Naverina tamin’ny laoniny ny Fiangonan’i Jesoa Kristy

Ny Fiangonana fahiny

One oil painting on wooden panel. Depicts Jesus instructing the Twelve in a rocky landscape beneath a tree. The light suggests early evening. Rmenamts of a small campfire are evident. Jesus extends his right arm while the standing and sitting apostles look at him with a variety of expressions and assumed poses. The subject and title are taken form Matthew Chapter 10.

Nanorina ny Fiangonany i Jesoa Kristy

Ampahany manan-danja tamin’ny asa fanompoan’i Jesoa Kristy teto an-tany ny nananganany ny Fiangonany.
Niantso ireo Apôstôly Roambinifolo izy mba hampianatra sy hampiely ny filazantsara.
Nomeny fahefana hiasa amin’ny anaran’ Andriamanitra ireo Apôstôly, izay fantatra amin’ny hoe fisoronana (jereo ny Matio 10:1–10

Leaving Church Domain

You are about to leave our site. The new site has its own terms of use and privacy policy that differ from ChurchofJesusChrist.org

).

Very ilay Fiangonan’i Jesoa Kristy

Taorian’ny nanomboana an’i Jesoa dia niatrika fanoherana sy fanenjehana ireo Apôstôliny, ary nitarika ny fahafatesan’izy ireo ny tranga sasany tamin’izany.
Nampiasa ny fivavahana entina hampitomboana ny fahefan’izy ireo manokana ny olona sasany, na nihataka mba hanorina antokom-pivavahana izay mandika vilana ny fampianaran’ny Mpamonjy.
Rehefa nandeha ny fotoana dia nesorina teto an-tany ny fisoronana ary fahamarinana manan-danja maro no very.

Ezaka natao hitondrana fanavaozana

Tany amin’ny taonjato faha 16 tany dia nahatsapa ny tsy fahafenoana teo amin’ny sehatry ny Kristianisma ireo olona toa an’i Martin Luther sy i John Calvin ary niezaka nanavao ireo fiangonana efa nisy.
Fiangonana vaovao maro no naorina mba hanarahana amin-kitsimpo an’i Jesoa Kristy sy ny fampianarany tena izy.
Indrisy anefa fa ireo fivavahana ireo dia mbola tsy nanana ny fahefan’ny fisoronana avy amin’ Andriamanitra mba hanatanterahana ôrdônansy toy ny batisa na ny fanasan’ny Tompo.

Nantsoina ho mpaminany i Joseph Smith

Joseph Smith's First Vision

Ny Fahitana Voalohany azon’i Joseph Smith

Antonony

Kely

Na dia teo aza ny ezaka natao nandritra ny Fanavaozana Protestanta, dia nilaina ny famerenana amin’ny laoniny feno, izay tarihin’ny mpaminany nofidin’ Andriamanitra.

Ny fotoan’izany famerenana amin’ny laoniny izany dia tonga tamin’ny 1820 rehefa nanomboka nahatsapa “fahasahiranana lehibe”, araka ny teniny, momba ny fiadanan’ny fanahiny sy ny fiangonana tokony hidirany ny zazalahy iray 14 taona nantsoina hoe Joseph Smith (

Joseph Smith—Tantara 1:8

).

Indray andro, raha nandalina ny Baiboly i Joseph, dia namaky ny hoe: “Ary raha misy hianareo tsy manam-pahendrena, aoka izy hangataka amin’ Andriamanitra, Izay manome malalaka ho an’ny olona rehetra sady tsy mandatsa; ary dia homena azy izany” (Jakoba 1:5).

Nisy fiantraikany mahery vaika teo amin’i Joseph io soratra masina io, izay nanosika azy hitady alakely mangina izay nivavahany tamin’ny fony manontolo mba hahazoany ny fitarihan’ Andriamanitra. Nanoratra izao tantara izao momba ny zava-nitranga taorian’izay izy:

Tamin’izay fotoam-pahatairana lehibe izay no nahitako andrim-pahazavana teo ambonin’ny lohako indrindra, nihoatra ny famirapiratan’ny masoandro, nidina tsikelikely teo amboniko. … Rehefa nijanona teo amboniko ilay hazavana dia nahita Olona roa aho izay mihoatra ny famaritana rehetra ny famirapiratany sy ny voninahiny nijoro nitsingevaheva teo amboniko. Niteny tamiko ny anankiray Taminy, niantso ahy tamin’ny anarako sady nanondro ilay anankiray no nanao hoe—Ity no Zanako Malalako. Henoy Izy! (Joseph Smith—Tantara 1:16–17).

