Pabilyon nga Ginama sa mga Bato sa Templo

Ang pabilyon nagbarog sa dos mil metro kwadrado nga luna nga kaniadto gipuy-an sa pamilyang Jones nga nagpuyo dinhi sa tuig mga 1841 hangtod 1846. Ang mga Jones nasakop sa komunidad sa Nauvoo nga adunay pakigsaad. Sama sa uban, naghimo sila og dagkong mga sakripisyo nga itabang sa pagtukod sa Balay sa Ginoo sa katuigan sa 1840. Karon, ang pabilyon alang sa kalihokan naggamit og modernong mga himan sa paghulagway sa gibuhat nga pagkalot, paghulma ug pagpahimutang sa bato nga gigamit sa pagtukod sa Templo sa Nauvoo.

Si William ug Elizabeth Jones naminyo niadtong 1825, nakabig sa Ang Simbahan ni Jesukristo sa mga Santos sa Ulahing mga Adlaw samtang nagpuyo sa Cincinnati, ug namalhin sa Nauvoo niadtong pagka-Disyembre 1840. Gipanganak ni Elizabeth ang ilang ika-onse ug kataposang anak samtang nagpuyo sila niini nga luna.

Si William Jones usa ka hanas nga tigtabas sa bato miporma sa unang sihag nga bato [moonstone] alang sa Templo sa Nauvoo. Si William naggikan sa Lungsod sa Bristol (nga sa wala madugay nahimong usa ka bahin sa Philadelphia), Pennsylvania, ug si Elizabeth natawo sa New York City, New York. Si Elizabeth Jones mipasakop sa Relief Society sa mga Babaye sa Nauvoo sa una niini nga miting pagka-Marso 17, 1842. Gitugotan siyang mangolekta og mga donasyon alang sa Relief Society nga nagtabang sa paggasto sa konstruksiyon sa templo ug misuporta pa gayod sa mga trabahante sa templo pinaagi sa pag-atiman sa ilang mga sinina. Pagka-Enero 31, 1846, si William ug Elizabeth Jones nakadawat sa ilang mga pagtuga [endowment] didto sa Templo sa Nauvoo.

Unsay Malaoman

Ang Pabilyon nga Ginama sa mga Bato usa ka dapit alang sa aktibo nga kalihokan sama sa pagpanahi, pagpangsilsil, pagpasinaw, ug paghakot og mga bato nga anapog. Ang mga misyonaryo mosangkap og pangsalipod nga mga antipara ug mga gwantes, ug mga kalihokan kinahanglan nga himoon ubos sa ilang superbisyon.