Mga Karaniwang Tanong tungkol sa Ang Simbahan ni Jesucristo ng mga Banal sa mga Huling Araw

Paniniwalang Kristiyano

Oo! Naniniwala kami na si Jesucristo ang Anak ng Diyos at ang Tagapagligtas ng sanlibutan, at nagsisikap kaming sundin Siya. Tulad ng maraming relihiyong Kristiyano, ang mga detalye ng aming mga paniniwala ay naiiba sa mga kapwa namin. Ngunit kami ay matatapat na tagasunod ni Cristo at ng Kanyang mga turo. Ang natatangi at magagandang bahagi ng aming teolohiya ay tumutulong para mapalalim ang aming pag-unawa kay Jesus at sa Kanyang ebanghelyo.
Ang Santisima Trinidad ay katagang ginagamit ng maraming Kristiyanong relihiyon upang ilarawan ang Diyos Ama, si Jesucristo, at ang Espiritu Santo. Naniniwala kami sa pag-iral ng tatlo, ngunit naniniwala kami na Sila ay magkakahiwalay at magkakaibang katauhan na iisa ang layunin. Ang layunin nila ay tulungan tayong makamit ang tunay na kagalakan—sa buhay na ito at pagkatapos nating mamatay.

Alamin ang iba pa
Oo!  Si Jesus ang pundasyon ng aming pananampalataya—ang Anak ng Diyos at ang Tagapagligtas ng sanlibutan. Naniniwala kami na ang buhay na walang hanggan kasama ang Diyos at ang ating mga mahal sa buhay ay dumarating sa pamamagitan ng pagtanggap sa Kanyang ebanghelyo. Ang buong pangalan ng aming Simbahan ay Ang Simbahan ni Jesucristo ng mga Banal sa mga Huling Araw, na pinagninilayan ang Kanyang mahalagang papel sa ating buhay. Ang Biblia at ang Aklat ni Mormon ay nagpapatotoo kay Jesucristo, at kapwa namin pinahahalagahan.

Ang bersikulo na ito mula sa Aklat ni Mormon ay nakatutulong na ihatid ang aming paniniwala, “At nangungusap tayo tungkol kay Cristo, nagagalak tayo kay Cristo, nangangaral tayo tungkol kay Cristo, nagpopropesiya tayo tungkol kay Cristo, at sumusulat tayo alinsunod sa ating mga propesiya, upang malaman ng ating mga anak kung kanino sila aasa para sa kapatawaran ng kanilang mga kasalanan” (2 Nephi 25:26).

Alamin ang iba pa
Naniniwala kami na ang kamatayan ay hindi ang wakas para sa sinuman sa atin at na ang mga ugnayang nabubuo natin sa buhay na ito ay maaaring magpatuloy pagkatapos ng buhay na ito. Dahil sa sakripisyo ni Jesucristo para sa atin, lahat tayo ay mabubuhay na mag-uli upang mabuhay magpakailanman sa mga perpektong katawan na walang sakit at kirot. Ang Kanyang biyaya ay tumutulong sa atin na mamuhay nang matwid, magsisi sa mali, at maging higit na katulad Niya upang magkaroon tayo ng pagkakataong makapiling ang Diyos at ang ating mga mahal sa buhay sa kawalang-hanggan.

Alamin ang iba pa

Uri ng Pamumuhay

Ang katawagang “Mormons” ay palayaw na nanggaling sa isang banal na kasulatan na sa aming Simbahan lamang matatagpuan, na tinatawag na Aklat ni Mormon. Hindi kami ang gumawa ng palayaw na ito, ngunit maraming mga tao ang gumagamit nito para tukuyin ang Simbahan at ang mga miyembro nito. Noon, tinanggap namin ang katawagan at ginamit din para sa aming mga sarili, ngunit kamakailan lamang ay sinimulan naming hilingin sa mga tao na tawagin ang Simbahan sa buong pangalan nito: Ang Simbahan ni Jesucristo ng mga Banal sa mga Huling Araw. 

Ang pagbibigay-diing ito sa paggamit ng buong pangalan ng Simbahan ay tumutulong sa atin na sundin ang utos ng Panginoon na ibinigay kay Propetang Joseph Smith: “Sapagkat sa ganito tatawagin ang aking simbahan sa mga huling araw, maging Ang Simbahan ni Jesucristo ng mga Banal sa mga Huling Araw” (Doktrina at Mga Tipan 115:4). Nakatutulong din itong mapatunayan na si Jesus ang sentro ng aming relihiyon at paniniwala.

Ang “Mga Banal sa mga Huling-Araw” ay mabuting paraan upang tawagin ang mga kaibigan mo na mga miyembro ng Simbahan.
Ang mga miyembro ng Ang Simbahan ni Jesucristo ng mga Banal sa mga Huling Araw ay katulad ng sinuman sa iba mo pang mga kaibigan at kapitbahay. Nagtatrabaho kami, nag-aaral, nag-uukol ng oras sa mga kaibigan at kapamilya, nakikilahok sa isports, at nasisiyahan sa iba’t ibang libangan.

