Fekauʻaki mo e Ngaahi Meʻa Ko ʻEni kuo Fakatahatahaʻí: Ngaahi Himí—Maʻá e ʻApí mo e Siasí
Kuo folofola ʻa e ʻEikí, “ʻOku fiefia ʻa hoku laumālié ʻi he hiva ʻo e lotó; ʻio, ko e hiva ʻa e kau māʻoniʻoní ko e lotu ia kiate au, pea ʻe tali ia ʻaki ʻa e tāpuaki ki honau ʻulú” (Tokāteline mo e Ngaahi Fuakava 25:12). ʻE lava ke ʻomi ʻe he hiva toputapú ʻa e fiefia, nonga, mo e tataki fakalaumālie. ʻE lava ʻe he hiva fakatahá ʻo fakatahatahaʻi hotau ngaahi fāmilí mo e kāingalotú ʻi he tui mo e moihū.
Kimuʻa pea pulusi ʻa e tohi himi foʻou fakaemāmani lahi ko e, Ngaahi Himí—Maʻá e ʻApí mo e Siasí, ʻoku mau fiefia ke tuku fakakongokonga iiki atu ha tatau fakaʻilekitulōnika ʻo e ngaahi himi foʻoú. ʻE tuku atu ha konga ʻo e ngaahi himi foʻoú ʻi he ngaahi māhina siʻi kotoa pē kae ʻoua kuo paaki kakato ʻa e ʻū hiva kuo fakatahatahaʻí. ʻE filifili ʻa e hiva foʻoú mei he ngaahi himi naʻe faʻu ʻe he Kau Māʻoniʻoni ʻi he Ngaahi ʻAho Kimui Ní, ngaahi himi mei he ngaahi tukufakaholo faka-Kalisitiane kehé, mo e ngaahi hiva ʻi he laipeli mūsika toputapu fakaemāmani lahi ʻa e Siasí. ʻE kau ʻi he ʻū hiva filifili ko ʻení ʻa e ngaahi himí mo e hiva ʻa e fānaú fakatouʻosi, ʻa ia ʻe lava ke fakaʻaongaʻi kotoa ʻi ʻapi, ʻi he houalotu sākalamēnití, pea mo e ngaahi fakatahaʻanga kehe ʻa e Siasí.
ʻOku mau fakaafeʻi atu ai ke mou feinga ke maheni mo e mūsika foʻoú ʻi he taimi ʻe tuku atu aí. Fakaʻaongaʻi ʻa e ʻū hiva filifili ko ʻení, ʻi hoʻomou moihū fakaʻahó, ako mo e fakahinohino ʻo e ongoongoleleí, ʻi ʻapi pea ʻi he lotú fakatouʻosi. ʻE lava ke maʻu atu ʻa e laʻipepa hivá mo e hikitepi ʻo e fasí ʻi he polokalama Gospel Library mo e Sacred Music pea ʻi he music.ChurchofJesusChrist.org. ʻOku maʻu atu foki mo e ʻū naunau akó ke tokoni ke ngāue ʻaki ʻe he kāingalotú mo e kau takí ʻa e mūsika foʻoú ʻi honau ngaahi ʻapí mo e haʻofangá.
ʻOku mau fakamālō atu ki he kau mēmipa tokolahi kuo nau tokoni ʻaki honau taimí, talēnití, mo e iví ki he fakatahatahaʻi ko ʻeni ʻo e hiva toputapú. ʻOfa ke faitāpuekina kitautolu kotoa ʻe he ʻEikí ʻi heʻetau ʻohake kiate Ia ʻa e ngaahi hiva hotau lotó ʻo fakafou ʻi he hiva toputapú.
Message from Elder Renlund on the New Hymns
Elder Dale G. Renlund describes the process of selecting hymns for the new collection. He encourages members and leaders to use the new hymns to increase faith and worship and to unify their families and congregations.
New Hymns at Home
Sacred music can enhance gospel study and worship in your home, both individually and with your family. Learn how you can incorporate sacred music into your life and experience the blessings that come with it.
New Hymns at Church
Sacred music is a foundational part of our worship at church. Learn some ideas for incorporating new music into the church experience.