Taʻofi Fakataimi

ʻOku hangē ʻoku fiemaʻu ʻi he taimi ʻe niʻihi ke u fakaʻaongaʻi ʻa e tekinolosiá ke u ongoʻi fiefia pe fehokotaki ai mo e kakai kehé. Pe ʻoku ou pae koeʻuhí ʻoku ou ongoʻi tuenoa pe taʻeoliʻia. ʻOku ou fehangahangai ʻi he taimi ʻe niʻihi mo ha ngaahi meʻa ʻoku fekeʻikeʻi, fakailifia, pe fakasekisuale, pea ʻoku ʻikai ke u fakapapauʻi pe te u tali fēfē ia.

Kuó u ʻilo ʻoku sai pē ke u kiʻi taʻofi fakataimi ʻo mālōlō. ʻE tataki mo fakatokanga mai ʻa e Laumālié kiate au, pea ʻe tokoni ia ke u fakakaukau ki heʻeku meʻa ʻoku faí mo e meʻa ʻoku ou ongoʻí. Pea te u lava leva ʻo fakapapauʻi pe ʻoku ou fie fai ha fili kehe.

Kuó u ʻiloʻi ʻoku tokoni ke te:

• Lea ʻaki ʻe te fakakaukaú: ʻI heʻeku sio ki ha meʻa ʻoku taʻefeʻunga pe te ne ʻai ke u ongoʻi koviʻia, tuenoa, pe taʻefiemālié, te u lava ʻo pehē, “ʻOku ʻikai ongo tonu ʻeni.”

• Fai ha fili lelei ange: Te u lava ʻo tāmateʻi ʻa e meʻangāué pe ʻai ke fakalongolongo ʻa e ngaahi fanongonongó (notifications). Te u lava ʻo hū ki tuʻa pe hiki ki ha loki ʻe taha, ʻo ʻikai ʻalu mo ha meʻangāue toʻotoʻo.

• Fakafehokotaki mo ha taha: Te u lava ʻo talanoa ki ha kaungāmeʻa pe mēmipa ʻo e fāmilí fekauʻaki mo e ongo ʻoku ou maʻú. ʻOku faʻa fiemaʻu ʻi he taimi ʻe niʻihi ke u fetuʻutaki mata ki he mata mo ha taha, kae ʻikai fakafou ʻi he tekinolosiá.

3:45

Taumuʻa. Palani. Taʻofi Fakataimi. Ko ha foʻi lea iiki ʻe fā te nau fai ha liliu lahi.

Ko e hā hoʻo palani ki hono fakaʻaongaʻi ʻo e tekinolosiá? Te ke lava ʻo fakaʻaongaʻi ʻa e peesi ko ʻení ke hiki ha fanga kiʻi fakamatala pe tohiʻi hifo ha ngaahi fakamanatu.