Nakararanas kami ng mga kagalakan at hamon tulad ng iba, ngunit naniniwala kami na kapag ginawa natin ang lahat para matularan ang halimbawa ni Jesucristo, binibigyan tayo ng Diyos ng karagdagang pananaw at lakas na makayanan ang mga hamon ng buhay. Mayroon din kaming masuportang komunidad ng simbahan na masasandigan.

Sinusubukan naming panatilihing nakasentro sa aming buhay si Jesus at ang Kanyang mga turo. Ang aming mga paniniwala tungkol sa Tagapagligtas at sa Kanyang mga turo ay nakakaapekto sa aming pang-araw-araw na mga desisyon tungkol sa aming pananalita, pananamit, at pagkilos. Halimbawa, sinusubukan naming iwasan ang pagtatrabaho o pamimili tuwing Linggo upang mapanatiling banal ang araw ng Sabbath, tulad ng itinuturo sa Biblia. Ang aming relihiyon ay isang relihiyon na ipinangangaral sa araw ng Linggo at mainam na isinasagawa araw-araw.


Alamin ang iba pa
Kung minsan sa Biblia, nagbigay ang Diyos ng mga tagubilin sa pamamagitan ng Kanyang mga propeta na umiwas sa ilang pagkain (tingnan sa Levitico 11). Ang huwarang iyan ay patuloy pa rin ngayon sa Word of Wisdom, mga inspiradong alituntuning pangkalusugan na ibinigay sa Propeta Joseph Smith kapwa para sa ating pisikal at espirituwal na kapakinabangan. Ang Word of Wisdom ay kinabibilangan ng patnubay ng Diyos sa mga bagay tulad ng pagkain ng masusustansyang pagkain at pagsasanay, gayundin ng patnubay na iwasan ang kape, tsaa, tabako, alak, at pang-aabuso sa droga.

Dalawa sa mga pinakadakilang kaloob na ibinigay ng Diyos sa bawat isa sa atin ay ang ating pisikal na katawan at kalayaang pumili. Ang pagsunod sa Word of Wisdom ay tumutulong sa atin na igalang at pangalagaan ang ating katawan at panatilihing malinaw ang ating isipan upang maging mas bukas tayo sa Banal na Espiritu. Tinutulungan din tayo nitong iwasan ang adiksyon, na maaaring magpahina sa ating malayang pagpili.

Alamin ang iba pa
Members are shaking hands and greeting each other in a foyer of a meetinghouse in India.

Mga Pulong sa Simbahan

Ang mga oras ng pagsisimula para sa aming mga pagpupulong sa araw ng Linggo ay iba-iba batay sa lokasyon. Sa mga lugar na may maraming miyembro ng Simbahan, maaaring maraming kongregasyong nagpupulong sa iba’t ibang oras sa parehong gusali. Mahahanap mo ang lugar at oras ng miting ng kongregasyon na pinakamalapit sa iyo rito: Find a Church
Lahat ng mga kongregasyon sa buong mundo ay may magkakaparehong mga pagpupulong tuwing Linggo na tumatagal ng dalawang oras. Sa tinatawag naming sacrament meeting, lahat ay sama-samang nagtitipon. Ang pagpupulong na ito ay mayroong pambungad at pangwakas na panalangin, ilang himno, at maikling pagsasalita na ibinibigay ng mga miyembro ng kongregasyon.

Ang pinakamahalagang bahagi ng sacrament meeting ay ang pakikibahagi sa sakramento, na katulad ng Komunyon sa iba pang mga relihiyong Kristiyano. Sa oras ng sakramento, inaalala namin si Jesucristo at muling nangangako na susundin Siya habang kinakain namin ang maliit na piraso ng tinapay at umiinom ng tubig sa maliliit na baso na sumisimbolo sa katawan at dugo na inialay Niya para sa atin.

Bukod pa sa sacrament meeting, inaanyayahan ang mga tao na manatili sa ikalawang oras para mag-aral sa mas maliliit at mas interaktibong paraan. May iba’t ibang klase para sa mga adult, mga kabataan, at mga bata kung saan pinag-aaralan namin ang mga banal na kasulatan at mga salita ng mga buhay na propeta at tinatalakay kung paano natin masusunod si Jesucristo.

