1001
FAUNITENI ʻO E NGAAHI LELEI KOTOA PĒ
1. Fauniteni ʻo e ngaahi
Lelei kotoa pē.
Fonofono hoku lotó,
Ho‘o ʻofa fua pē.
Te u hiva mo kalanga
‘I he hiva mālié.
Kiate Koe, ko e moʻunga
‘O e ʻofa kotoa pē.
2. Ko Koe hoku ʻEpenisá,
Maka ʻamanekiná.
Hake atu ki ʻapi ná,
ʻIkai ha talisolá.
Ne u fili ke foua
Mama‘o mei Ho halá.
Ka kuo lākai au ʻe Sīsū
ʻI Hono ta‘ataʻá.
3. ʻOi, te u tala hoku monū
Taʻeʻaloʻaloá.
Neongo e ngaahi malá,
Sila‘i au Ho ‘ofá.
Tauhi au ke u nofo atu
Peá u faitukupā.
Tauhi au kiate Koe
ʻI Ho ʻafioʻangá.
Na‘e fokotu‘u ‘e he palōfita ko Samuelá ha maka mahu‘inga ko ha fakamanatu ki hono kakaí, na‘e fakahaofi kinautolu ‘e he ‘Otuá ‘i he taú. Na‘á ne ui ‘a e maká ko “‘Epenisa,” pe ko e “maka ʻo e fakahaofí.” (Vakai, 1 Samuela 7:10–12.)
Fakaleá: Robert Robinson, 1758; liliu faka-Tongá, 2026
Fakatuʻungafasí: Fasi tuʻufonua mei ʻAmelika; Wyeth’s Repository of Sacred Music, Part Second, 1813; naʻe liliu; fokotuʻutuʻu ʻi he 2024 | NETTLETON
Liliu faka-Tongá © 2026 Intellectual Reserve, Inc.; fokotuʻutuʻu ʻo e hivá © 2024 Intellectual Reserve, Inc. All rights reserved. ʻE lava ke hiki ha tatau ʻo e foʻi hivá ni ke ngāue ʻaki ki ha ngaahi meʻa fakasiasi ʻoku ʻikai fakakomēsialé pe ʻi ʻapí. Kuo pau ke fakakau ʻa e fakatokanga ko ʻení ʻi he tatau kotoa pē ʻoku hikí.