Palani

ʻOku ou saiʻia ke tā kītā, pea ʻoku ou sai ʻaupito ai. Ko e taimi kotoa pē ʻoku ʻi ai haʻaku fakaʻaliʻali, ʻoku ou ʻiloʻi kuo pau ke u akoako mo palani kimuʻa pea toki hokó. ʻOku tatau pē ia mo e tekinolosiá: ʻi he taimi ʻoku ou palani ai kimuʻá, ʻoku ou ongoʻi lelei ange mo fai ha ngaahi fili ʻoku lelei angé.

Naʻá ku faʻu ai ha ngaahi lao faingofua ʻe tokoni ke u muimui ki heʻeku palaní:

• ʻOku ou fokotuʻu moʻoku ha taimi fakangatangata fakaʻaho ki hono fakaʻaongaʻi ʻo e tekinolosiá.

• ʻOku ou toki “muimui” pē mo fetuʻutaki ki ha fāmili mo ha ngaahi kaungāmeʻa ofi.

• ʻOku ʻi ai ha ngaahi feituʻu ʻi ʻapi ʻoku ʻikai fakaʻaongaʻi ai ʻa e meʻangāue fakaʻilekitulōniká, hangē ko hoku loki mohé mo ʻeku falekaukaú.

• Naʻá ku fokotuʻu ha feituʻu ke fakafonu ai ʻa e naunau fakaʻilekitulōnika ʻa e fāmilí, ʻo palaki kotoa pē ki ai pea ʻikai lava ha aʻu ki ai ʻi he poʻulí.

• ʻOku ou fakaʻaongaʻi ha polokalama fakangatangata (filter) ke taʻofi ʻa e ngaahi polokalama pe kanotohi ʻoku taʻefeʻunga mo ʻikai malú.

ʻOku ʻikai ha faituʻutuʻuni pau ia ʻoku tonu pe hala ki he fili kotoa pē te u lava ʻo fai ʻaki ʻa e tekinolosiá. Ka ʻoku tokoni ʻa e palani kimuʻá. Pea te u lava foki ʻo talanoa ki hoku ngaahi kaungāmeʻá mo e fāmilí fekauʻaki mo ʻenau ngaahi fakakaukaú.

Ki Hono Fakamālohia ʻo e Toʻu Tupú: Ko ha Fakahinohino ki Hono Fakahoko ha Ngaahi Filí