Alamin ang iba pa
Malugod ka naming tatanggapin anuman ang iyong estilo sa pananamit. Kung nag-aalala ka na baka ikaw ay makaagaw ng pansin, sinisikap naming magsuot ng mas magandang damit kaysa sa isinusuot namin sa mga karaniwang araw, para maipakita namin ang aming pagpipitagan sa Diyos. Ang pinakakaraniwang damit na makikita mo sa simbahan ay ang polo at kurbata para sa kalalakihan at palda o bestida para sa kababaihan.
May mga bisita kami sa halos lahat ng kongregasyon, kaya sanay na kaming makakita ng mga bagong mukha. Sa isang malaking kongregasyon, maaaring hindi mapansin ng mga tao na ikaw ay bisita. Sa ibang lugar naman, maaaring mapansin ka ng mga tao at mangamusta sa iyo. Ano pa man, huwag mag-atubiling ipakilala ang iyong sarili at magtanong ng anumang bagay na nais mong malaman.
Hindi. Kapag ang tinapay at tubig ng sakramento ay ibinibigay sa kongregasyon, maaari mong ipasa ang trey sa susunod na tao at pagkatapos ay umupo lang at lugdan iba pang bahagi ng pagpupulong. Makikita mo ang mga taong nagboboluntaryo na makilahok sa iba pang mga paraan, tulad ng pagsagot sa tanong ng isang guro sa oras ng klase, ngunit hindi mo kailangang itaas ang iyong kamay kung hindi mo gusto.
Hindi. Naniniwala kami sa batas ng ikapu na matatagpuan sa Biblia. Ngunit ang mga miyembro namin na pinipiling magbayad ng ikapu ay ginagawa ito nang pribado, at hindi bilang bahagi ng mga pulong. Hindi ka hihilingang magbigay ng donasyon sa mga pagpupulong.
Pwede! Ang simbahang ito ay nakatuon sa pamilya. Ang mga anak ay nakaupo kasama ng kanilang mga magulang sa sacrament meeting at pagkatapos ay nakikibahagi sila sa mga aktibidad kasama ang mga bata o tinedyer na kaedad nila habang dumadalo ang mga adult sa Sunday School. Ang mga klase para sa mga bata at kabataan ay palaging mayroong dalawa o higit pang mga adult. May silid na magagamit ng mga ina para sa pagtugon sa mga pangangailangan ng kanilang mga sanggol.
Oo! Naniniwala kami na lahat tayo ay mga anak ng Diyos, at ang Kanyang mga ipinangakong pagpapala ay para sa ating lahat habang sinisikap nating sundin ang Kanyang salita, anuman ang ating mga katangian o nakaraan. Ang Simbahan ay isang lugar para matuto at umunlad ang lahat. Maaaring may stereotype kayo sa inyong isipan na sa palagay ninyo ay hindi kayo nababagay, ngunit ang totoo ay nagmumula ang aming mga miyembro sa lahat ng iba’t ibang pinagmulan at interes. Bumisita ka, at baka magulat ka kung sino ang makikita mong nakaupo sa tabi mo.
Oo. Sa aming mga kongregasyon, lahat ay may pagkakataong mag-ambag. Ang kababaihan at kalalakihan ay humahawak ng katungkulan sa pamumuno, naglilingkod sa mga komite, nagtuturo sa mga klase, nagsasalita mula sa pulpito, nagbibigay ng mga panalangin, at nag-oorganisa at namumuno sa mga aktibidad. Kahit ang mga bata at mga kabataan ay may mga pagkakataong gawin ang mga bagay na ito.

Kasunod ng huwarang itinakda ni Jesus sa pagtawag sa Kanyang Labindalawang Apostol at pagbibigay sa kanila ng mga susi ng awtoridad ng priesthood mula sa Diyos, tanging kalalakihan lamang ang mayhawak ng mga susi ng priesthood ngayon. Dahil doon, ang ilang katungkulan at tungkulin sa pamumuno sa Simbahan ay ginagawa lamang ng kalalakihan. Ngunit ang iba pang mahahalagang katungkulan at tungkulin ay hawak lamang at ginagampanan ng kababaihan. Ang kababaihan ay naglilingkod, namumuno, nagpapatotoo, at nagtuturo nang madalas sa mga miting ng simbahan. Kung handa kayong mag-ambag sa inyong lokal na kongregasyon, laging may mga pagkakataong gawin ito.

Alamin ang tungkol sa aming grupo ng kababaihan.
Maraming tao ang hindi komportable sa organisadong relihiyon at mas gustong makaranas ng espirituwalidad at mamuhay nang mabuti nang mag-isa. Ang totoo, kailangan natin ang dalawang ito.

