 ka kilometro gikan sa Chester County, Pennsylvania ngadto sa Nauvoo, Illinois. Mipalit sila og hapit duha ka ektaryang yuta ubos dapit sa templo ug didto nagtukod og balay nga tisa. Pagka-Disyembre 1844, gidonar nila ang katunga sa ektarya nga ilang napalit isip ikapulo. Ang pamilyang Gheen family nagpuyo niini nga balay gikan sa 1842 hangtod 1846.

Samtang nagpuyo niini nga balay, ang pamilyang Gheen napanalanginan sa mga ordinansa sa templo. Pagka-1843, si William ug Esther kaduha miadto sa bunyaganan sa templo aron magpabunyag alang sa mga sakop sa pamilya nga patay na sa wala pa nila madawat ang gipahiuli nga ebanghelyo ni Jesukristo. Human sa wala damhang pagkamatay ni William niadtong Hunyo 1845, si Esther nagpabiling matinud-anon. Didto sa Templo sa Nauvoo, nadawat niya ang iyang pagtuga pagka-Disyembre 1845 ug naselyo pinaagi sa proxy ngadto sa iyang patay na nga bana alang sa kahangtoran pagka-Pebrero 2, 1846.

Basaha ang mahitungod sa hiniusang mga paningakmot sa mga Santos ug mga panglimbasog sa pagtukod sa Templo sa Nauvoo, lakip sa usa ka asoy bahin sa paghalad ni Esther Gheen sa pagdonar og hilo nga siya mismo ang naghimo diha sa Mga Santos, Volume 1, Kapitulo 41.

Unsay Malaoman

Ang paglibot sa Panimalay sa mga Gheen mao ang paglibot sa duha ka kwarto nga adunay tiggiya nga paglibot nga maglakip sa kwartong kan-anan ug sala. Human makalibot sa Panimalay sa mga Gheen, libre na nimong suhiron ang tibuok Nauvoo.

360° nga Pag-aninaw sa Tibuok Palibot