Nofoaga o le Toefuataiga o le Perisitua ma le Papatisoga

I le aso 15 o Me, 1829, na faaali mai ai se agelu ia Iosefa Samita ma Oliva Kaotui i le togavao e latalata i le fale o le aiga o Samita. Na “fai mai le agelu o lona igoa o Ioane, o ia lava lea e ta’ua o Ioane le Papatiso i le Feagaiga Fou.” Na faaee atu e Ioane le Perisitua Arona i luga o Iosefa ma Oliva, ma tuuina atu ia i laua le pule e papatiso ai e ala i le faatofuina mo le faamagaloina o agasala. Ona faatonuina lea e Ioane ia Iosefa ma Oliva e “o ma papatisoina.” Na muamua papatisoina e Iosefa ia Oliva, ona papatisoina lea e Oliva o Iosefa (Iosefa Samita—Talafaasolopito 1:68–72). Na tusia e Iosefa Samita e uiga i lenei aafiaga: “O le taimi lava na ma o a’e ai i luga mai le vai ina ua uma ona papatisoina i ma’ua, na oo mai ai ia i ma’ua faamanuiaga tetele ma le mamalu mai lo tatou Tamā Faalelagi…Sa faatumulia i ma’ua i le Agaga Paia, ma olioli i le Atua o lo ma’ua faaolataga.” (Iosefa Samita—Talafaasolopito 1:73).

O le asō, o lenei vaega o le Vaitafe o Susquehanna ua saunia ai se nofoaga filemu mo tagata asiasi e mafaufau ai i le toe foi mai o le perisitua ma le sauniga o le papatisoga i o tatou aso.

Faitau atili e uiga i le toefuataiga o le perisitua e Ioane le Papatiso ma papatisoga o Iosefa Samita ma Oliva Kaotui i le Au Paia Voluma 1, Mataupu 7.

O Mea e Faamoemoe i Ai

E talia tagata asiasi e savavali solo ma fiafia i le Vaitafe o Susquehanna ma le nofoaga o le papatisoga.

Ata 360°