Ang mga espirituwal na karanasan at paglilingkod sa iba sa buong linggo ay pundasyon ng pakikipag-ugnayan sa Diyos. Ngunit ang ilan sa mga kautusan ng Diyos, tulad ng pagpapabinyag at pagtanggap ng sakramento na pinasimulan ni Jesucristo, ay nangangailangan ng awtoridad ng priesthood mula sa Diyos. Ang Simbahan ni Jesucristo ng mga Banal sa mga Huling Araw ay naglalaan ng istruktura at awtoridad ng priesthood na kailangan upang maisakatuparan ang mga kautusang iyon. Nagbibigay din ito ng mapagmahal at mapagsuportang kapaligiran kung saan maaari mong pagsikapang maging mas mabuting tao at makarinig ng mga ideya na maaaring hindi mo natagpuan habang pinag-aaralan mo ang salita ng Diyos nang mag-isa. Ang isa pang pakinabang ng organisadong relihiyon ay ang paraan ng paghihikayat at pagtataguyod nito ng mga pagkakataong maglingkod.
Ang pangkalahatang kumperensya ay isang pandaigdigang pagtitipon ng mga mananampalataya. Dalawang beses sa isang taon, gumugugol kami ng isang Sabado at Linggo sa pakikinig sa mga propeta ng Panginoon, mga apostol, at iba pang mga lider ng Ang Simbahan ni Jesucristo ng mga Banal sa mga Huling Araw na nagbabahagi ng mensahe ng Diyos para sa ating panahon. Libu-libong tao ang personal na nakikilahok sa Salt Lake City, Utah, USA, habang milyun-milyon pa ang nanonood mula sa malayo o pinag-aaralan ang mga mensahe sa kanilang sarili kalaunan.

Alamin ang iba pa tungkol sa pangkalahatang kumperensya.
Panoorin o basahin ang nakaraang mga mensahe sa pangkalahatang kumperensya.
Joseph Smith, Jr. kneeling in the Sacred Grove during the First Vision. There are shafts of light shining down on Joseph.

Kasaysayan ng Simbahan

Noong 1820, isang 14-na-taong-gulang na batang lalaki na nagngangalang Joseph Smith ang nagsimulang magtanong sa kapakanan ng kanyang kaluluwa at napaisip kung aling simbahan ang dapat niyang sapian. Isang araw, nang pag-aralan niya ang Biblia, binasa niya ang Santiago 1:5:

“Kung ang sinuman sa inyo ay nagkukulang ng karunungan, humingi siya sa Diyos na nagbibigay nang sagana sa lahat at hindi nanunumbat, at iyon ay ibibigay sa kanya.”

Ang banal na kasulatan ay may mabisang epekto kay Joseph, na nag-udyok sa kanya na maghanap ng tahimik na kakahuyan at subukan sa unang pagkakataon sa kanyang buhay na manalangin nang malakas. Nagpakita ang Diyos Ama at ang Kanyang Anak na si Jesucristo kay Joseph Smith noong araw na iyon, sinasabi sa kanya na napatawad na ang kanyang mga kasalanan at hindi siya dapat sumapi sa alinman sa mga simbahang natutuhan niya.

Si Joseph ay pinili bilang Propeta ng Diyos na, sa ilalim ng pamamahala ni Jesucristo, ay ipanunumbalik ang Kanyang Simbahan sa lupa. Ang Simbahan ni Jesucristo ng mga Banal sa mga Huling Araw ay pormal na itinatag noong 1830.

Alamin ang iba pa
Ang mga sermon na ibinigay ng propeta, mga apostol, at iba pang mga lider ng Simbahan sa pangkalahatang kumperensya ay matatagpuan sa pamamagitan ng pagba-browse sa general conference archives. Maaari kang manatiling nakasasabay sa bago sa sinasabi ng mga lider ng Simbahan maliban sa pangkalahatang kumperensya—tulad sa paglalaan ng templo o mga multifaith event—sa pamamagitan ng pagbisita sa Church Newsroom. Magagamit mo rin ang search function sa ChurchofJesusChrist.org sa pagba-browse ng mga mensahe sa pangkalahatang kumperensya, mga artikulo sa magasin, at iba pang resources ayon sa paksa.
Kapag pumanaw ang propeta at Pangulo ng Simbahan, ang pinaka-senior na apostol (sa haba ng paglilingkod, hindi edad) ay nagiging bagong propeta. Kapag may bakante sa Korum ng Labindalawang Apostol, pinipili ng propeta ang isang bagong tao na maglingkod, sa pamamagitan ng inspirasyon mula sa Diyos.

Ang iba pang mga katungkulan sa Simbahan—ang tinutukoy namin bilang “mga calling”—sa isang rehiyonal at lokal na antas ay pinili rin sa pamamagitan ng inspirasyon mula sa Diyos. Halimbawa, ang bishop na namumuno sa isang kongregasyon ay maaaring manalangin at mabigyang-inspirasyon na hilingin sa isang partikular na babae na pamunuan ang organisasyon ng kababaihan na kilala bilang Relief Society. Siya, sa kabilang dako, ay magdarasal para sa patnubay kung sino ang dapat tumulong sa kanya bilang mga tagapayo, bilang mga secretary, bilang mga guro, at sa iba pang mga tungkulin.

Alamin ang iba pa
A bible and triple combination on a table with papers.

Ang Biblia at ang Aklat ni Mormon

Oo! Naniniwala kami na ang Biblia ay salita ng Diyos. Palagi namin itong pinag-aaralan sa aming mga tahanan at sa simbahan, at sinusubukan naming ipamuhay ang mga turo nito. Naniniwala kami na ang Lumang Tipan at Bagong Tipan ay nakikipagtulungan sa Aklat ni Mormon, na isa pang tipan ni Jesucristo, na kumilos bilang saksi ni Jesus at bigyan tayo ng mas lubos na pang-unawa sa plano ng Diyos.

