Auala o le Toefuataiga o le Perisitua Arona

Ia Me 15, 1829, na o atu ai Iosefa Samita ma lana tusiupu o Oliva Kaotui “i le vao e tatalo ma ole atu i le Alii e uiga i le papatisoga mo le faamagaloina o agasala, lea o loo taʼu mai i le faaliliuga o papatusi [o le Tusi a Mamona].” Na tali mai le Atua i la laua tatalo e ala i le auina mai o se avefeau agelu: o Ioane le Papatiso, o lē na papatisoina Iesu Keriso. “I luga o oulua o’u uso a auauna e, i le suafa o le Mesia,” na fai mai ai Ioane ina ua tuu ona lima i luga o o laua ulu, “ou te faae’e atu i ai le Perisitua o Arona.”

Na faamalamalama mai e Ioane o lenei Perisitua Arona o loo umia “ki o le … talalelei o le salamo, ma o le papatisoga i le faatofuina mo le faamagaloina o agasala.” Sa ia folafola mai foi o le a tuuina mai se isi perisitua, faatasi ai ma le “mana o le faae’e atu o lima mo le meaalofa o le Agaga Paia,” i se taimi mulimuli ane. Ina ua uma ona tuuina atu ia Iosefa ma Oliva le Perisitua Arona, sa faatonuina i laua e Ioane e papatiso le tasi i le isi i le Vaitafe lata ane o Susquehanna.

E ui e le o iloa le nofoaga tonu na faaali atu ai Ioane le Papatiso ia Iosefa ma Oliva, ae o se ala e amata i le tulimanu i matusisifo o le Nofoaga Autu mo Tagata Asiasi e tau atu i se togavao filemu o laau sua, e pei o le nofoaga o loo faamatalaina i faamaumauga o talafaasolopito. Ina ia faasaoina le paia ma le matagofie o lenei togavao, ua talosagaina ai tagata asiasi ina ia tumau i auala ua faailogaina, faaaloalo i le nofoaga natura, ma tautatala musumusu.

O Mea e Faamoemoe i Ai

O auala e le o se vaega o le maimoaga taamilo e tuuina atu i le Nofoaga o le Toefuataiga o le Perisitua. Ia e saoloto e suesue na o oe. E tolu auala e faia ai se lio faataamilo i le eria. O le auala aupito umi e tusa ma le 0.11 maila, ae o le auala aupito puupuu e tusa ma le 0.03 maila. O le auala puupuu ua laina ai faailoga faamatala upu.

360° Faasologa