Lix evangelio li Jesukristo naru taarosob’tesi laa yu’am

Hehe’! Jo’ komon sa’ Lix Iglees li Jesukristo reheb’ laj Santil Paab’anel sa’ Roso’jikeb’ li Kutan, laa’o naqapaab’ naq li Jesukristo a’an li Ralal li Dios ut laj Kolol re li ruchich’och’. Jwal wi’chik nokoxra chiru li naqak’oxla. Laa’o naqataaqe li Jesus chi anchal qach’ool. Us ta jalan jalanq li qapaab’aal, naqapaab’ naq rik’in lix yu’am, lix k’anjel, lix mayej, ut lix waklijik chi yo’yo, li Jesukristo nokoxkol chiru li maak, li rahob’tesiik, ut li kamk.

Tzolon chirix li k’a’ru naqapaab’.

Jalan jalanq xhooril li iglees sa’ li junjunq chi ch’uut. A’b’anan, naru nakataw jun ch’utam re loq’onink choq’ re chixjunileb’, ut chirix a’an wankeb’ li tzoleb’aal choq’ reheb’ li kok’al, li saaj, ut li ninq.

Li ch’utam choq’ re chixjunileb’, a’an li “ch’utam re li loq’laj wa’ak.” Sa’ li ch’utam a’in nokob’ichan, nokotijok, naqab’i li jultikanb’il aatin rik’in jalan jalanqeb’ li komon rajlal xamaan. A’b’an li k’anjel q’axal aajel ru re li ch’utam a’an xk’ulb’al li loq’laj wa’ak (a’an chanchan li Comunion) re xjultikankil li Kolonel.

Tzol xkomon chik chirix li loq’onink sa’ domingo malaj taw jun li iglees b’ar wankat.

Choq’ reheb’ laj santil paab’anel, jun santil ochoch jalan wi’ rik’in lix komoneb’ chik li kab’l re li Iglees. Sa’ li santil ochoch, eb’ laj santil paab’anel neke’tzole’ chirix li Dios ut li Jesukristo. Sa’ li santil ochoch, eb’ li komon neke’ok sa’ sumwank (malaj neke’ok sa’ aatin) chi junelik rik’in li Dios. Naqayeechi’i naq te’qapaab’ li taqlahom, taqayu’ami lix evangelio li Jesukristo, taqoxloq’i li qasumlajik, ut taqil qib’ chiqib’il qib’ rik’in xwotzb’al li k’a’ru wan qe.

Jo’kan ajwi’, xb’aan naq naqapaab’ naq taawanq li junkab’al chi junelik, nokok’anjelak sa’ li santil ochoch re xlaq’ab’ankileb’ li junkab’al sa’ junajil. Li sumlaak sa’ li santil ochoch a’an chi junelik q’e kutan, ink’a’ ka’ajwi’ chiru xnajtil li yu’am a’in. Eb’ li na’b’ej yuwa’b’ej ut li alalb’ej k’ajolb’ej neke’ok jo’ junkab’al chi junelik sa’ li santil ochoch. Eb’ li kamenaq naru ajwi’ neke’xk’ul chixjunileb’ li rosob’tesihom li santil ochoch wi ani naxk’uleb’ li santil k’ojob’anb’il k’anjel ruuchileb’ a’an ut wi neke’xk’ulub’a li k’anjel a’an. K’a’jo’ naq yooko chi k’anjelak sa’eb’ li santil ochoch!

Lix Hu laj Mormon a’an jun musiq’anb’il loq’laj hu li nokoxtzol chirix li Dios ut li Jesukristo. Nokoxtenq’a chixk’ulb’al qab’eresinkil sa’ li qayu’am ut naru nokoxtenq’a chi nach’ok rik’in li Jesukristo. B’ar nachal chaq xk’ab’a’? K’iila cient chihab’ chaq, jun profeet, laj Mormon xk’ab’a’, kixch’utub’eb’ lix tz’iib’ahomeb’ lix tenamit. Eb’ a’an ke’xnumsi li ch’a’ajkilal naqanumsi ajwi’ laa’o. Ut, jo’ laa’o, ke’xtaw xkawilaleb’ naq ke’xsik’ li Jesukristo. Il li xb’eenil na’leb’ chirix lix Hu laj Mormon rik’ineb’ li misioneer.

Rochb’een li Santil Hu, lix Hu laj Mormon a’an jun chik ch’olob’an’il esil chirix li Jesukristo ut lix loq’laj k’anjel jo’ aj Kolol re ut aj Tojol rix li ruchich’och’. Chi junajinb’ileb’, li Santil Hu ut lix Hu laj Mormon neke’xk’e li na’leb’ chirix li xnimal xrahom li Dios choq’ qe chiqajunilo ut naru nokohe’xtenq’a chi nach’ok rik’in a’an. 

Tzol xkomon chik chirix li k’anjel neke’xb’aanu li Santil Hu ut lix Hu laj Mormon sa’ komonil.

Hehe’. Li Santil Hu a’an li raatin li Dios, jun loq’laj hu, ut naq naqataaqe li naxye naqataw xsahil qach’ool sa’ li qayu’am. Rochb’een li Santil Hu, naqataw ajwi’ li musiq’anb’il na’leb’ sa’ xkomoneb’ chik li loq’laj hu li ka’ajwi’ neke’tawman sa’ Lix Iglees li Jesukristo reheb’ laj Santil Paab’anel sa’ Roso’jikeb’ li Kutan. Neke’k’anjelak sa’ komonil re xk’utb’al xninqal ru na’leb’ chiqu chirix li Dios ut li Jesukristo.

Tzol xkomon chik li na’leb’ chirix li naqapaab’ chirix li Santil Hu.