Alamin ang iba pa
Ang Aklat ni Mormon ay isang aklat ng banal na kasulatan na nagpapatotoo kay Jesucristo at nagtuturo sa atin tungkol sa plano ng Diyos at sa Kanyang mga kautusan sa atin. Isa sa mga pagpapala ng Aklat ni Mormon ay nagbibigay ito ng higit na kalinawan at pag-unawa sa mga turo ni Jesus na matatagpuan sa Biblia—katulad ng kung paano sinasabi sa atin nina Mateo, Marcos, Lucas, at Juan ang tungkol sa ministeryo at mga turo ni Jesus mula sa iba’t ibang pananaw upang makapagbigay ng mas kumpletong larawan.

Ang Aklat ni Mormon at ang Biblia ay magkasamang naglalaman ng libu-libong taong halaga ng inspirasyon, patnubay, at tagubilin. Sa pag-aaral ng dalawang aklat na ito, mas mauunawaan mo kung sino ang Diyos at kung ano ang nais Niya para sa iyo.

Pag-aralan ang Aklat ni Mormon at ang Biblia kasama ang mga missionary.
Tulad ng Biblia, maraming manunulat ang Aklat ni Mormon. Ito ay isang koleksyon ng mga journal at kasaysayang ipinasa-pasa mula sa isang manunulat patungo sa isa pa sa loob ng halos 1,000 taon. Ang unang manunulat ay ang propetang si Nephi, na nilisan ang Jerusalem kasama ng kanyang pamilya noong 600 BC at naglayag patungo sa mga lupain ng Amerika. Ipinasa ni Nephi ang talaan sa kanyang nakababatang kapatid na lalaki, na ipinasa naman iyon sa kanyang anak na lalaki. Ibinigay ng bawat manunulat ang talaan sa isang taong pinagkakatiwalaan nila. Mormon ang pangalan ng propeta na nagtipon ng lahat ng nakasulat upang maging iisang aklat, kaya ito tinatawag na Aklat ni Mormon.

Noong 1823, dinala si Joseph Smith kung saan nakatago ang mga sinaunang talaan at isinalin niya ang mga iyon sa pamamagitan ng kapangyarihan ng Diyos. 

Alamin ang iba pa.
Kuhain ang Aklat ni Mormon.
Tulad ng Banal na Biblia, ang Aklat ni Mormon ay nagpapatotoo tungkol kay Jesucristo. Ang pinakamahalagang kaganapan na itinala sa Aklat ni Mormon ay ang pagbisita ni Jesucristo—kabilang na ang Kanyang mga turo at ministeryo—sa mga naniniwala sa mga sinaunang lupain ng Amerika.

Ang Aklat ni Mormon ay nagsisimula sa kuwento tungkol sa isang pamilya. Ang ama ng pamilyang iyon na si Lehi ay isang propeta sa sinaunang Jerusalem noong mga 600 BC. Binalaan ng Diyos si Lehi sa isang panaginip na dalhin ang kanyang pamilya at lisanin ang Jerusalem dahil ang lungsod ay mawawasak at ang marami sa mamamayan nito ay bibihagin ng isa pang bansa. Tinawid nila ang karagatan patungo sa mga lupain ng Amerika.

Ang mga inapo ni Lehi at ng kanyang asawang si Saria, ay nahati kalaunan sa dalawang bansa: ang mga Nephita at ang mga Lamanita. Sa sumunod na ilang siglo, ang mga bansang iyon ay madalas makidigma sa isa’t isa, at ang kanilang pananampalataya sa Diyos at kay Jesucristo ay palaging sinusubok. Ang mga karanasang ito ang pumupuno sa mga pahina ng Aklat ni Mormon bilang mga makapangyarihang sermon, propesiya, aral sa buhay, at espirituwal na karanasan.

Matapos mabuhay na mag-uli si Jesus sa Jerusalem, nagpakita Siya sa mga tao sa mga lupain ng Amerika. Tinuruan Niya sila tungkol sa binyag at kapatawaran. Pinagaling Niya ang kanilang maysakit at binasbasan ang kanilang mga anak. Itinatag Niya ang Kanyang Simbahan. Pagkatapos, namuhay sila sa kapayapaan sa loob ng daan-daang taon. Sa paglipas ng panahon, nawalan ng pananampalataya ang mga tao at marami ang namatay sa digmaan. Ibinaon ng isang propeta mula noong panahong iyon na nagngangalang Moroni ang kanilang talaan upang pangalagaan ito para sa hinaharap at mga tao—para sa atin!

Alamin ang iba pa.
Kuhain ang Aklat ni Mormon.
A father and mother talk and interact with their children as the walk around the grounds in front of the Oakland Temple.