Niseho tamin’i Joseph Smith Andriamanitra Ray sy i Jesoa Kristy Zanany, ary nilaza taminy fa voavela ny fahotany ary tsy misy tamin’ireo fiangonana tokony hidirany ho mpikambana. Fa i Josefa kosa dia voafidy ho mpaminanin’ Andriamanitra izay hamerina amin’ny laoniny ny Fiangonana marin’i Jesoa Kristy eto an-tany.

Ny Fiangonana naverina tamin’ny laoniny

Tamin’ny alalan’i Joseph Smith dia naverin’i Jesoa Kristy tamin’ny laoniny ilay Fiangonana izay naoriny tamin’ny andro fahiny, izay midika fa:

Naverina naorina indray niaraka tamin’ny

mpaminany sy Apôstôly Roambinifolo

ny Fiangonana.

Azo atao batisa ao amin’ny Fiangonany ireo mpianatr’i Kristy miaraka amin’ny fahefan’ny fisoronana tena marina avy amin’ Andriamanitra ary omena ny fanomezana ny Fanahy Masina.
Naverina tamin’ny laoniny teto an-tany indray ireo fombafomba ara-pivavahana manan-danja izay fantatra amin’ny hoe ôrdônansin’ny fisoronana, anisan’izany ny hery hamehezana ny fianakaviana ho amin’izao fiainana izao sy ho amin’ny mandrakizay.

Ny tena manan-danja indrindra angamba dia nisy iraka avy any an-danitra nanambara tamin’i Joseph ny fisian’ny

Bokin’i Môrmôna

, izay testamenta iray hafa momba an’i Jesoa Kristy. Ity bokin-tsoratra masina ity dia nosoratan’ireo mpaminany tany Amerika fahiny, ary nadikan’i Joseph tamin’ny alalan’ny fitaomam-panahy avy any an-danitra ilay boky.

Tamin’ny alalan’ny Bokin’i Môrmôna sy ny

fanambarana maoderina avy amin’ Andriamanitra

, dia nambara ireo fahamarinana manan-danja momba ny drafitr’ Andriamanitra ho antsika sy ny tanjontsika eto an-tany. Tafiditra amin’ireo fanambarana ireo:

Ny fahatakarana lalina kokoa momba ny anjara asan’i Jesoa Kristy.
Ny fahalalana fa niaina niaraka tamin’ Andriamanitra isika talohan’ny nahatongavantsika teto an-tany.
Ny fahalalana hoe eto isika mba ho tonga tahaka ny Raintsika any An-danitra kokoa, ary hiverina hiara-hiaina Aminy indray.
Ny toky fa afaka miara-miaina mandrakizay miaraka amin’ny fianakaviantsika isika.

Ankehitriny dia mbola tarihin’ny mpaminany velona iray sy Apôstôly hatrany ny Fiangonan’i Jesoa Kristy ho an’ny Olomasin’ny Andro Farany. Ny fampianaran’izy ireo ho an’izao “andro farany” izao dia ahitana ny fampitomboana ny fifantohantsika amin’ny Mpamonjy, ny fikarakarana ny mahantra, ny fanatsaharana ireo fifandirana manokana eo amin’ny fiainantsika, ary ny fanamafisana orina ny fianakaviana. Noho ny fitarihana sy ny fahendren’izy ireo amin’ny maha mpaminany azy ireo dia olona an-tapitrisany manerana izao tontolo izao no afaka miaina ireo fitahiana entin’ny Fiangonan’i Jesoa Kristy naverina tamin’ny laoniny.

Mianara misimisy kokoa momba ny Fiangonan’i Jesoa Kristy

Tahaka an’i Joseph Smith dia afaka mahazo ny valin’ny vavaka ataontsika isika tsirairay avy. Miresaha amin’ireo misiônera mba hianatra momba an’ Andriamanitra izay tia anao sy te hanampy anao hahita ny fahamarinana.

A young woman is outdoors and smiling. She is looking towards the camera. She is at Antelope Island State Park in Utah.

Mahafantatra anao sy tia anao Andriamanitra

Tia ny zanany rehetra Andriamanitra, izay midika hoe tia anao Andriamanitra. Afaka manakaiky kokoa ny Rainao any An-danitra ianao amin’ny alalan’ny vavaka ary mianatra mamantatra ny fitarihany be fitiavana eo amin’ny fiainanao.

I Jesoa Kristy no Mpamonjy anao

I Jesoa Kristy no ilay Zanakalahin’ Andriamanitra—Mpamonjy sy Mpanavotra antsika, izay nirahina mba hamonjy antsika rehetra. Noho Izy dia afaka mahatsapa fifaliana sy fiadanana ianao noho ny fahafantarana fa afaka ny hafahana amin’ny fahotana ianao ary indray andro any dia hiaina mandrakizay miaraka amin’ Andriamanitra sy ireo olona ankamamianao.