Mga Templo at Kasal

Karamihan sa aming pagsamba ay nagaganap sa loob ng mga simbahan, na kung minsan ay tinatawag ding mga chapel, meetinghouse, o stake center. Makikilala mo ang mga gusaling ito sa pamamagitan ng mga salitang “Visitors Welcome” at “Ang Simbahan ni Jesucristo ng mga Banal sa mga Huling Araw” na nakapaskil malapit sa pasukan ng karamihan sa mga gusali. Sa loob, nagdaraos tayo ng mga serbisyo sa pagsamba tuwing Linggo, mga aktibidad ng mga kabataan, mga pagtitipon, mga pagtatanghal na pangkultura, at iba pang mga kaganapang bukas sa lahat ng tao sa komunidad.

Ang mga templo ay may mas partikular na layunin. Ang mga ito ay mga lugar na espesyal na itinalaga para sa sagradong paglilingkod at mga seremonya. Ang mga ito ay itinalaga ng Panginoon at inilaan sa Kanyang mga layunin. Ang mga templo ang tanging lugar kung saan awtorisadong isagawa ang ilang ordenansa. Ang mga sagradong seremonyang ito ay nagpapasigla at nagbibigay-inspirasyon sa mga kalahok kapag nangangako silang susundin ang mga turo at halimbawa ni Jesucristo.

Ang mga templo ay may espesyal na pagpipitagan—hindi kayo makakakita ng mga taong kaswal na nagsasalita tungkol sa pinakabagong pelikula, paggamit ng kanilang telepono, o pakikibahagi sa iba pang mga pang-araw-araw na aktibidad. Sa halip, ang mga miyembro ng Ang Simbahan ni Jesucristo ng mga Banal sa mga Huling Araw na nagsikap na ihanda ang kanilang sarili para sa sagradong karanasan ay nakatuon sa pakikibahagi sa mga ordenansa at paghahangad ng personal na paghahayag mula sa Diyos.

Ang mga templo ay itinatayo upang bumagay sa tanawin, kultura, at mga pangangailangan ng lugar, kaya ang bawat isa ay mukhang may pagkakaiba. Ngunit karamihan sa mga ito ay itinayo na may puting marmol at mga tampok na taluktok na patungo sa langit. Lagi ninyong makikita ang mga salitang “Kabanalan sa Panginoon, ang Bahay ng Panginoon” sa labas ng templo.
Kapag ang templo ay bagong tayo o matapos sumailalim sa malawakang pagsasaayos, nagsasagawa ng open house para sa publiko upang makalibot sila sa loob. Saka, maraming templo ang may mga visitors’ center, lugar-hintayan, at bakuran na bukas sa lahat.

Matapos makumpleto ang templo, inilalaan ito para sa sagradong pagsamba. Dahil sa banal na katangian ng gawaing ginagawa namin sa mga templo, bukas lamang ito sa mga miyembro ng Ang Simbahan ni Jesucristo ng mga Banal sa mga Huling Araw na inihanda ang kanilang sarili para sa karanasang iyon. Bagamat maaaring hindi ka makapasok sa templo ngayon mismo, lahat ng anak ng Diyos ay inaanyayahang alamin pa ang tungkol sa ebanghelyo ni Jesucristo at pumasok sa mga ugnayan sa tipan na magtutulot sa iyo na lubos na makibahagi sa mga pagpapala ng templo.
Ang mga templo ay naiiba sa aming pang-araw-araw na mga gusali ng simbahan kung saan nagdaraos tayo ng mga serbisyo sa pagsamba tuwing Linggo. Ito ang aming pinakabanal na lugar, na inilalaan para sa pinakasagradong gawain ng Diyos. Ang mga bagay na ginagawa namin sa loob ng templo ay umiikot sa pangako na makakapiling natin ang Diyos at ang ating mga mahal sa buhay sa kawalang-hanggan.

Sa templo, mas lubos tayong nangangako na susundin si Jesucristo. Nangangako tayo sa Diyos, tulad ng pangako na susundin ang Kanyang mga kautusan at ilaan ang ating sarili at ang lahat ng mayroon tayo sa Kanya. Ang mga mag-asawa at mga magulang at mga anak ay magkasamang nagkakaisa, o “ibinubuklod“ sa isa’t isa, para sa kawalang-hanggan. At ginagawa din natin ang gawaing iyon para sa ating mga ninuno, na nagbibigay sa kanila ng pagkakataong tanggapin ang mga pagpapalang iyon sa kabilang-buhay kung pipiliin nila ito.

Alamin ang iba pa
Itinuro ni Jesus na ang binyag ay kailangan para makapasok sa kaharian ng Diyos (tingnan sa Juan 3:5). Pero paano naman ang mga taong namatay nang hindi nabinyagan o hindi man lang nagkaroon ng pagkakataong makilala si Jesus?

Buti na lang, naglaan ang Diyos ng paraan para sa lahat na makatanggap ng Kanyang mga biyaya—kahit pagkatapos ng kamatayan. Sa templo, ginagawa ang mga binyag para sa mga namatay nang walang pagkakataong mabinyagan sa buhay na ito. Nagturo si Apostol Pablo tungkol sa pagbibinyag ng mga patay sa Biblia (tingnan sa 1 Corinto 15:29), at patuloy na isinasagawa ito ng mga miyembro ng Ang Simbahan ni Jesucristo ng mga Banal sa mga Huling Araw sa mga templo ngayon. 

Ganito iyon ginagawa: Sinasaliksik ng mga Banal sa mga Huling Araw ang kasaysayan ng kanilang pamilya upang tuklasin ang mga pangalan ng mga tao na namatay nang hindi nabibinyagan. Pagkatapos ay binibinyagan sila sa templo para sa kanilang mga ninuno. Ang paglilingkod na ito para sa iba ay hinahandog nang may pagmamahal—at dahil ang buhay ay nagpapatuloy pagkatapos ng kamatayan, malalaman ng mga namatay na ang tungkol sa mga ordenansa at makakapili kung tatanggapin nila ito. 

Alamin ang iba pa.
Sa templo, ang mag-asawa ay pinagbubuklod nang walang-hanggan. Ang seremonya ng kasal na ito ay tinatawag na “pagbubuklod” sa templo dahil ang mag-asawa ay pinag-iisang dibdib sa buhay na ito at sa kawalang-hanggan. Sa isang maikli at simpleng seremonya, ang magkasintahan ay naghahawak ng kamay sa isang altar. Sila ay nakikipagtipan sa Diyos na kanilang gagalangin at iibigin ang isa’t isa nang buong-buo at nangangakong susundin ang mga turo at halimbawa ni Jesus. Bilang kapalit, pinangangakuan sila na ang kanilang kasal at ang kanilang pamilya ay magtatagal hanggang sa kabilang buhay at hanggang sa walang hanggan. 

Ang mga mag-asawang ikinasal sa templo ay madalas nagdiriwang kasama ang mas malaking grupo ng pamilya at mga kaibigan pagkatapos ng kasal sa isang salu-salo o iba pang tradisyong pangkultura. Ang mga mag-asawang dating ikinasal sa mga seremonyang sibil sa labas ng templo (tulad ng mga sumapi sa Simbahan matapos silang ikasal) ay mararanasan din ang mga pagpapala ng pagbubuklod sa templo.

Alamin ang iba pa.
Ang simbolikong kasuotan at alahas sa relihiyon ay karaniwang kaugalian para sa maraming taong may pananampalataya sa buong mundo, kabilang na ang mga miyembro ng Ang Simbahan ni Jesucristo ng mga Banal sa mga Huling Araw. Ang mga adult na miyembro ay nagsusuot ng temple garments bilang personal na paalala ng kanilang kaugnayan sa Diyos, ang mga pangakong ginawa sa Kanya sa templo, at ang kanilang pangako na susundin si Jesucristo at susundin ang Kanyang mga kautusan. Ang temple garment ay binubuo ng dalawang piraso, katulad ng isang magaan na pang-ilalim at shorts. Ang mga ito ay itinuturing na sagrado ng mga miyembro na nagsusuot nito.

Alamin ang iba pa
Oo. Ang mga miyembro ng Ang Simbahan ni Jesucristo ng mga Banal sa mga Huling Araw ay maaaring ikasal sa kung kanino nila gusto. Gayunman, ang mga sagradong kasal sa templo para sa kawalang-hanggan ay nakalaan lamang para sa isang lalaki at isang babae na kapwa miyembro ng Ang Simbahan ni Jesucristo ng mga Banal sa mga Huling Araw at inihanda ang kanilang sarili na gumawa ng walang hanggang katapatan sa isa’t isa at sa Diyos. Dahil diyan, mas gusto ng maraming Banal sa mga Huling Araw na makipagdeyt sa mga taong kapareho nila ang mga paniniwala at ng kanilang mithiing makasal sa templo.

Mga Missionary

Ang mithiin ng bawat missionary ay ibahagi ang ebanghelyo ni Jesucristo. Ilan sa mga bagay na ginagawa nila ay ang pakikipagkita at pakikipag-ugnayan sa mga taong interesadong matuto pa, turuan sila, sama-samang mag-aral ng mga banal na kasulatan, at magboluntaryong maglingkod sa komunidad.

Ang mga misyon ay mukhang kakaiba depende sa lokasyon. Halimbawa, may ilang missionary na naglalakad o nagbibisikleta habang nagmamaneho ng mga kotse ang iba. Ang ilan ay inaatasan sa mga kanayunang lugar, ang iba naman ay sa malalaking lungsod. Kung minsan ang gawaing misyonero ay tila pakikipag-ugnayan sa mga tao sa pamamagitan ng social media; kung minsan naman ay kinapapalooban ito ng katok sa mga pintuan o pagbibigay sa mga tao ng mga paglilibot sa mga makasaysayang lugar ng Simbahan.

Ang isang bagay na karaniwan sa lahat ng missionary ay nais nilang tulungan ang iba na makilala at magkaroon ng kaugnayan kay Jesus. Kung may mga tanong ka na may kaugnayan sa pananampalataya, naghahanap ng isang taong kasamang manalangin o gustong magsimba kasama ang isang tao, ipaalam sa amin! Masaya ang mga missionary na kausapin ka!

Makipag-ugnayan sa mga missionary sa inyong lugar
Bawat miyembro ng Ang Simbahan ni Jesucristo ng mga Banal sa mga Huling Araw ay hinihikayat na ibahagi ang ebanghelyo ni Jesucristo sa iba. Ang ilang miyembro ay inaanyayahan at maaaring piliing maglingkod sa full-time mission sa loob ng isang partikular na panahon (kadalasan 18 o 24 na buwan). Karamihan sa aming mga missionary ay mga single adult sa kanilang mga huling taon sa pagiging teen o mga unang taon sa twenties, at naglilingkod din ang nakatatandang mga miyembro at mag-asawa. Dahil magkakaiba ang sitwasyon ng bawat tao, maaaring piliin ng ilan na magmisyon nang ilang oras sa isang linggo. Maraming miyembro ng Simbahan ang hindi nakapaglingkod kailanman sa isang opisyal na misyon ngunit ibinahagi ang ebanghelyo sa kanilang mga ginagawa araw-araw.

Alamin ang iba patungkol sa mga missionary o makipagkita sa mga missionary sa inyong lugar.
Maaari mong mapansin na ang mga missionary ay kilala bilang Elder o Sister kasunod ang kanilang apelyido. Ito ay isang titulo na ginagamit natin bilang tanda ng paggalang at karangalan. Gayundin, ang mga miyembro ng Ang Simbahan ni Jesucristo ng mga Banal sa mga Huling Araw sa pang-araw-araw ay madalas tumawag sa isa’t isa ng Brother o Sister sa halip na si Mr. o Ms. upang igalang ang ating relasyon bilang mga anak ng Diyos.
Christ being Baptised - A young being baptized

Binyag

Oo. Nilinaw ni Jesus na kailangan ang binyag para makapasok sa kaharian ng langit, na nagtuturo na dapat tayong “ipanganak ng tubig at ng espiritu” (Juan 3:5). Si Jesus mismo ay bininyagan—kahit siya ay perpekto—upang magpakita ng halimbawa sa atin.
Oo. Marami sa mga nabinyagan sa ibang simbahan ang humakbang nang may mabuting pananampalataya, na may tapat na hangaring tanggapin at sundin si Jesucristo.

Naniniwala kami na pagdating sa mga sagradong ordenansa o gawain na mahalaga para sa ating walang hanggang kaligtasan, kailangan nating sundin ang huwarang itinatag ni Jesucristo. Nangangahulugan ito na ang pagbibinyag ay kailangang isagawa sa pamamagitan ng awtoridad ng priesthood mula sa Diyos at sa paraang naaayon sa paraan kung paano bininyagan si Jesus (sa pamamagitan ng paglulubog).

Ang mabinyagan sa Ang Simbahan ni Jesucristo ng mga Banal sa mga Huling Araw na sinusundan sa pamamagitan ng pagtanggap ng kaloob na Espiritu Santo ng isang taong may awtoridad mula kay Jesus ang paraan ng pagpapakita ng Tagapagligtas na maging miyembro ng Kanyang Simbahan.

Alamin ang iba pa
Lahat ay inaanyayahan at hinihikayat na sumamba kasama namin, ngunit ang pagiging opisyal na miyembro ng Simbahan ay nangangailangan ng pag-aaral tungkol sa ebanghelyo ng Tagapagligtas, pagpili sa binyag, at pagtanggap ng kaloob na Espiritu Santo.

Ang unang hakbang sa pagsali sa Ang Simbahan ni Jesucristo ng mga Banal sa mga Huling Araw ay ang pag-aaral pa tungkol kay Jesucristo at sa mga pangako at pangakong ginagawa mo kapag nabinyagan ka sa Simbahan ni Jesucristo.

Ang ebanghelyo ni Jesucristo ay nagbibigay sa mga tao ng pag-asa, kagalakan, at higit na pag-unawa sa layunin ng buhay. Kapag handa ka nang makita kung paano ka mapagpapala ng pagiging miyembro ng Simbahan ng Tagapagligtas, maaari kang magsimula sa pagkatuto sa mga missionary na makatutulong na ipakilala sa iyo ang aming mga paniniwala at sa iyong lokal na kongregasyon.

Alamin ang iba patungkol sa mga missionary o makipagkita sa mga missionary sa inyong lugar.

Tumanggap ng Karagdagang mga Sagot

Mayroong iba pang mga tanong para sa amin? Ang mga missionary sa inyong lugar ay maaaring bumisita sa inyo online o nang personal para sagutin ang inyong mga tanong at magbahagi ng isang nagbibigay-inspirasyong mensahe.